Babel Ma-tete Kaipa tebafapa napahetoi kouto, ja napahetoi kekato pa kelote ni: "Mepowe, peba-uta bapalewe ninalulu me-le, kei pemotu je panawo. Peatuko teba tafa fitowe uta tete, pa teba te-e fitowe pa-nave utapa te-tahatu. Letu nine nikekekati tahoe. Pa nikalete peumeu pemo jako uletalepe-ra, kei bati teba tenajie ekopi putumo. Jakoi rube napaheto pa letoi mabirepahitu. Pa peume ro tule pefako pa ro ulewo kei jala putumo, ja-la pa wututulae, pa nopepei ja laeu teba tenajie ekopi peweko pa nole uta fefe tete-e. Pa neko pepei batiu putuko, jaweko: "Babel bapale, teume lofefejae mate pa jafefe fitowea. Pa nikalete peumei teba tu hite petahatu pa hi teba lake Oke. Kaipa kebafapai lote ni: "Tunaneko kei bepe? Nilotete mepe jaweko peumei pa jaweko jako kenalu, jakoi rube napaheto pa letu mabirepahitu. Kei jako mefui, keletofai, keipa keleika, keka lo tebabiete etotole, pa ketiti jatakukuto. Pa teba te-ete fito, kei teba putukamo rupu netenaianete wa fito lewafua, kei tekepe, pu tefo, kei jakoi keletofai, kaipa keleika, pa lau keuaale. Kewe heve pepei hupala janero hemotu: rube nahetoi pe napaheto, hopepei peume motu, 0 napahetoira teba rubetafa napaheto: tebafai napau ihete, kou leile pa tekau toka, kei kelei jojokatu. 1 Pa jakou lei-i pa uawe keleikai, kowoi kebatete la-mabire pa noi tebafa napahetoi kou pa keti takukule. 2 Pa leto mabirepahitu mefoi kei teba rube tafa mabirepahitu, jano ketejaka, pakei raku ali ma teweko tebarube tafa, jakoipa telupa. 3 Te pina ali, nave pa nave nave tetei teweni jakoi. 4 Ba Ko pi-tete. Pa Ba Ko te-kejilofate, kei Kei tebarubei kefa etimole pa tebarubetafara Ke etimole. Ke-kopa telupara tefajujute, kei teba keloko, teba kekipa pa bamua telakete." 5 Kaipa kelote ni: "Pa lelepa me-fui, kena peume lolo moi, kei bapapa pa tebabame bapa pa teba fau pa pila. 6 Pa letu mabirepahitu mefui wala jakoi peume loloi tejie pa teteko pepinaka pa bava, pa na pepe tetatate pa ra-pa terarate. 7 Kei Tata hupala tete keleko fefe ko hupala Keke telupa janore-e pa ko fujei tewenitete jakoi, wakote Tata Pifeke tetetepapa. 8 Pa peume mefui, kei nove bapale tebatafa tete fitowe japu petue.