Jako keka-ja eto Kaipa nikalete jakou ke-ja-eto, letu mabirepahitu pa robe napaheto; letorai hawuwu mabirepahitu mo pa robe-rai bati Tata tenajie putumo. Jako nivui anara nyeo bapale, taei anara nake hape-tae pa laui anara nyeo-tava lau. Pa iroi nave keke kekele, pa fuje keke pa ma-keke bapale. Pa rube fai kou jueto anara piu-ve mo no-keke, pa piu-ve mo nokekei ate. Fito tupa keitekepe, pa tea jakoi. Pa iroi ketepa, kei ma kekele jakoi. Pa jakoi tabeja tete, pa teni: "Baura jakowe ahaka? Pa baura ke-pikelelekale?" Pa jakoi lau-u teweni, o pa maki ekopi; kera ma-teweni janokeloi ke 42 jopepe. Kaipa lau kejeko Tata maki-kevui, bati-Keke makikevui, pa fate je-Kelei pa jalelepa te-ete peta. Pa ke-nave teweniko teba-tu pi-kelei pa te-kelovatete; pa kei teba-papa ma teweniko pa bapeke pa pila. Pa teba lelepa te-ete fitwe ke-tabeja tete-e, kei teba bati tete ropu netenete putumoka wa Jako Ko, kei ke-teja. Ba mepa, upa mepupu! 0 Meba me-teniko atepepete, atepepete; ba-me-teni anabepa tejajate mewuwupe, me anabepa tejati mewuwupe. Heve pepe kewei pumapepe pa hupalanave teba-tu.
Jako ke-fito eto 1 Pa nikalete jako hiu ke-fito eto pa leto hitu aha-ali ana jako-ko pa pi-kelei-i ana iru. 2 Pa ma jako lopanai jano keloi keho. Keleko fito tupa pa teba te-ei jako lopanai ke-keteji, ko piu bapalei ate. 3 Pa jakoli tafafa kelei, kei ra kekele peta heto teba te-e fito hote. 4 Teba te-e fitoi jakoli-i pakeleko tehae, kei tekeni ke-ko jakelei jakoi ho keke. Pa keloko teba te-e fitoi, u-kafu-u tewejuko jako anabepa tejai tabeja tetete, pa keleilefa. 5 Pa ma teweni keko nopara keke ke-keleti kafu jakoi, ko kafu jakoi kera pi-kele, pa janokelo noia, ko teba lelepa, kafu jakoi tabeja teteka, tejite tebibi. 6 Pa keleko, ko teba lelepa, hapa pa tafa, jahelo nawo pa jaheloka, nefaju pa teba puha, jakoli tetete noi na neko, 7 pa baura jetaleka na jetakelele kei teba jakoli-i tehemotufa, kei jakoi batike pa nani keke. 18 8 Bamua pepei kei Tatahupalake: Ba me-hupala metupi, jakoi la-kekei kekakiki, kei la-i kei la-kebau, pa la-i kei naphifa heto.