Pasal 26
Pi Tewa Yesus Tejajate
1
po ing Yesus ja lele pa ke nalung ing, pi kelete te angko keke.
2
e le, pa bang hitung Paskah jape tetete pa keba angko te teke ni ko teke lele Ri,''
3
Po ing teba rebe pi leng tejang ete, pa teba huhu Yahudi telu keba tete pa ke bati ke ke Kayafas.
4
Pa te telepa pi tewae ko Yesus teke kete pi ong tefa Ke tejajata.
5
Pa Te nie pate: ele leka bang tafa, ung teba pae pi tete ka.
Yesus Peume No Pewefe
6
Bang ing Yesus ke lei Betania, Simon keba kusta pa keke.
7
Pa peume pete Ke pa pa jeng ung pe pute to ing pa nupa wea pewi, pa nupa ing pe pute pejo Yesus rebe keke kemu pa ja ke kangile.
8
Teangko keke tefo te te hefeng pa tenie?
9
pa pa tejoete ne jeta tete eti taimbo tete wo taimbe ing tereni teba japaka.
10
Pa Yesus hupalang tete kelu, pa keleng,'' ja te ko peume we ja fefeng ele? pa pe jano hefeng pete ne ni ne.
11
Pa teba ja pa ka te lakote me, pa ni we E Ni lala kale.
12
Anara pa nupa ing mejojo Ne Ni Ne pe ja ung pe tepi ko Ni wungwung le.
13
Ke lente Te, bamua wo jeng mote nefa Injil pe teri ete fitong tupa, ja lelepa pe teete ing pe teni ko te Ke me eng.
Pi Kewa Ko Yesus Kenaki
14
Peapa teangko keke ung bati keke Yudas Iskariot, keti teba Iman-Iman rebe.
15
Ke kelung nawea,'' ja e le le le Ni pea ung Ke ni keleng leng e ? Te taimbe mabire hefang tere ni ke.
16
Rang ku lang loma hefeng keju ko Yesus Ke kelente Te.
Yesus Teangko Keke Paskah Jatetang Ete
17
Bang lopana ke tobe teang ko keke teto Yesus pateni mepung lene jeung nete piko paskah jane nana.
18
Yesus lengna wea erere kota anu elong ke karu long ku nine petehe,' pa memenya nipa teangko nine jane nana.
19
Yesus long teangko ja ete pipi anara Yesus longko ja eang Paskah.
20
Wa kote bapangpa Yesus pa telopa jatang.
21
Ja tetang epa kelong i nileng te e eba fawe baung nimebe peng ti.
22
Hu te ong pa tefe pa tejete jete te wowo Tata nika?
23
Ke pina kele ,keba ana kelepo ena kelopo no lofa hehe apolo ing ang keba iang ni ke leng le.
24
ke bako bamua ke titile anara po to ko to pe apa keba keba keba ko ke leng ing feng ke wewele efe peara keba ing ke taha ke aa ka.
25
Yudas kea kelengleng le keloi nika koru Yesus long kara me wo peng.
Perjamuan Rapa Ing Kelu
26
Rangku jate tang e Yesus haong pa makele, kejepa kekolei teangko keke, kelopatei elopa eang a ke we noro nine
27
Nokeluto pa ja keke, janawo ke long pa kelong tete u hung fa Tata pa ja wea.
28
Ke we hi nine penukote, pa taro kelei ko teba nolete ke jojole.
29
Pea nilopa te eto me, wa ung ang bang we ni kuku kale wakote te bang tehe pa ni kukung le. anara jalopa kepa elopa e meme ai paike
30
Te jalang ung tete ko kapa tejang pe heng Zaitun,
Petrus ke Yesus Kealolu
31
Peanya, Yesus kelentea teangku-teangku keke, Eba nalung pa we ehako ehata fifi le Niwe rampang wea pe po tu kotu, Niwe gembala ni jijile pa jaku-jaku meko pepe Zakharia 13:7 .
32
Anara wako Ni haleng, Ni hatobe re e ni heng e Galilea.''
33
Petrus kelente,'' Ewe nalungpa e hi ta fi kotu ne Nine, niwe ni hitafika.
34
Yesus lekente,'' Ni lengkotu we pe bamuang wo koteme rampang we, ojing na te kapa me Ni me alo popo la hentong.
35
Petrus lente Ke, wakotu ni wung lupa ana Ke, ni ke Nialolo kale. teangku nalungpa te pi aling tete.
Yesus Lupompong Kele Getsemani
36
Peanya Yesus kepa teangku-teangku Ke pa te te ju jeng ing pe ti Getsemani pa Ke keleng te teangku-teangku Keke e meme wea, joka Nire lu pompong lelele.
37
Pa ke lengko Petrus pa teba hitung teangku Zebedeus te lupa Ke pa Ke hu pe fu tu.
38
Peanya, Ke lunte tea, '' pung Nine we pe fu tu pe ana ni wung, Ememe wea pa epa nelupa Niwe e fue.
39
Pa hamba raka pa kepa heti tangha Keke we hantu pa lu pompong Ke waete,'' Ainine ana we ing, pa ja we Ni mepebetika. Ana ing angra peing.
