Jafefe Napaheto Pa lonilate pina kave wa Pai-Tu keto kelote tebafapa napahetoi: "Erere pa Tata huveke napahetoi ekejaluhititit fito-ra." Kaipa kebafapa lopanai keti pa jafefe jei kekejaluhiti fito; kaipa pa-fejueto pa fefata te teba jako koli-i tehemo pa kavui tebeja tete-e. Pa kebafapa lahitui jei kekejaluhiti ja; kaipa ti-i lela-hi, ana tebabi hi-te pa ja-te-ei tebifata, ja-te-e jai. 4 Pa tebafapa laheto jei kekejaluhiti pa pa parube, kaipa lewa hi. 5 Lonilate kebafapa ja-kepakui-i kelo: "Meba Bamua, Me-mope pa mepetofame, Meba tu, ma we mea peveheto. 6 Kei tei teba-tu hite tejalu pa Tebapuha, Mera hi pope teju; jai tetei heve!" 7 Pa lonilate kakui kelo: "Tata-fau, AI, Meba Tete, bamua pa heve ma Meme." Pa kebafapa lanopo je kekejaluhiti ra, pa ke ma teweniko neba rapa kelala. Pa teba ra-etitafa pepepa tera, pa Tata kebatete etimole jalelepafei batike ifatepue pa te-moputekako Ke pitenini. 0 Pa kebafapa lanapa ja kekejaluhiti jako fujeke pa paitetei lupa, pa po tete koteja-koja, 1 pa jako Tata mo-petei ifatepu pa pa tete, pa janofefe tete-ei temoputoka. 2 Pa kebafapa la-napahi ja kekejalohiti pa-bapale ra, Efrat pa, kaipa pai pu, ura loma teba tava ja-laha totote tupiko koko. 3 Pa nikalete iro laui pa jako lau pa lau tebapuha oui letu ve anara ku keto. 4 Kei teba te letute jafefe tete-e, pa tete teba tafa te-ete fitowe tefi, ko te-teluko batavau pi-tete tetete, kei ba Tata Keba Tete. 5 "Mekape, ana keba jetalele Ni-lolole. Hupala hevewo ke, kei kehekamo pa ro keke kefui, u bavapa lokekaka pa eto keke uaaka." 6 Kaipa te kelu jeu, Ibrani pilate teni-ete Harmagedon. 7 Pa kebafapa napaheto ja kekejaluna hoeti. Pa wa Pai Tu pinakafe wa fujei, kelo: "Ja-tete." 8 Kaipa hehe japu pa petapu, pa matete bapalewoka anai pu neba tene fitowe laura lewaka. Matete bapalewo ka. 9 Kaipa nove bapalei je-heto pa nove bapapa Tata tefijakai takulalafa. Kaipa Tata Babel bapalei keo ko ja panave humakive Keke hekopi. 0 Pa pe-tutu lefatate, pa pe-tutu tefiraka. 1 Pa fu pawu bapale, rere pepe wowoi 50 kg, i-peta heto teba pewape. Kaipa tebai Tata ifatepu fu-pawui, janofefei makiwo.