Paikeke Felaro Mabirereali Kaipa nikalete kebafapau rapu peta heto lo tete wa tebabi te-ete kekekole pa a-naveu kekekole no; iroi ke-ke, kei Kebate pa Bateva. Pa a-keleko kemo jopepei felaro mabirerefa-ali, kaipa teruheti wa tebabiate, pa wwai tepu pa ma teterai, u-bapapa kelelohipopoka, ko felaro tenikoi kaka-kapa; kaipa ke-tekefuko ba jatalele jopepe. Pa nikalete fuje pa teba me-ra; tebafai ma teweniko teba ma-tetetete. Nira kaleta letu tekau, Oke jano kolike tenaruko te-koteja pa Pive Keke-ko; teba jakoi ketepaka pa kavu pa neko tetei jakoli-i moka pa no tete; pa tera lefuto pa teba tava Oke kopa telupa janore-e felaro mabirerefa-ali. Pa tebabi kau televutotokate ba mabirerefa-ali-i ka-ka. Kewe tebalafuto lopana. Hevewo pa tuwo ke, kei kela teba lefuto lupanai. Lau tebibite lewawarakatu, pa telajaja Tata bapuhake pa Oke, pa tebatava Kopa telupa janore-e, jopepei felaro mabirerefa-ali.

Kebate Ma-Tete Pa felaro mabirerefa-ali-i ka, kebatei mo apai noteafafate, pa kepakopa bapapa kelohipui fito lako nopowea, kei Gog pa Magog, pa te-keluko pi-tetetete pa nawo tetei ana hatu motu bafua. Kaipa te-efatato fitora, pa teba tu tabate tepaju pa nove pipate tete-ei. Pa ra ka peta heto te-kelako oto, 0 pa Kebate, te-kelohipoi-i, teroheti rapahou pa rave-ei-i, kei je jakoi pa bapuha oui, pa janofefe tete-e te fepapapa polowa naiae-e.

Ma Pepape 1 Pa nikalete fuje tutu bapalewo pa Ke, kemora. Ho Kekei fito pa peta lete pa jepepe tefiraka. 2 Pa niklete tebabi, tava pa hapa, tere fujei ho. Pa ropu lelepa teje. Pa rpu hiura teje, kei ropu netenete. Pa tebabi ma tete aha ana janupa tete-e, aha ana japu tumotu ropui. 3 Kaipa ja kera tebabi te-ete toi kelole-etoto, tebabi pa pa tebabi kera teba te-etete toi kelole-etoto, pa te ma tete aha ana janopa tewowow te-ei. 4 Pa tebabi pa papepei terhetiti rapa hou. Kei tebebiete lahitu: rapa hou. 5 Pa neba lelepa ropui bati netenete kei tefi japu tumoka, ke teruhititi rapa houiate.