Kaipa kenalu ni pa neba tenenete, kei tutu tafawo ana lae, pa koi Tata fujeke pa fuja Ba Koi. Pa neve loma houi, pai fafatui, rito netenenete natuetu la hapa, ke-alia la-ali natetu; pa riha ritui pepei terepa bapapa tetepate nohae-e. Kei ifatepuete ka. Tata Fujeke pa Ba Ko fujeke pea momo totu pa bapuhake lupopojatete-e Ke-te, pa taha Keke tefufute, pa bati Keke putumo neko tete. Pa kei rapara ka, pa ratete fefepe pa ra fefepe teputuka, kei Tata kefa japui te, pa telejaja tebatafa temenai memete.

Oke Totole Kaipa kelote ni: "Piti-pitiwe pata pa bamua, pa Tata, Tata kea letu kekele bapuhake, kebafapa kelo keti ja kenalulu bapuhake jalewawa wofatu." "Bamuwo Ni lolole. Eba piti motu ropuwe elaele heve ewewele!" Pa ni, Yohanes, nia lo pa lelepai nifu. Pa pu nilu pa nifu, nipahere kebafapa tae kekeho, kei jalelepai kenalu ni, ko ke kenepapa. Pa kelote ni: "Noi mepepeka! Nira bapuke, anara me pa juhame, teba puha pa teba lelepa piti motu ropuwe tela-ete. Tatafa tabeja netete!" 0 Kaipa kelote i: "Piti motu ropuwe popepeka, kei bapepe watu. 1 Ba jafefeleile, kelepolokai; ba lofefekaile, kelepolokai; pa ba bamua, jabamuafa kelepolokai; ba ke tu, nokekei tu-fakoko!" 2 "Bamuawo Ni-lolole pa jako Ni-alololele teba jano heve re-e. 3 Niwe Alfa pa Omega, Niba lopana pa Niba Hupe." 4 Eba roeti etapui hevewo. Rito elenaiele jako elolole pa eke tilo tava rere noveiale. 5 Pa neke pa teba jafefe rimotu, teba lofefejaete, teba tebatejiete, teba tabeja tete-ete pa ou putumotu pa jate-ete, tetee pete. 6 "Ni, Oke, Niloko kebafapa keti jari lelepa motu wea kelolo-me pa bapake. Niwe to, kei Daud pipaveke, ha laha fefetafa." 7 Letu pa peume upotututui penu: "Mepo!" Pa ba mepu, kelo nawewe: "Mepopo!" Pa ba me-kotiepe, ke-toto, pa ba mepule, pa netenaianete ke-afia loi!

Pepape 8 Jari nilote eba piti putumotu ropewe eloele: "Ana bau jau pumepa piti motuwe, kei Tata kera jafefe putumotu ropewe kelolala me-pe. 9 Pa anara bau piti putumotu ropuwe mepo, Kei Tata kera jako meme motu ritu netenaianete kelolole pa nove tu, anara putumotu ropuwe." 0 Keba jari lelepawe kenalui, pitit kela: Ea, Nilolo wofale!" Rupabe, mepopo, Tata Oke! 1 Tata Oke heve keke watakoko ebafai! Rupabe.