¹ Pa rangku ing anara Jeng Tete Sorga aha kelai teume nahipa pang hitung, pelita tere pa tete kebalen ketetele. ² Na pang ing tupo pa nepang ung tota. ³ Teume topo ing pelita tetute, parae i le tetute ka. ⁴ Pa teume tofa ing pelita tetute parae i le tehe jeng pe pe. ⁵ Keba leng inhg tejang ko jo, lufa pepa te leweng. ⁶ Ra hou pa le telate tehiwae: keba leng ing ke te kee. ⁷ Teume ing tejaleng pa pelita tete tetupi. ⁸ Teume topo ing teni pae Teume rota: pa ra katale e kaleng ne pelita nene unte te te.' ⁹ Pa teume tota ing te ni ne rete teng kate ke we paka ere jeta leele.' ¹⁰ Rangku tete jela te ete, ke baleng ing kete pa teba ne tetupi ing telupa ke jeng ipon tete ete, pa tilou ke kate. ¹¹ Pa taume topo ing tete pa teni meba tete, newe tilong ka meje! ¹² Pa keung i Ni leng pa te e. bamua wo; e nifalengka. ¹³ peanya e hee, ne reka rangku pa bang ha.

¹⁴ Anara jeng tete Surga ke halai ana kebaung ketiti jeng habang, kaleng ko teba janu keke tete pa jahelong ke keleng te. ¹⁵ Keba ung jana napang kekeleng, keba ung hitung, kebaung aling, te wowo na feng ee, pa leng kaka. ¹⁶ Pa keba jana napang ing kele, pa taimbe kele ke kati leko napang ungra kale. ¹⁷ Kebaung ke taimbe hitung kele ke kati kele ko hitung ra kelela. ¹⁸ Pa kebaung taimbe aling kewe ing ke kati hatu ikeku ke weleng taimbe ke ba tete tete. ¹⁹ Jo fafawo pa keba tete tete ing ke mete poa te lepa te jaji. ²⁰ Ke ba taimbe napang ing ke kate kenalung pa keleng i keba reba tete, taimbe napang me pepeng ni ing ni leko napang ung ra ni wela. ²¹ Keba tete ing ke lete te janopa meme hefeng wo, bapo meba hefeng me patakoko, bamua me pa ko pe pi hapa me jano tete ra ni welen me pe pe pe, me ken me keba tete jeng ke hefeng me pe pe pe. ²² ke ba taimbe hitung kele ing kete, keleng .'meba tefe, taimbe hitung me pepeng ni, mefo hitung ra ni lela. ²³ keba tete ing kaleng teke. 'jano keli meme hefeng wo bapo meba hefeng me pa takoko, bamua mepaho pi hapa, me jano tete ni welen me pepepe, mekeng keba tete jeng ke hefeng me pepepe. ²⁴ Pa keba taimbe aling ke rate pa kaleng, 'keba tete nile meba feng ja me we me pe jeng ja mewaka pa me wemepe jeng ja me wa ka. ²⁵ Ni fu pa ni re i ni le, taimbe meme mepe. ²⁶ Keba tete ing kaleng,' he meba teng pa nenape, peanya e lelang, ni weele pa ni puele jeng ja ni wa ka. ²⁷ Peanya kaing taimbe nine me pepeng teba taimbe jano tere, ni me pe le opa jana we la hitung ni lelele. ²⁸ Peanya taimbe ing keke pa ke kaleng keba taimbe mabire ke le mote. ²⁹ Anara teba ja mote, laura ke weleleng ing ke jano fatata, ba ja ka ing ja mote ke kelefafata le. ³⁰ Bapo jano ke leka ekare keliti jeng lopang lopang to wa wa, ke fea funapa kung amote.

Pi Pe Pa Pe Teririte

³¹ Anara keba ko nepara kekepa kete ke kala teba fang pa kemele jeng nepara keke. ³² Teba pele lepa te lele ho keke, teba kele pa ke kole anara keba jako ke kole. ³³ Pa ke domba-domba ing ke lela nopalo pa kambing ke lela nonalo ³⁴ Pa keba tete ke lente teba me nepalo, ele ebe Tata no ke wefe, e le Jang Tete pi ketepipa ete wa fitang ke lelang. ³⁵ Po ing ni huki, jajong e leleng ni kang.' pa ke tiepe pa e lelang ni hung, pa ana teba papa jeng e leleng. ³⁶ Po na bangfa ro e leleng nifa, po ni noe ere ni e lafu po ing ni me apa, ere ni efu. ³⁷ Teba bamua ing te ni te Ke, Tata, bangne me ne fete me huki pa meme pa jajong ne weteng mema pa keti epe pa ne reteng memu? ³⁸ Bang rane Me nefo ta meba papa, pajeng ne retang me, na me bangfa pa ro neke teng memu? ³⁹ Pa bang ne me neto menee, pame apa pa ne te me nefo. ⁴⁰ Pa keba tete pi na ke le tete, ni lente me.' bamua jalelepa ing ele pate keba lente ketenaji kelete wa ne nine. ⁴¹ Kera lente teba me nonalo,' honine merafi, he eba fefeng, ere ke keng ra batuto ke bafefa pa teba fangpa keke. ⁴² Po ing ni huki ja eleng ni kanka,' pa ketiepi pa pa elen ni huka. ⁴³ Anara ni bapa pate, nijeng e we lengka, pa ni bangfa ro e leleng ni faka, nue pa nime apa ni ele foka. ⁴⁴ Pa te ke te nie ,' Tata bang ne menefu me huki ketiepe, na meba papa, na me bangfa na nee na meme rangpa pa mejano ne te ka? ⁴⁵ Ke ra letete,' ni lente e, bamua wo jalalepa ele ka keba ne hifeng anaia ra je nu ra ele ka. ⁴⁶ Teba we te kentete jeng feng batoto, teba bamua te kekeng jeng batoto.