¹ Pa nikalete Jakoi ma napaheto lopanai bukeju, pa lonilate jakoi pina anara petapui kelo: "Elo!" ² Pa nikale: Bamuawo, jako tutu-u pa keba emoi piu kekeko pa leleu tekeni. Pa keketo ana kevaju jana kewewele. Pa pu Jakoi ma lahitu bukeju, lonilate jako lahituo kelo: "Mepo!" Pa jakou hiu kejuti, jako ulewo pa keba emoi ma teweniko hupalaheve kotu fitowe kekeke, ko wowo tejiji, pa anabe bapaleu tekeni . Pa pu Jakoi ma laheto bukeju, lonilate jako lahetoimkelo: "Mepo!" Pa nikale: Bamuawo, jako lefiu pa keba emoi ja-ahateteete keweko no-keke. Pa lonilata jako houi pinau nunawea: "Pelasi kilo ali-i taimbe pepei lupia ali, pa pelasi kilo hetoi pera lupia ali. Pa hapa pa anggur-i etakukuka." Pa pu Jakoi ma lanopo bukejui, lonilati pina jako lanopoi kelo: "Mepo." Pa nikale: Bamuawo, jako rihapale tale pa keba emoi batikeke Kewa pa pai kewai terala. Pa tei ma kewele alipanopo fitowe anabepa kejite tebibi, pa hoke-e pa toto, jako fupake-ete fitowea. Pa pu Jako-Ko ma lanapa bukeju, nikalete kaku tukoloi teba Tata pifekeko teteji pa kei jalutopa tefo teremo. 0 Pa pina kakafapa tehiwae, teni: "Ba nararau, ya Mebatete tu pa bamua,teba ma mepeka pa hi nene teba te-ete fito peputeteka?" 1 Pa te tewowoi roeti tutu ofa tereni, pa te te teni, ba jatale tememe ko neba hola janoronewe ahapa pa johane te, tetejiko tebibi aha ana-te. 2 Pa nikale, pu Jako Ko ma lanapahi bukeju, bamua matete bapalewo kai pa ra kelefi anara ta pa ke keule tupa anara hi. 3 Pa ha mo pita ipahepatoe fito anara rito ko kelepi-i, ana febapale keloi. 4 Kaipa fitowe taru ana ropu teti pa petutu jetetei teheke. 5 Pa tebarubetafa pa teba rube pa tabarube, pa jahelo-nawo pa teba ma-remo, pa pohafa pa teba afiate-ete tereke wa pa wu lolo motu pe. 6 Pa tenite petutui pa wui: "Metapehepo nemapepe pa nepopepe kei Ke, kemole fuje pa Jako Koi. 7 Kei ba-fe tete pa ba rurule?