Teba Huhu Hapa pa Jako Nopo Keipa ja-nifu: Bamuawo, tilou je-petefua pa pina toto nilui, keloteni anara pu-naka, Kelo: Me-epowe pa jalelepawe kau jalewawatui Ni-nalulu me. Letuke nikepo pa nikale, fujei ro pita, pa fujei Bau-mo. Pa keba mo-fujei anara jalu yaspis pa jalu sardis; pa ibu-u pakuko fujei fefetafa ana zamrud norole. Pa fujei fuje mabireu pawuko motu, pa fjei teba huhu mabire metero tutfa tehe pa lele emas motu rube tete. Pa wa fujei namakiwae ana petapa hehe kai, pa ra napaheto emo fujeiho: kei Tata Letuke napaheto. Pa fujei hoi ja-lapate ana Kristal; fuje houi jako nopou lutu pajokopi, ho pa koe. Kei jako lupana noro ana singa, pa jako lahitui nero ana lembule, jako lehetoi taha ana neba taha, pa jako lanopoi tabe meji-ile. Pa joko nopoi fa napahi motu, topa-fapai pa iloi luto ekopi, pa tehiwa fepapapa: "Tu, tu, tuwo Tata, Keba Bapalewo, kei kekato-to pa kemole pa ketotole." Pa jakoi jala tete polojae, pa tabeja pa hupala heve te Ke, kemole fujei pa kemo naia momole, 0 kaipa teba huhu mabirei tepa Ke-etimole fujeia ho, pa Ke tabeja tete naiae-ete. Pa lelei terute fujei ho, pa teni: 1 "Ea Tata pa Tata nene, jala nenewe Me-popo pa tabeja pa ma; kei Me jalelepa melepa; pa hupala Meme-ko jalelepai motu pa lewa."