Peume pa Iro Kaipa jakoli bapaleu tefu peta: Umefau ra pepuno, pa ke taepepe tukolo pa leleu wa ha-hapa ko-rubepepe-ra. Nopa-pemo pa ko-petutu nojae peopape-e. Kaipa jakoliura tueto peta; pa mekape, irou olewo bapalewo, rube napaheto pa leto mabirepahito, pa rube pepei lele napaheto motu. Pa pu-pepei 1/3 ha mo-petafu petawofata pa peroheto fito. Pa iroi keru peume kotututui, ko-pepei pepapatu, kei peume ko-Kekei petu. Kaipa Ko-baleu petu, kei teba papate-ete fitowe ru navepa kelokakaile; kaipa Koi pewaru pa pepumowetate Tata pa te Fuje Keke. Peumei pemowetate jepe, kene jei Tata tupiko-ko, u-ke teketuwate-e ba 1260 jopepe.

Iro Tejakefate Kaipa pi tatewe peta. Mikhae pa tebafapa kauir-ia pi-tete-e, pa iroi tebafapa-fakeke telake, pa telatape; petafu je-teweka. Pa iro bapalei , iro baufai, ke-teni batefa na bamofa, keba fito tupawe keleko teha, teruhiti ko; ke-teruheti fito, kepa tebafapa keke.

Jala Tevaju 0 Pa pina kave nilu peta kelo: "Uawe janaheve toju pa ma pa Tata nene paike, pa ma Keba ntewefe, kei keba ne kehekai fipa-papa Tata nene hoke. 1 Pa Tata ke hi-kepa keteja kevati, pa piti jatevopa. Kei te-2etu tetera te-eka ko tetehehe rapate. 2 Peanya te-hupala rauwae, he peta pa he eba le-ele toi, jave ewe, he fito pa ja! kebatava heti-me, huvewo pakeheti, kei ku-wajuto."

Iro peumei pewawu 3 Pa pu iroi ke-taha-a, kei ke-teruheti fito, peume ko ba2e petui kekaku. 4 Peumei tau fa-bapale teweni, u-pemojitete je-pepe hape-hou, kei pe-tetuwate-e pu-ali pa pu-hitu pa pu-jou. 5 Kaipa iroi pa-kejalu au Keto, bapae anara pato, te peume-i, u-pe pa-wekatiti. 6 Pa fito-to peumei noperutewe. Lau peje, pa pato iroi lau kekepakelei pewefa tupaheti. 7 Kaipa iro peumei petu, pa keti pipafe pepe kaui pikele, kei Tata ma-ke pa ke jalutopakevu. 8 Pa iroi ketiru bae.