40
Peanya Ke mena teangku-teangku Keke patekefi te le weng. pa Ke keleng Petrus " Ana ewe Ni we e heng-heng kale epa ne lupa. jo rangku aling.
41
E heng e - e heng pa lu pompong e wae ung e i hehe long hang feng wo. pung we ke la la le pa nawe ekung.
42
La hitung ra Yesus keti pa lu pompang Ke leweng Ainine ana ja we pa we ka pe ing Ni hunghung le pung Meme peale wang-wangtu.
43
Laungra Ke tu pa kefi te leweng pa luto tete rampapi.
44
Pa teme pa Ke ti pa lu pompong kele la hentong, piti kela aha aling.
45
Peanya Yesus ke me pu tu keti teangku pa keleng ,'' lu e weng ung ang we pa ja ra eleleka. E kaleng , bang pe watupa keba ku tete nini no teba-teba neleng.
46
E haleng kara ele ne nana. E kaleng, teba Ni teke ninite tetu watu.
Yesus Teke
47
po ing Yesus pi keleile pa Yudas kete, kebaung ka teangko keke ing, ke kala teba pa tejala tang pa pentung , Iman-Iman rebe pa teba huhu Yahudi.
48
Keba ke te keni keleng jano wea, keba nupa niwe kea e keke.
49
Pa ke kana toti Yesus ke pa kaleng .'' Salam Rabi pa Ke nupa ke we.
50
Yesus kaleng te ke,'' Joke nol ang na ma pe? pa teba ing tejana tote Yesus ke teke.
51
Pa keba ung ka teba ing kela Yesus pa no ke wefa he hato tang kewe ete keba Iman tete bapo ke lee ke ke ke ki ta lu.
52
Yesus ke lente ,'' tang ing mera fahe hato pa ba tang na ke eo, king ke wawa tang.
53
Pa me hueng nane, Ni we ni wa wa kale te Ai nene ana ke leng kote, teba fang pa tete ta lala Ni.
54
Ana langra, tenaneko keleng kote pa po te hote ropo Kitab Suci , pa penu kote jaing pe leweng wang tu?
55
Po ing Yesus kelente teba nawo ,'' e ka leng ra Ni we teba lee, e ha ja pe ale tang pa pantung e le Ni e keke? pa bang-bang fa ne mepa janalue Tata pake, e we Ni e kaka.
56
Anara ja lelepa lewang nawe pe po temote ropo Nabi-Nabi teangko keke te ke tafiti ke me, pa te mejata wowo.
Teba Rube Yahudi Yesus Piteri
57
Te Yesus teke pa Ke teketute Kayafas ke Iman bapale, jeng teba-teba Taurat pa teba-teba huhu telupa teluti aling.
58
Pa Petrus kela Yesus keke i hamba ketiju kangri pa Iman bapale, pa Petrus kenti ketakung kepa telupa taba paja kefu wa ko tene.
59
Ung ang we, teba Iman Rube pa bapa sanhendrin lengma teju ja ong wo te fafa Yesus ung Ke wawa.
60
Ana ing-ang teja ung tewe ka pe ing ong nawo tete peanya teba hintung tetu.
61
Pa teni kebawe keleng , Ni pungle Tata peake ni tapepe pa niwe ete haha bang hentong.
62
Peanya Iman bapale ke kaleng pa keleng Yesus, ja ungka me peng-peng kape ? ja teba-teba we Me telaka?"
63
Pa Yesus pi keleka. pa Iman Bapale kelente Yesus Ni pi we bamuang pa Me Tata meme Kemele ana Me mepeng pe ne, bamuang pa Me ing Tata.
64
Yesus kalengte Tea,'' E wo e leng. Pe ing, Ni lengleng ea ung ang wefa ea Keba ku e fufu kemele nopalo Ke Eti Mule, pa ketu keka atu-atu motu petang.
65
Peanya Iman Bapale ro keke kejing pa keleng, Kewe pi feng kele. E huka ewe epung tu teba he meti? e kaleng ung ang we elu piti feng-feng Keke.
66
Tunane hupalang meme? teba rube Yahudi tenite ,'' Ke bamuang wo ke wa wa.
67
Peanya, te ifangfong tete tangha Keke pa Ke teja. Pa te ks ung teja tabeng Keke.
68
Teni pate ,'' Pika mepe kotu ne, he Tata; teba Me teja
Petrus Yesus Kealo lo
69
Rang ku ing Petrus keme jeng peng,l peume ung pe te Ke kaleng,'' meba ung a we e lepa leng hae Yesus, keba Galilea iang.
70
Pe apa kwe alo loi teba pa ho kaleng i,'' nira leka hupalang ha lengko to.
71
Rangku ke ti tilong tete, keba poleng ke ka lentefu telepa, keba Nasaret iang.
72
Ke kapa tei pa jang kefai ,'' kebaing Ni faleng ka.
73
Jotafa pa teba re ing tete Petrus pa teni ,'' bamua me we kebaung, pilang meme ne re tang.
74
Pa Petrus ke alolo pa jang kefa. ke ni felangka rang ku ing ojing na kele.
75
Petrus hupalang ke ung pi ti Yesus ,'' ojing na teka pa, Ni la hetang mealopo ke kenti peng pa fe feng feng kele