1
Pa elukana, johane, - kei pinilete teba ma teri - ma japupetu naiaetu pu mepemepe fitowea?
2
Kei peume ma-atu pu pape lei. Pa ana pape-wa, ma-atukoi papei kofa.
3
Nya pu pape lei kei teni utapetue, ana kebale hiu-we; pa ana pape-wa, ma-kofa, keipe uta-ka, ana kebale hiu-we.
4
Tunaia, johane, erawu te ma-ropupe kei Kristus noke, u-ei tebahi jate, kei ja-Keke, kewapa kelefuto, u-ne natoko-te Tata.
5
Papu nelaku jafefe, hupala nole, ma-ropu faka, janotere-e no-nene, ko ne-nelala tebabi.
6
Pa uawe ne-kelofe ma-Ropu, kei newuko-ke, ne-kefalu, ko uawe janonati nerone Tata Letuke pa kei jalelepa toto putumo ma-Roppui-ka.
7
Anara noi, janetotote? Kei ma-Ropui nolena? Noira-ka! Pakei, ma-Ropu iatuko nole nifula. Kai niraluka pulei-ja, kei ma-Ropu lokoka: "Ja pututuka!"
8
Pa noleia-toi lo-niweko jalelepa putumotu tuetoto; pakei ma-Ropukai nole-pa.
9
Lopafu nile-ei ma-Ropu-ka. Pakei japui-to, nole kelela,
10
puto ni-wu. Pa japui ni-kekati nile-ele, kei ni-kekekati ni-wu .
11
Pakei japukele toi, nole lokeweko ni-kelelu pa japokeleia ni-kekako niwu.
12
Nya ma-Ropui-tu, pa japukeleira-tu, bamua pa heve.