Keba-ko pa Teba Kefaju Lake Ke Pa nikalete: Bamuai, Ba Koi keru Sion peka pa kopa telupa Ke-pa teba 144.000 pa neko tetei bati Keke putuko pa Reke-ke. Pa lonilate pina wa peta anara na-ana pa-koi pa anara peta-maki pui. Pa pina ni-loei jaramena a-pa nateoe. Jala natiu tete-e fuje-ho pa jako nopo-ho pa tea huhu-i, pa baura jalai keloka kei teba 144.000 tefaju fitoi tefa-ri. Tei teume lofefejaetepa te-eka, tei tu anara baura loluka. Tebafai Keba-Koi Ketitinele telatakeke. Tei terefe tebahu fau te Tata pa Bako Koi. Pa au tetei oura koka; teba noleraka.

Teba Ma Kelelele Kelo Pa nikalete kebafapau kemoji peta hou pa Pive batut-u tekeni kekekati kelel teba te-ete fito pa te bapapa pa teba papa pa pila pa teba fau, pa pina kavepa kehiwa: "Tata efufu pa Ke-pi-elolo, kei ma Keke toju, pa Ke-tabejaelele kei peta pa fito Ke-lela pa ja pa pa-rube." Pa kebafapa hiu, kebafapa lahitu, kekaku ke pa kelo: "Kebale, Babel bale, nove bapalei, kei panavepa keleko bapapa tetahatu." Pa kebafapa ura, kebafapa laheto, kekaku-te, pa piti naveu kela: "Anara bau jako pa kavui kekepa, pa jakole ko neko kewe na no-keke, 0 kei ke panave Tata pinavekele, kei tetupite jaura telampeka mo apulo Tata pinaveke; pa ke ra-pa tetakikite pa wura Ba-Ko luto keke-ho. 1 Kaipa rapo te-ketakui-i eta-ho pakonaiakokotu, pa fipapapa tejitarika te-tetakinaiete, kei teba jakoi pa kafui ketepae, pa meba jakoli-i bati pepe mepe." 2 Heve pepei kewei ela takuku eba-tu, kei Tata pitike pa hupalanave te Oke. ¹³ 3 Pa lonilate pina wa peta heto kelo: Japomepe: "Hevewo eba biele ebiele Tata noke, wauawea." "bamua," Letukeke lokotu, "jano nave terenya te-tetefae, kei jano heve tere-ei watakoko-te."

Fito Te-wu 4 Pa nikalete: bamuawo, atu tutu-u, pa aturai kebau ana Ba Ku mo lele latafau kefako rube Keke pa tanofo rawu-u Ke-keko no. 5 Kaipa kebafapa-u ke Pai Tu keto; pa pina kavepa kehiwate Keba mole atura-i: "Anabe Memei mebe pa janai mewu, kei bapepe to janai newuwute; jana motu fitowe ufalo." 6 Pa Ke, kemole aturai, anabe Keke keloheto fito, pa fitowe kewu. 7 Pa kebafapa hiu ke Pai Tu kotu peta keto; pa kera anabe tutau kekeko. 8 Kebafapau ka kaku-to; rai kewe tupa pa pa pina kavepa kehiwate kebafapa anabe tuta kekui, kelo: "Anbei tuta memei mepute pa rito panaverunueto motu fitoi mepa, kei ritoi ufa." 9 Kaipa kebafapai anabei kelohete fito-ra, pa rito panaveronuetoi kepa pa kelojahete jatakueto bapale, kei Tata hukekeve. 0 Pa rito panaverenuetoi tepue nove pelo pa japuetoi hi kepatoe, ekoti jako koti aha pa habapepei 200 mil.