Pu la napa Kaipa kebafapa lanapa, pa nikalete hau kupeta heto fito, pa kei lo tete wa-tilo tebabi jete tekeni. Kaipa tilo wa-loi bukeju, kaipa rapo-ei ànara e-kaku bapale, pa ra pa peta tukoloi rapo eloia leko lopa. Pa was rapoia haji keto fitowea pa tei ma teweni anara ma fuli te-e fitowea. Pa the te-teniko, u-ja motu fitowea tetakikika na Riha na ripa, pakei teba Tata ma-ke neko tefaka tefa metakuku. Pa tei teni teba tejijika, pakei tetakiki me Napa jopepe, pa tejiei ana fuli kowae, pu neba kopewa. Pa pui teba tebibite tejujute, pa tefifkate, pa putu tebibite, pakei tebabietei pemowatatatu. Pa haji-i anara jako tetupik pi-kelelele, pa rube tetei anara lele emas, pa taha tete anara neba taha, pa ta tete ana teume ta-te pa ko tete ana singa ko, pa tarue tete ana pi-ro, pa fa-tete na-ana jako fapa ta-tejarue, kei tejetena je-pi-tete-ete. 0 Pa pu tete anara fuli-pu pa kotatamotu, pa pu teteti ma-hemotu ko teba tejijite, ke-napa jopepe. 1 Pa kebatete te-kelokakai-i kebafapa wa tebi; batikeke Ibrani pilatei Abadon pa Yunani pilatei Apolion. 2 Janove lopana we. Kewe janoveve hitu-ura waetu.

Pu La Napahi 3 Kaipa kebafapa lanapahi-i pu-kepe, pa lonilate pinau keleto nopo-mo kaku emas ru Tata ho, 4 pa kebafapa lanaphi-i pu kelomoi pitiu kela: "Tebafapa nopo aelemotui noeafa pa-bapae aefrat-i." 5 Kaipa tebafapa nopo tetupiko raku pa ba-i noteafa, ke pa felaro ko neba 1/3-we tejiko newuwu. 6 Pa tabai nawo pepe 200.000.000 tabafa re jako; lonilate nawo pepeai. 7 Pa anaia nikakalete janifui jako pa teba emo; pi ro tehemo, ole ra pa tinero pa tale belerang panopepe; jakoi rube tete ana singa, pa laui ra kepatoe, kei rai, pa rapo pa belerang. 8 Tebafapa hetoi neba 1/3-u tejiko tebi, kei ra-lo, pa rapo pa belerang, ke lau keke. 9 Kei ma jakofai motu lau pa pu tete. Kei pu-tetei anara i-nya; tei rubepa pa rube teteipa ja tetekiete. 0 Pa tebahi, janoveipa tebika, tepotoka janopa tete-e: letu fefe tabeja tetepolo jae pa tebate wa emas pa Perak, was tembaga, wu pa ri jatefuka na terika na loteja, 1 pa tepotoka was teba tejipate tebie, jahutete-e, uta pa jeta.