Pasal 24
TATA PAKE TETAPEPETE
1
PA Yesus keka tata paketo, paketi. Teako fake ke'i teto pa tata pakofa tenaju
2
Pa tepikele : " kiefofa ? ni loteh" eh, bamua wu" aliura telotiali rakawo, ki taki komo mo."
Lopana Janofefe
3
Po"a Yesus ke"etime Zaitun pekara pa teako fakeke, teto teme pa pikopa tete"e te nie : "piuka mepe ne, rane"u mo popope pa rane"u fito"we takuku", to ?
4
Pa Yesus kele nate : e," momo, ura teba"e"terehi"p"peka!
5
Pa teba nawo bati nine pa te"to to te pa teni : niwe Mesias, pa eba nawo terehi"P"pete.
6
Loeh ela anara pih tejaete, pa pife ra eloki pih tejaete. Pa efufuka, pa kija lewawate pa ki bapeka.
7
Pa teba papafa jalo tewowo tepa bebete, pa teba fito tumatera tejalo tewowo tepa tepa bobote, pa jajokapa fitowe takulalafa
8
Ja" lelepa lewaetewe ki lopana"aih" pa wakote fito nati.
9
Baiara e"terenite tejipa tenaji maki tefu jalelepa t"tei tewa nenine.
10
Pa teba t"teteh toh pa tewowo maki tewowo te"e.
11
Peanya teba fefe nawo tepa neba tehi pepete
12
Pa jano fefe nawo tepaete, pa jano hefei pelela.
13
Hanara, meba meme noiako bape jana mepe.
14
Pa pife kekewe pe hipoe fito tupawe fito tupawe pa teba papafa ko ba p"pe toh.
Ja Rerei Rapapi Pa Tata-Tata Oe"ii
15
Pa, hanra ekale teba fefe, anara nabi daniel lekote, kerule je hefe, teba ropo foata tefija.
16
Nya teba mete Yudea te mejatana pe"etete.
17
Teba mete paho, pa pai jamote teheto rereka.
18
Meba pemepe lehe, mepope ro bapale mebebeka
19
Pa jano fe ewe eba nopa pa eba ko nole pa jeju poia.
20
Lupopo mepeme ura keba meme kekatailewe ba lela pa ba tete kekatataka.
21
Fapofo emeko totoh bapalewo, pa hanara fito lewa pa wakote uawei noia koka, pa kilewawakato.
22
Pa hanara babai teteti rifaka, paki tupa ura leikale, pa teba hanara kepukole, babafai perifafate..
23
Pa hanara bau kelete me,"eka fo Kristus kemole wea, na kemole fea; pa ke pi eleleka.
24
Pa Kristus-Kristus oh pa teba oheate, teteta riri pa teba nawo terehi"p"pete, pa hanara, teba kekimote.
25
Loh mepame, lopana me hohonile.
26
Nya hanri teriatee me me kape ke rule je pefo pa ki memeka na keloile kara rule ja, ke loh mepapaka.
27
Ki hanara he"he, fefekeke keja loko pa katako ti rilowofoa, noia upa ba koi keto jujule.
28
Je eha motei, ki tah nasar tejafata to.
KEBA KOKE TOJU
29
Jano nafewe kapa, rawe kelopa pake, fefe pewenuka pa ha mopeta pera ih,fata heto pa fito kewelete.
30
Kipa keba kio, kehetotolnya jalewai pa teba papafa, mete fitowe tekare keba koi atu pa kekapeta heto pa ke ma keletapa keheto.
31
Pa keleko tebafapa keke, te trompet na maki tepopo ura teba nihiko teteate lako nopo mote fitowe, wa peta lou pa telou.
32
Ua bawe ja efofo anara ara toh pa ekalete neu eku pa hakofawe towa, kielo paranana jajale,
33
kipa hnara jalelepa efo paelo, kiketo kuwate
34
Bamuanya, nilote mepa tebamo uawe tekaka, kate ko jalelepawe lewa.
35
peta pafitowe pahehehto pa pinah, ninewe letitikale
36
Pa batojuwe baura loka teba teba fada kekewera rika, pa oke kekerakeloka, reke kekefa lekote
37
Hanara jalewa noh pofoa, pa noiara keba oke heto.
38
Pa tonane teba poh jalewa kapa, jatetapa tesu pa ipotete pa wako noh ketike bahtera.
39
Pa jaura terika, po"pa"heto teba kelofata, noiarakeba kokehote.
40
Baia hanara teba hitu te"e lehe, pakui ketati pa ku terifati kelei,
41
Pa hanara teime hitu, wuto tena kehipo ko kuwe tewe tute pa ku petoe.
42
Peaya newepameme pa neroka raneu Tuhan memeketo.
43
Pa kewe elokoko paana mepokote jeta keti pa meme kimepo pa mehemaru mra tekete pai tetape"peka.
44
Noia pa mera kapeme pa keba kowe ketowe nera rorokate.
MEBA KUWE MEBA HEFA PA MEBA KUI MABE FEH
45
Meba jano hefe pa jamepekote kebatete memepa jajo elopa elole teba te raku toju?
46
Meno kewefefele pa hnara keba tete memeketo me kefi pa me janopomepe.
47
Nilote me bamua kebaufa ke, ke keko, jano mepomeme pai keke,
48
Pa hnara kebaufai kebafe, pa eloele hupala,'
49
Kebatete ninewe ketokaleile, pa teba fai kekapaji pa ja tetala teba tahato;
50
Pa keba ufa, ba ketotol terarik pa tefoka,
51
Pa tejako kewa paketete ana tebajarika pakefoa fo pa jakotata".