Teba Israel fau matete Kaipa nikalete tebafapa nopo tere fito lako nopo pa ve fito nopora tejaji, u-lopewe ve kakaka, na loe, na ripa. Pa nikaete tebafapau ke-ke raeile lofua. Tata leile ma-ke kekato; pa pina kafepa kehiwate tebafapa nopo teheto fitowe tetakikite pa ja, kelote: "Fito metakukuka na ja na ripa kei Tata nene bapuhake ma tete neko teteu!" Pa lonilate tebafa ma-tetei: 144.000 kei tebafa Israel pipafete. Tebapa Yehuda 12.000 ma-tete, tebapa Ruben 12.000, tebapa Gad 12.000 teba pa Asyer 12.000, tebapa Naftali 12.000, tebapa Manasye 12.000, tebapaSimen 12.000, tebapa ewi 12.000, tebapa Ishakar 12.000 tebapa Zebun 12.000, tebapa Yusuf 12.000, pa tebapa Benyamin 12.000

Tebapa nawk nenani tape Kaipa nikalete: bamuawo, teba fananawo ko nenanitape, teja tebapapa pa tebapa pa fau pa piapa, tere fuje to pa jako Ko to, ro eti tutu tehe pa palem riha teremo no. 0 Pa pina kavepa tehiwa: "Pina-heve wa Tata nene kem fuje pa te Jako Ko!" 1 Pa tebafapa fujei tepajukore pa teba huhu pa jako nopoi; ketepa fujei to pa labitepa Tata, 2 Pa teni: "Rupabe! Jala pa hupapuKeke, pa hupapuKeke pa janawo, pa tabeja pa ma pa nave te Tata nene konaikoko! Rupabe!" 3 Pa teba huhufai bau kelote ni: "Teba roeti tutu tehei teba pa teja neto?" 4 Pa nilote ke: "Kebatete nine, kebatete jakelu." Pa kete ni: "Tebawe teka jafefe bapae keto; pa reti tete telote pa tetek tuwo Jako Ko hi-ke. 6 Te hukiki na kotira epepe katu, pa ra na etikeke rakekelekale. 7 Kei Jako Ko rule fujei, te kelokakai pa telokati pa-rube netenainete. Pa Tata lupo tete kejufatatale."