Teba faju Jaramenate. Pa jakoli hiu ni-fu peta, bapale pa noratuka: tebafapa napaheto pa janofefe napaheto pepape, anaiu Tata huveke witaruru. Pa nikalete ja-tampaja lampela ra-pa, pa ja-tampaja aroi teba jako tejai teare pa kafu-ra pa la batipe. Pa tei Tata a-kemo. Pa Musa jaramenake tete-e, Tata bapuke, pa Ba Ko jalake nawa nowea: "Bapale pa noratukatafa jano Meme lelepa, he Tata, Ai, Meba Tete! Loma Memei bamua pa heve, he bapapa keba tete-te! Ba-fuka, he Tata, pa bati Meme pitenika? Kei Mefa meba-tu; kei teba palelepa totote pa me ketepapate, pina pa ma Meme lelepa uape.

Tebafapa Napaheto wala Tata Huveke Je Napaheto Wa keipatei nikalete teba Pai Tu buteju - fate pitenaruete - ko peta. Pa tebafapa napaheto pa jafefe napahetoi, temeke Pai Tu keto, ro-tutu tutafa pa lae peva pa taruei opu-a lae peva. Jako nopoi kou tebafapa napahetoi je-lae kekelei Tata huveke hekopi, kei Tata lenaiailele. Pa Pa-Tui rapo Tata fefeke hekopi pa kei ma Keke, pa baura Pa-Tui keketitikale, jafefe napaheto wa tebafapa napahetoi ka-ka.