Pasal 4

1 Nya janetoto Abrham te, kei pipave nora nene? 2 Pa kei Abraham jakeleko kebamua teni, kei nave keweko nokenalulule, pa Tata hokeka. 3 Pa ja ropu-ule lokotu? "Kaipa Abraha Tata kekeki, pa Tata jakekaki tekei jabamua." 4 Ana bau janoloile, tu-kekei ana jana tejajijikate, pakei jakeke. 5 Pa ana bba-janoloka, pa Ke-kekeki teba fefe kelepate bamua, hupalanave kekakite bamua. 6 Ana Daud lo hevewo eba jaelekapa Tata e-bamua kelo: 7 "Hevewo eba jafefele-ei kejo, pa nole e-ekepu;  8 hevewo meba nole memei Tata kakitikeka." 9 Motuna piti hevewowe lewawa potejafa na poteja karai? Pa kei neto, kei te Abraham hupalanavei tejaji  ana bamua. 10 Noroha noha jai tejaji? poteja kapatete na tejapa tete? Tejapa teteka, pa teja pa tete. 11 Pa poteja koli-i tewe ana ma-bamuapepe wa hupalanavepa tenarue, potejakafuapa. Noia Ke-lela Ai teba lelepa keji potejakai, u-jabamuai tejajiji-te, 12 pa kera teba poteja rete, kei teba potejakafa, pakei telala Abraham hupalanave keke, pipafe nene, po-ke poterika. 13 Kei ma-kekeka jekelokoi kekele Abraham pa pipafe keke, kei fitowe tewewete, pakei bamua-mpa, wa hupalanave. 14 Pakei tejoete wa ma-keke, Tata jakelokoi tewewte, pakei hupalanavei afia pa jakelokoi kitalu. 15 Kei ma-keke keleko huvevetu, pa kene ma-kekekai, keira jafefe teteka. 16 Peanya jabamuai wa nave hupalaave u-keianara pipte, ko jakelokoi lewawa Abraham pipafeke lelepa, kei teba te-ete ma-kekfaka, pa teba te-ete Abraham hupalanave kerai. Pakei Abraham-i nebapa Ai-nene. 17 ana putukotu: "Tebapapa aitei mea no-Ni-lu" - Tata hoke te-Ke ko-ke kekeki, kei Tata tebabi keleko telefuto pa pife-Keke-pa keleko jamokai-mo. 18 Kei janaveura kokako nenonenete, pakei Abraham kekoi pa kekeki, kei kelelala tebapa rete, anara pifekeke nuko: "Anai pipave meme nawo." 19 Hupalanave keke ekuka, kei kelu, nupara kekei ekulo, keu felaro kekei 100, pa Sara-i pe-babo. 20 Pa ja-Tata lokoi keroworaka kei kekeki-kaka, pakei hupalanave keke nave wele pa Tata pikelo, 21 pa lakaki, kei Tata makeke jakelokoi jakelelele. 22 Peanya jawe tejaji tekei ana jabamua. 23 Pitiwe, kei "jawe tejajite-ke,"putuko Abraham wofaka, 24 pa kei japutuko to-nerai, pakei tonera Tata kaki, kei nera Ke-keneni, Oke keleko kelefuto, Tata nene, wa tebabi lahoute, 25 kei Yesus, kei jafefe neteneko ketekefe pa kelefuto kei heve nene.