Ropu Buju Pa nikalete kebafapau hiu rapu peta heto, atu kepuko, pa ibo takeko rube pa taha keke ana ra-le, pa tae keke ana rari ru. Pa nokeki ropu tetu hapa bujukou kekeko. Tae nupalowe lakeku ja-ra pa tae nonalo lakekuko fito-ra, pa pina kavepa kehiwa ana singa nahe-e. Pa kehiwa-lopa, hehe napahetoi pinateni. Pa hehe napahetoi pitete-lopa, japu nilelele, pa lonilate pinau wa peta heto nunawea: "Ja hehe napahetoi ni-i ma mepepe pa japu mepepeka!" Pa kebafapa nifu keru ja pa fitowe, no nonaluwe keke-eti peta, pa jakevate Keba lenaiaile, kei petapa jalelepa kelela, pa fito pa jalelepa, pa ja pa jalelepa, kelote: "Nihahihirakale! Pakei pu kebafàpa lanapaheto pu-keli-ile, kei jaweko Tata-i keletapa, anara Keloko-ko tebapuha, kei bapuh."ake Pa pina nilo petai, lau keloni, kelo: "Meme, ropotu-u bujukoto kebafapa nokei mebebe, kei kerule ja-ra pa fito-ra." Kaipa nire kebafapai pa niwate-ke, u-rupu tutokotoi kekeleleni. Keloteni: "Mebe pa memama; keloko humemei tapepetu, pa lau memei lapitafa." 0 Kaipa ropui nike kebafapa noke, pa nika: laui lapitafa, pa nikato, hu nine tapetafa. 1 Kaipa kelote-ni: "Huhu mepetete teba-papa pa teba fapa pa pila pa kebatete."