Pasal 6

Newu Pa Kristus Pa Nelefuto

1 Anara noi, janetotote? Nela takoko nolena,u-heve kekei nawo lewae? 2 Anai tutukatu! Kei nole tuko newu, tunaneko nera tenete toi? 3 Na elokana, kei neba lelepa Kristus batikepa panehei, Ke-waiako panehe? 4 Noia Ke-pa nelupa itete panehei, ura, ahanoia Ai heve kekeko Kristus lefuto tebabihou, anaia ra nera tenene pa netenene nopara nati. 5 Pa ana Ke-wako   netetiali kei nera newula kepa, nera ahala-ali aha ana Ke-lefutoi. 6 Peanya neru, neba toto  tenei rari kei kekefe rari, nolemo nonenewe ma-letete, ko nole nijapu keleleka. 7 Pakei ba-wa, ke-noleka. 8 Nya ana Kristus-pa newu, keneni, kei Ke-pa nelupa  tenenete. 9 Pakei neru, kei Kristus kera nelupa tenenete. 10 Pa Ke-wai kewako nole nene, la-ali pa konaia kokotu, pa netenetei neteneko Tata. 11 Anaira ekalele: kei ewuko te-nole nene, pa netenetei kei neteneko Tata kole Kristus Yesus toke. 12 Penya nole nomeme takukutuwe japukeleleka, u-kepulekotui elalaka. 13 Pa no-e-e nole eloleleka keloko ta-keleko jafefe kelelele, pa noe-e elolete Tata anara eba, lupafu ewu, pa uawe ele-ele. Pa noe-e elolete Tata ta-keleko jabamua.  14 Pakei nole e-japu kelelekale, kei e-le-ele ma-keke tukolo eleka, pa ele-ele heve keke.

Bapu Hitu
15 Nya tunane-e? Nole netetena? kei ma-keke tukolo nemoka, pa pipate keke? Nora-ka! 16 Paelokana, kei noewelete kebau bapoke komepataku-ke, mei bapuke, ke-elatakuku, kkei nole elokati ewuwule, pana elatako kekatiti jabamua? 17 Pa hevewo te Tata! Lopa nemo nole tukolo, pa uawe hupala tupa elatakole jakenalupolokai te-e. 18 E-kefaju nole e-e pa bapu jabamua. 19 Jawe nilo-e kei neba nopara kei ne-naveka. Kei ana no-elolete nole bapuke pa jafefe e-kelokati hehe jafefele, anaira no-e-e eloletejabamua bapuke e-kekatiti jetule. 20 Papu e-nole bapuke, jabamua faweka. 21 Pa rotiha ewu jai? Jalelepaia tuko uawe eba roka, jalelepai kewa upa kakatu. 22 Pa uawe, nole teju pa e-Tata bapuke, ritoi ekekatiti  eba-tule pa pepapei ele naiaele. 23 Kei nolei neba wuwute; pa Tata pipatekei netenaianete Kristus Yesus, Tata nene.