Ma Napaheto Pa pu Jako Ko ma la napaheto bukeju, petafu pinaraka, kei aha-ana raku jopa. Pa nikalete tebafapa napaheto, tere Tata ho-ke, pa pu napaheto tereni te. Pa kebafapa hiu to, pa ketiru kakutu rari emas-u keweko. Pa ke-kemenyan nawo tereni ko kelofela lupopo teba tu lelepa kaku emas ra fujei topu. Kaipa rap kemenayan-i ela lupopo teba tui wa kebafapai te Tata hoke. Pa kebafapai rari-i kewe, ra kewe kaku kehe topa, keloheto fito. Kaipa letala petapa hehekai, pa matetemo.

Pu nopo lopana Pa tepafapa napahetoi pu napaheto teremo pano tetopiko puia tepepete. Kaipa tebafapa lopana pu kepe pa ku fu koi, pa ra, lampila hipa; jai kelojafata heto fitowea; kaipa fitowe 1/3 rae pa 1/3 ripa pa ja rihapawe otofata. Kaipa kebafapa lahitu pu kepe pa ja-anara pe bapale, kei ra teteko-ei, teruheti ja. pa 1/3 jai lela hi, pa 1/3 mopaja te-ejai tebi fata pa 1/3 tu-ra taku fata. 0 Kaipa kebafapa lahetoi pu kepe pa ha bapaleu ku peta heto, ana rari ei, pa 1/3 pa ketaku pa pa-rube. 1 Jaki batikeke Apsinus. Pa 1/3 pa lelepai lela apsinus, pa teba nawo bi pa-ia, kei pai lela-tave. 2 Kaipa kebafapa lanopo pu keli pa 1/3 ra kenalu pa 1/3 ke pa 1/3 ha, kaipa 1/3 lupatowawau pa 1/3 feai fefeka pa anaiara rapa ba. ¹³ 3 Kaipa nikalete: Lonilate tabe kemoji-i peta hou pa pina kakafa kelei: "Fe, fe, fewo eba le-ele fito kei pu nawa teba fapa-hi heto, fafara pui tepepete."