Pasal 15
TEBA EKU PA TEBA NAVE
1
Ne, navekotu, teba naveka noja netete pa no-nenewo netoko heve kei neteteka.
2
Neba tenetewe hupalaheve nejuku nene ko heve newenunu.
3
Oke kira hevei nokekewo kejuke, pa anara putukoto: "Piti fefe tela, piti fe-tela-Me, tewe-ni."
4
Pa jalelepa lupa putumo, kei pu-tuko jatenaruru-neate, u-nave newekoko janenone te newekoko pa hupalaheve wa Rupu-Tu.
5
Pa Tata, Kei nave nenewo pa hupalatupipi, eletiti-ali kekelele, ana kotu hupala Yesus Kristus,
6
ko hupala ali pa pina alipa Tata pielolo pa Ai Tata nene, Yesus Kristus.
7
Peanya newowowe elo huhufafaanara Kristus kera nekelo, kote Tata fefeke.
8
Pa ni-lekoi, kei Tata bamua kekeko Kristus bapokele teba poteja ko ja-Ke-loko naveve te jobepakama nene,
9
pa ko-tebapapa, u-Tata piteneni kei heve-Keke, ana putukotu: Pakei Tata pinilolo tebapapa pa mazmur la-nilaetete-Me.
10
Pa anaiara: "Ewenakaka, he ebapapa, pa Tata bapake."
11
Pa lau: "Tata pielolo, he ebapalelepa, pa tebapai Ke-pitenini.
12
Pa wanaite Yesaya-lo: "Bale ka Isai juetotole, pa Ke-kalo tebapapa kelokakakale, pa tebapapa pu-tete momo Ke-fa."
13
Anai Tata, hupapu nene, hupalaheve keleko pimomo nonene pa hupalaheve mo hupalanave nene, u-Tatabaleke nenafe keloleko janenonei pipi.
PAULUS JAPU KEKE KENALUI
14
Johane, niwo e-kenihi, kei ewora heve e-e-pi, pa jalelepa elo pa jaeloko ewowo pinaelele.
15
Keipa, Tata heveke kekeleheto ni, ni kefupakewe nave niweko japu nilete-e ue-emomo,
16
. kei niwe janoloe Tata Oke kote tebapapa teba Yahudi-ka ki Tata Piveke jano niloe, u-tebapapa Yahudi-kai Tata tekelolo anara janewetete Ke-pule, kei Tataletuke kelete-tu.
17
Peanya hupalaheve niwe Tataoke-ko janonilo te-Tata.
18
Pa japahi pi-ni-lelekale, kei ja-Oke lekoko no-nine, ko tebapapa niloare lala, kei pi pa janopa,
19
kei ma-jalewae pa jalopa pa te ma-Letu. Anaiara lo-ni-pahu Yerusalem-pa nihakore Ilirikum Pife Keke nihapa nalulo.
20
Pa pi-ni-wahaei kei anara janaheve-nine, kei ni-le-eje, Oke batike teri, u-ja-niwehuhu je,tebahi weju,
21
pa anara putukotu: "Te, pife Keke teweka, Ke-tefifi, teba rika, teririte."
PAULUS PULE KETOTO ROMA-LE
22
Penya ni-rere e-le totepe-e.
23
Pa uawe, jetawe ni janoka, pa ni felaru nararawe pule ni-rere ele,
24
ni pule lo ni-rere Spanyol-le nire e-ni-fefe je-eleele pa e-ni-fifi, u-ni ekare kefufu kefua, jetale kopane lanetete.
25
Pa kewe lo ni-rere Yerusalem-le teba-tu jate eare lolelele.
26
Pakei Makedonia pa Akhaya pitewako jatereko renini teba wawa-tu mete Yerusalem.
27
Pi-i ma-tete, pa kei jatetekakapa-tete. Pakei, ana teba papahi jabamua tere teba Yahudi, kei tebapapahi tete teba Yahudi jano terere jahelo fito tetepa.
28
Anara janoi nilo pa janapepe ni-lolete teba papahi te-te, ni-rere Spanyol ni-le nove e-e.
29
Pa ni-lo, anara ni-lo e-nifefele, jano ni-lola Tata janaheveke.
30
kipa Oke batike, Tata nene, pa heve Letu, e-pinile, johane, kei nelupa nipa newanene Tata te-ni,
31
u-ni teba rubenafenaruate ni-awalele te Yudea, pa peanya janoniloi te Yerusalem teba-tu metefu tewehuhufafa,
32
ura ni-hupalahevepa Tata loko nilo-e, epane nohae newewe.
33
Tata hupalaheveke, kelatakuku-ebafapa.! Rupabe.