¹ Kei nikalete nupalo Ke-mo fujei, ropu-u teti, iloi japu tete pa pelo pa ma napaheto ma-tete. ² Pa nikalete kebafapau lakakita, pinakafepa kehiwa, kelote: "Ba rupu teti-i bukejujule pa ma-pepe? Pa bauraka kei peta na fito na hatuto, ruputetei bukeju natopepei kefufu. Kaipa fupofe nile, kei baura ahaka rupu tetikotui bukejuju na ilopepe kefufu. Kaipa tehuhu fai bau lote-ni: "Fu mepepeka! Bamuawo, Jako ka bapa Yehuda, kei Daud leke, kevaju, ko ropu tetikoi bukeju pa ma napahetoira." Pa nikalete fuje houi pa jako nopoi pa teba huhu houi Jako Kou rui anara koteri, leto napaheto pa lutora napaheto: Kei Tata Letuke kekeleheto fito tupa. Pa Jako Koi keto pa ropu tutokoi keke no Keba mo fujei. Pu ropu tutukoi Keke, jako nopoi ketepa pa teba huhu mabirei Jako Koi hoke, tewowo leapa teremo pa ja emas, kemenyan hekopi: kei lupopo teba tu. Pa jala natiu tete nowea: "Ropu tutokotoi ahai Me-pepe pa ma-motui bumejuju; kei Me-koteri pa hi-Memeia te-jeta mepeko te Tata wa tebapapa pa pila pa tebapau pa tebapa. 0 Pa te Me-peko teba- pabapaleu, pa teleja tebajanore-ete Tatapaike ko Tata nene, pa ana tebatava jano re-e fitowe." 1 Pa nikale pa lonila pina tebafapa nawo pajue fujei, jako pa tebahuhui; nawo pa nawofata, 2 pina kavepa tenite: "Jako koteri-i ahaia ma kewewele, pa jahelo, pa hupala, pa nave, pa tabeja, pa fefe, pa jala!" 3 Pa lonilate bapa te-e pita pa fitowe pa fito tukolo pa te-ete ja, pa lelepa te-ete toi, teni: "Te Ke mole fujei pa Jako, kei jala pa tabeja pa fefekeke pa ma konaiakoko!" 4 Pa jako nopoi teni: "Rupabe". Pa teba huhui teihete pa tabeja tete.