Te Bapake te-ete Sardis: "Pa japu metete tabafapa bapake te-ete Sardis: Kewe pife Keke, Tata Letuke napaheto kelomotu pa ha napaheto: Jano lelepa memei Nilo: Me teni mepemepe, kei me-wu! Memalolo, pa nave pepe jajote-etei tebibite watu, kei Jano memeura tupipa Ni-fika Tata Nine-hoke. Peanya meokoko, none mepe pa mepu; mepapai pa mepupopo! Kei ana memoka, ana jetapa Ni-lolole pa mepuka baha woto Ni-lolole mele. Pa Sardis-i tebakau ro tete noleka; ro-tutu tetepa Ni-lapa nelupa nanenete, kei tei jai jaheve. Ba mefaju, me ro-tutu anaia teni mefafape; bati meme kotu Ropu Olei Ni-jujukale, para bati keke ke-Ni-hihi Ai hole pa tebafapa Keke hole. Meba lopa, kei Letuke jakelote bapake kelulu.

Te Bapake Te-ete Filadelfia Pa japumepe tete tebafapa bapake mete Filadelfia: Kewe Pfe wa Keba Tu, Keba Bamua, Daud lo-ke kekekule; ana bu-Ke-ju, baura bulelekale, baura bujujukale. Jano meme lelepai Ni-lo, tilo Ni-jekotu me, kei baura pupukale. Ni-lo nave memei nawoka, pa pife Nine mepakupe pa bati Nine mepaka. Mekape, tebate bapake nararau, kei teni tei teba Yahudi, para bamuai noiraka, pa kei otefa, te Ni-lolotete meape. Bauawo te Ni-loko tetotote pa tepapa tae memete pa ketejiji, kei me-pipate Ni-le. 0 Kei pife Nine mepa, ko Ni noaja memomeme, u-me tuta Nilele ba teba peterurutu toto fito tupa kei teba te-ete fito tupawe petururuto. 1 Ni-lolo wofale. Ja- mepekotui, baura hawuwu meme keweweka. 2 Ba mefaju, me Ni-keko ana-ru Ni-kefafa Pa-Tu Tata Nine, pa kei kemoketotokale; pa kei Tata Nine batike japu Ni-lelele; Tata Nine nofe batike, kei Yerusalem nati, wa peta wa Tata Nine, pa bati Nine nati. 3 Meba lopa, Letuke piti kelamotu bapakei kelolo."

Te Bapake Te-ete Laodikia 4 "Pa japu metete tebafapa bapake te-ete Laodikia: Kew pife wa Rupabe, Jakefo latako pa bamua, lopana ja Tata lela: 5 Jano meme lelepa Ni-lu: me leleraka etiraka. Heve pepei me-lelala na etiti! 6 Kei me etibafa, pa lelaraka na eti, me Ni-jake lau Nine ketototu. 7 Kei mepo mejapa: Ni japa pa noninewe japa pa ni jaura pakaka, pa kei mepuka, kei mei jauraka, pa hafe, wawa, lutofu pa bava, 8 kei me pi- Ni-nalulule, u-me emas rapa teteko tu jeta mepepe Ni, u-me japa, pa ro tuturai, u-me-fafa, u bafa memei tefufuka ko beroka; pa hapa mejojo luto, u-ja mefufu. 9 Ba me Ni-pule, me e-Ni-hu pa me-Ni-kakale; peanya pumapepe pa mepupu! 0 Mekape, Ni-rule tilo pa nifiele; anara teba pina Nine teri pa tilo teje, Ni-kere ke Ni-fifile, pa ja Ni-ana kelupa nanate, pa ke-Ana-kelupa. 1 Ba mevaju, ke Ana kelupa momo fuje Nine, anaiara Nira vaju pa Ana Ai-Nine nelupa mote vuje Keke. 2 Meba lopa, umpa Letuke jalokote bapake mepupu.