¹ "Japu mepetete teba-fapa bapake te-ete Efesus: Kewe pife wa Kea, kei ha napaheto kelomotu no-nupalo Keke pa lokekaile lokekaile ra-tae napaheto emas-i hou. ² Jano meme Nilu: Jano neve e-e pa bamuwo elaku. Ni-lo teba jafefete-ete me-puleka, kei teba notetei teni tei hahake mepepu, pa bamuai noika, kei mepu tei teba omofa. Pa pumape-ta pa bati-Nineko jafefe-mepome; pa ekura mepeka. Noiapa me- Ni-nahi, kei pipate meme lupanawoi betafiti. Peanya meokoko makiwo mwkuheme! Mepupo pa jalopana mepemei lau mepepe. Anai mepeka, Ni-lolo me-le pa ra-taepa meme etujepepei Ni-wewele, ana mepupoka. Pa jawea motu-me, kei teba lakete Nikolaus janofefete menami, kei Ni-ra nahi. Meba lopa, kei Letuke jalote bapake mepupu: Ba mefaju, ke ritu janaheve runuatu rotu Lehe Firdaus Tata-kei Ni-le kekakale."

⁸ "Pa japu mepetete tebafapa bapake mete Smirna: Kewe pife wa Keba Lopana pa Pepape, kei kewa pa kera lefuto: ⁹ Fe-meme Ni-lu pa meba wawa - pa meba japa - pa te-menami, kei teni tei teba Yahudi, pa bamuai noika: pute tei kebatefa bapake. 0 Jafefe to no-meme mefufuka! Bamuwo kebate ebafai kau keloketete apa ko e-teteririte pa jafefe elolo ba-mabirepahitu. Peanya mepataku ko mewuwu, pa lele mepenaimepe Ni kelelele. 1 Meba lopa, kei ja Letuke lote bapake kelulu: Ba mefaju, jafefe tuko kewuwu lahitui kelolokale." 4 Pa ja-Nine nararau nihahira tete-metu: Tabafa memei nararau Bileam janalu, kei Balak pikenaluko teba Israel kelohipupu, u-tebate jate tetata pa uta tetete. 5 Anaiara tebafa lakete mei tebakau tela Nikolaus janalui. 6 Peanya epulolo! Ana noika, Ni-kokofa loloele pa te anabe kotu lau-Nine pa-te pi-Ni-lelele. 7 Ba lopa, Letuke pilete bapake: Ba mefaju, kei mana wekotu Ni-kelelele; pa wu tutu nikelelele, bati nati putumotu-ra, baura loks, keba kekele kefalu."

¹⁸ "Pa japu mepetete tebafapa bapake mete Tiatira: Kewe TTata Oke pifeke, kei luto Keke ana ra eile pa tae Keke anara tembaga: ¹⁹ Jano lelepa meme Nilu: pipate meme pa hupalanave meme, jano meme pa noaja meme. Ni-lo, jano meme pepapei nawo keipa lopanai jetale. 0 Pa me Ni-nahi, kei peume Izebel nomafa, nopepepei penupei tata-bapuke-ume, japenaru pa bapuha-Ne pepute uta tete-e pa tebate jajote tetae. 1 Pa pei ba-Ni-wele peputoto, pa uta petuei peputoto ope. 2 Mekape, pe-Ni-luetete teba noe jete pa teba kopate uta te-ei Ni-lojatete jehave tete, ana jano fefe peumetue teputoka. 3 Pa teako keke Ni-jiko tebibite pa bapekefai teriri, kei Nia hupala tete nilu, pa eba tuho jafefe elemotu ahaia Ni-loputetele. 4 Pa te-e, eba hihi le-ele Tiatira, japenaruei elaka pa Kebate jafefelei elafuka teniei,te-e Ni-lo: Jarampapi e-Ni-lofefekale. 5 Pa jamotu mei, mepomoko Ni-hako lolole. 6 Pa ba mevaju pa jano Nine mepoko tehupe, teba-papai ma Ni-welele meape; 7 pa ru-nafepa te kelokakai; te-ketakuku anara keba jabe takuile - aha ana Ni-we Ai Nine - 8 pa kei fefeha Ni-kelelele. 9 Meba lopa, ja Letuke lote bapake mepupu."