Peta Nati Pa Fito Nati Pa nikalete pete nati pa fito nati, kei peta lopana pa fitomlopanai tewi, pa ja-ra ka. Pa nikalete nove to, Yerusalem nati, wa peta heto, wa Tata, noja ana peume teupo tututu kebale noja tete. Pa lonilate pina nave wa fujei to kelo: "Mekape, Tata fateke kotu neba hou pa telopa te-eete. Tebapa Keke pa kei Tata tete. Pa lupo lelepa motu luto tetei kejujule, pa teba bibirakate; teba lupopara tememekate, na futete-e, hupalave, kei jalelepa toto tewe." Keba mo fujei kelote: "Ekale, jalelepa nati Nile!" Pa pivekeke Kele: "Japu mepe, kei piti nilawe heve pa bamua. Pive Keke lau kele ni: "Jalelepai lewa. Niwei Alfa pa Omega, Niba lopana pa Niba pepape. Eba kotiepe pa-Nile eafia huhu parubele ko elenaiae-ele. Ba mevaju, jalelepawe mepopope, pa Niwe Tata meme pa kei ko Nine. Pakei teba fefemote, teba kejika, teba fefe, teba tebatejiete, teba lofefejaete, teba jafeferemotu, tebate tabeja tete-ete pa ou lelepa, jako tete tere rapahou eile pa belerang; kei tebabiete lahitu."

Yerusalam Nati Kaipa tebafapa ja napaheto remotui kou to, janopa fefe napaheto pepape hikopi, pa kelote ni, kelo: "Mepopo wea, peume upotututu ninalulule, kebale Ba Ko." 0 Pa, letu nine nikekekati pekara bapale pa etike pa nove tui kenalui, Yerusalem, ka peta heto, ka Tata. 1 Novei Tata fefekepawo pa fefei anara wulapa jutava, anara wulapa yaspis, tutafa ana lapa. 2 Pa lai bapalepa etike pa tilo tetei hapa; pa tilorai tebafapa hapa pa hoi tebapapa Israel hapa batite putumo. 3 Lahaloi tilo tava heto motu pa loelora tilotava heto motu pa lopilora tilotava heto motu pa lowolora tilotava heto motu. 4 Pa laho novei wu-tafafa hapa tefuko pa rapepei Ba Ko hahake hapa batite putumo. 5 Pa ke, keba anake pitenei, ru ahatete-ete wulapaweau kekeko nove tilotete pa lahopepei aha kelele. 6 Novei lako nopo aha pepe, ekape pa ka-pepei aha-ali. Pa ruiapa novei aha kele: 12.000 kave; ekape pa kave pa topepei aha-ali. 7 Pa laho-pepe kekaki: 144 kave, kei aha ana neba ahatenete, pa tebafapa tera aha anaia. 8 Lahoi tete wu yaspis; pa novei woi tete wulapa, anara tampaja tutafa. 9 Pa laho ko-pepei wu feferakawo noja tete. ko lopanai wu yaspis, ko lahitui wu nilam, ko lahetoi wu mirah, ko lanopoi wu zamrud, 0 ko lanapai wu unam, ko lanapahi-i wu sardis, ko lanapahetoi wu ratna, nahipai wu beril, nahipapaali-i wu krisolit, nahipapahitu-i wukrisopras, nahipapahetoi wu lazuardi pa lahapai wu kecubung. 1 Pa tila tava hapai kei wula hapa: tilo tava wowoi wula ali pa loma novei anara emas tampaja tutu. 2 Pa Fate Tu toi nifuka; kei Tata, Tata Eti Mole, kei Fate Tua, anaiara Ba Koi. 3 Pa novei kei ra pa ke japu ka, kei Tata fefe kekefa japui pa Ba Koi klei ratete keke. 4 Pa bapapa lojae fefe kekei pa tebataja jahelo tete tetutei; 5 pa tilo tava feai bututukatu, kei rapa kefu koka; 6 pa jahelo pa tebeja bapapa tetuteteiate. 7 Pa jafefe kei teketete kate, na teba lomaka na ohe-ete, kei teba bati putumotu ropu netenenete Ba Koke.