Tata Tebahituke jalutopa tefu Kaipa ni-o-riu teweni, ana ru-ja-ahanetetete, pa piti nowea kela: "Malo pa Tata pake ahamepepe pa kaku pa teba lupopo jate-ete toi. Pa pata-pei me-pufatiti, aha mepepeka, kei jei teweni tebapapahi pa Nove Tui latujuju ke-42 jopepe." Pa jano Ni-welele tebahitu jalutopatefo, u-pitekete-e pafukelei, ba-jopepei 1.260. Tenakei Zaitun-tu pa ra taehitu re-Tata fito pa peta ho. Pa ana bau te ketakukule, ra kelau tete keto tebahufei raeko ototo. Pa ana bau te-ketakukule, kebai kewawa noroi. Ma tete peta tepupute, ko fumamaka kuteniko; pa tera ma tete te pa-lelepa teteko ewawa-hi, pa fitowe jahafefe pa tetakikite, kene teputu. Pa kene jatefoi pitetelo, kaipa jako ke-wa-lo ketotole, tepikelelele pa kefate pa kejiko tebibi. Pa eha tete terefufu loma tete nove hou, lupopokai teniete Sodom pa Mesir, jeia Tata tete tekefe rari. Pa teba ja-tebapapa pa tebaparube pa pia pa teba fapa, eha tete tefufu ba hetopa jopa pa tebafai eha tete iteteteka. 0 Pa teba te-e fitwe hupalaheve pa hupala rauwae kei tebafai pa le-jatete-e pa jana tekte-e tewowo, kai tabapoha hitui ana neba tenete fitowe tetakikite. 1 Ba-heto pajopa kei 2etu ka Tata keti tebafai, kaipa tejalo pa tebalelepa te-tefei tefe. 2Pa tebafai pina kafeu teri wa petaheto penute te: "E-elowe!" Kaipa te-ete pete, atu te-tupetu, teba jafefete-e jalutopa tefue. 3 Bai petabapa2epu pa 1/10 novei taku, pa teba 7.000 mateteia tuko tebi pa teba hihi tefe, kaipa Tata pi-teni. 4 Jafefe lahitu tewe: mekape jafefe laheto tototu.

Pu La-Napeheto Teba huhu Jalate 5 Kaipa kebafapa la-napaheto pu kepe, pa pina kakafa wa petaheto, kelo: "Teba tafa mete fitowe Tata nene nolakotu pa Ke-i notewefe, pa te-kelokaka nai-ie kei kebatete." 6 Pa teba huhu mabire, kei teme fuje Tata hoke, abitepa pa Tata tabeja tete, 7 pa teni: "Janawo newaete-Me, ya Tata, Mebatete, Ma Etekotu, kei mepemepe pa mepetofame, kei Mea ma tete mepekotu pa meba tete janowe ke-mamepe 8 pa tebapapa pipotela, pa kei hufe Meme-to pa pu tebabi ma-mepepepe pa jana popepe bapuhame, tebapuha pa teba tu pa te taba bati Meme tefeate, te teba hapa pa teba tafa pa te teba jatakiete pa teba fito takiete." 9 Kaipa Tata Pa Tuke buju petafua, pa ruto ma-Keke hemoi Pa Tu Kekei uape pa hehe-lei pa peta pui pa matete moe pa fu-wu tete-mae.