Jala Pa Babel Kohiti Keipa lonilate pina kave tebafanana te-peta, teni: "Haleluya! Evaju pa fefekeke pa mai kotu Tata nene, keba tete pa keba bamua ma Keke, kei kei peba lofefe bapale waei ma Kele, fitowe jano pepeiapa petaku; pa Kea janokoli pepei petupa bapuhake hi tete keweputepe. Pa lahitura teni: "Haleluya! Ya, rapu enai-ile." Pa teba huhu hapa pa jako nopoi labitepa pa Tata mo fujei tabeja tete, pa te-ni: "Rupabe, Haleluya." Kaipa neru wa fujei to: "Tata nene pineto, he bapuha-Ke lelepa, eba Ke efuele, eba hapa na tava!"

Bako Upolelele Lejatete Pa lonilate pina anara tabapa, anara wafokuile pa anara na peta bapale pui, teni: "Haleluya! Tata ko, Tata nene, Keba Etimole, kebatete kewe. Elo epane raunana pa newenakaka, pa Ke pinetoto! Kei leja Ba Ko upulele teju, pa kebalei jaketupilo. Pa ke ro pepefa lapa tututaule teni kefa!" (Ro pepefai janokoli teba tu.) Kaipa kelote ni: "Japo mepe: Hupalahevewo eba tewako elola Ba Ko upulelele lejakelele." Lau keloteni: Pitiwei Bamua, piti wa Tata to. 0 Kaipa labi nipa hokeke ko ke tabeja nile, pa kelote ni: "Noi mepepeka! Ni-ra bamuke, ana me-pa jopalala meme, kei Oke pinake newekotu. Tatafa kenepapa! Kei Oke pinakei kei letu pileile.

Tata Piveke 1 Pa nikalete pita buju: bamuawo, jako tutu-u; pa keba emoi batikkeke: "Keba Lano pa Keba Bamua", ma Kele pa pi bamua kelei. 2 Pa luto Kekei ana ra ei pa rube Kekei lele nawo-mo pa Kewoi batiu putukoi baura loka, kei kewofa-lu. 3 Pa rueti tepo-hi Kefako pa bati Kekei: "Tata Piveke." 4 Pa tebafapa te-e petai tela Ke; te-e jako tutu pa ro pepefa tutu tutafa tehe. 5 Pa lau Kekei anabe tutau keto bapapa kejijile. Pa te ru-navepa Kelokakai-ile pa rito tahatuetui Ke-rapupu jepepele, kei Tata huveke, Keba Etimole. 6 Pa roeti Keke pa bo Kekei batiu putuko, kei: "Kebatete lelepa pa Tata lelepa."

Jakopa Tebapohake Tejirovate 7 Pa nikalete kebafapa hiu keru ra-to pa pinakevepa kehiwate ta mejipate-e peta hou, kelo: "Elolo wea pa elulu paelala Tata japo kelelele, japo bapale, 8 u-tebatafa atite eaa pa ati taba-rube pa ati taba pa ati jako pa ati teba jako rutujaete pa ati teba lelepa, kei hapana tavana. 9 Pa nikalete jakoi pa teba tava te-e fito pa taba tete teluko Keba mo-jakorai taba Kekei pi-tetetete. 0 Kaipa jakoi teke pa tebapu ou lake-ke, kei teba jakole tete luto kekeho, pa noiako teba jakoli jakoi remoi pa teba kavu tabeja te-ei. Tehitui terejahete rapa tete-ei. 1 Pa teba lele hi-i anabepa tejiko tebi, kei ke Keba mo jakorai lauke; pa ta lelepa ati tete tetako hula.