Babel Kekoheti Kaipa nikalete kebafapa hiu rapu peta heto.Nave keke bapale pa fitowe noparakeko fefetupa. Pa pina navepa kehiwa, kelo: "Ke-bale, Babel-i kebale, nove bapale-i, pa tebate letute heko nokeke pi pa letu fefe je tetepa reke pa je ta fefe lelepa tepa reke pa tenajie, kei bapapa lelepa panave hupala fefe pepe teju pa teba-tave fitowe pe janopa tete, pa teba jajatate-e jahelo nawo tere-e janofefe pepe-i." Pa lonilate pina hiu wa peta heto kelo: "E-rere, he ebapa Nine, ke-ulifatiti u janole keleile elalaka, pa u-ma keke e-pupuka. Kei nole kekei etikeko wakote peta, pa Tata jano fefe lelepa kelei ke-ekotu. Eweputete-ke, anara kera weputo, pa lahitu eweletete-ke ana jano keke keloi, lahitu elampepe ja jakelampei topepe; e-kelele-ke jafefe pa fukelele, nawo pepei anara nopara pa feraka keke, kei kelopa lei. Pa kei hupala keoi: Pinile-e anara kebatete eke, nibaro ka, pa fu-ranilelekale. Pakei jafefei ba-ali tototu, kei toto pa hupalave pa hukikitu; pa ke-rapa terarate, kei Tata, ke-ma kekele, kei nave." Pa tebatafa te-ete fito, janofefe tete-ei pa japapa telake kei, fu-te-tete pa lupoie, kei pu tekarete ke-ra-tetepa rapojui. 0 Terere haba kei tefe ketetakie pa tenie: "Fe, me-fe, he nove bapale, Babel, he nove nave, kei raku ali ma meme lowa.!" 1 Pa teba jajetate-ete fitowe fu-tete-e pa keleko lupopa teme, pakei baura jatete jeta teteka, 2 kei jajetaja emas pa perak, permata pa mutiara, wa ro-putumotu pa ro tupa, ro pepefa pa ro ule, jalelepa ripa teteko tu-pepe etemotuho, ja tembaga, besi pa pualam, 3 ro lapi pa rito-jaotete-ete, janupa feraka, mur pa kemenyan, rito tahatuetu, ha-pa, tu-kotete-ete pa ramako, jako-lelepa pa ta, tebapuha pa neba letu. 4 Pa teninite: "Rito mepulei oeti, pa jalelepa feraka pa jutafa lelote, pa me-fifirakape." 5 Teba jai jetate-ei, ke-leko te-jahelo nawo, terere habate kei jafefe terereote, pa futete-e pa lupoie, 6 teni: "Fe, fe, nove bapale, kei ro pepefa kehemo, pa ro tule pa ro ule, pa emas pa noja tete, pa permata pa mutiara, pakei raku alifa jahelo nawoi takuko kakatu." 7 Pa teba turujaete pa teba lakete pa teako janore-ete tui pa teba jajojupataete jai, terehaba, 8 pa keu, pu tekarete rapo ke-ratete-ei, teni: "Nove ne aha ana nove bapale we?" 9 Pa tu terupi rube tete pa tehiwa, fu tete-e pa lupoie, teni: "Fe, fe, nove bapale, keako teba lelepa, tu tete motu jai, ja kekei tu-lakelahoko jahelo keke nawo, kei raku alifa ke-takukutu. 0 Ke rauehaha, he peta, pa e, he eba tu, hahake pa bapuhake, kei e-ko Tata ma kekelihoto ke."

Babel Kalolo Kale 1 Pa kebafapau navewo, wu-u bapaleu keke-eti wu puetu, kaipa kelukoti ja, kelo: "Anaia Babel, nove bapalei, makiwo teruhetiti kole, pa ke-tefifirakate. 2 Pa pina teba leapa naoe pa teba jala te-e, pa teba o pe-e pa pu, me-toi pinara neruka, pa kebau jala kelutai me-toi tefifirakate, pa pina wu-hupuetuira me-toi teririkate. 3 Pa ratete fefekera me-toi japupukale, pa pina teba le pa peume me-toi teririkate. Kei teba meme jajetate-ei fito teba tafape, kei jamopa bapapa me-peko teha. 4 Pa toi hi tebapuhake pa teba tu pa hi bapapa lelepa, tejiko tebi fitowe.