¹ Kaimpa, Yesus pikele te teba na wo pa teangku-teangku Keke. ² '' teba hoho ropu Taurat pa teba teba Farisi temeti fu jeng Musa fu jeng ke ho. ³ Peanya lele pa fu teni pate me, ja mepe pa mefu pampang Ja ing me pe pe ka te ja ing telate paka pifa tete ja ing te la te paka. ⁴ Te ja ing a te te motu ne rate ana ja rampapi ana tere fe motu pa wu teba hing te wo jaing te ong te tere la no kangkang te wote. ⁵ Te jaing tete ung jaing teba hing te tefu, Te teko lupompong pe le ja ro hope rumba i tere lemotu. ⁶ Te pung te jeng tafa pa te pung tu teme me fujeng to pa lu pomong pa. ⁷ Tabenja tete eti jeng bapa lueti pa te nieti Rabi wa teba-teba. ⁸ Pea, e ke lung-lungka ke rabi keba aling Koru ee, e bapa ing eba lentu. ⁹ Teba ing ba ke elung-lungka kei ai ee, fitong wea ke ing Ai aling meme, ke ing Ke mule Surga. ¹⁰ Ke ing keba rube elung-lungka ke ing Rube aling keing Tata Kristus ¹¹ pa keing tetewo kelako le ea pa ke japa kele ile ee. ¹² Meba ne meme mepe na ho ete me leko ne mepe hetu pa ba me ne mepe hetu me kengkeng kale ¹³ Feng e we eba-eba ropu Taurat pa eba-eba Farisi eba-eba ja lu langka, Ea tilong e pe tilong Jeng Ete Kotu Surga pepe e kengkeng kale. ¹⁴ Feng E we wele eba-eba ropu Taurat, pa eba-eba Farisi eba-eba ja lu langka, E teume ba roro pa te ko e lu lu-e le lu e lupompong e ka pe elele, Peanya ja e wewe le piri pa ari rampapi e wewele. ¹⁵ Feng e we we le he eba-eba ropu Taurat pa eba Farisi eba ja lulangka ja e ka pi pa hangpeng kebaung ekare kekeng lu pongpong pa ee, pa ke ku naraka Irapa, Ke ing la hintung ari kewewe le ¹⁶ Feng we ewe, he heba rube lu tofu, pa eleng,'' ba pi kelu kewe Tata Paa ke, jaing pe pangka pa ba pi kelu kewe Tata emas ke, me a kele piti meme. ¹⁷ Me, meba topo pa luto fu! Kene we bapale, emas na Tata paa ike pe tuko emas ing tu? ¹⁸ Pa ba me mepeng pa piti mepa te altar pe jati raka pa me piti mepa pera pute me apetu la piti meme. ¹⁹ He meba lutofo ja wene pe tete wo ja henglong na altar jaing petuko tu. ²⁰ ba me peng pa piti mepa altar lele pa ing pe motu ho fua. ²¹ Ba ing mepeng pa piti mepa Tata Paake pa piti mepa kewofa Tata ke mule paa. ²² Pa, ba me piti mepa Surga pewofa fujeng Tata ke pefa ete kotu hofua ²³ Pa feng wo ewe he eba ropu Taurat pa eba-eba Farisi eba-eba ja lulangka ja lepapa taimbe. pa selasih ja lampi pa jintang peing rampapi wo wa piti taurat, peing ja hefeng mepe no ja mepe pung hefeng ja we ing pefa jano e lele pa pera ja luto me fufuka pa ja hing-hing. ²⁴ E we eba rube lufo tang eweli ko leng pa unta pe pang. ²⁵ Pe ing feng wo ea, he eba-eba Taurat pa eba-eba Farisi eba-eba ja lulangka e ja penglo elole pa apolo ee, kang, pepe pita jalolo pa katute ²⁶ Eba Farisi lufo! ja ilo e lole pa apolo pa kangpeng we pera pewo tu. ²⁷ Takutewo ea eba eba Taurat pa eba eba Farisi, eba eba jari jangka e ing anara fulu oteja ko tutu penglo ing hefeng, pa ilo ing teba bing ete eko pi pa nawo ing. ²⁸ Pera ana enya, epa neba peng we tefupate bamuang hefeng pa ilo ja ne ruka pa fengta. ²⁹ Takute wo ea eba eba Taurat pa eba eba Farisi eba eba ja ri jangka! E fulu-fulu jano ele teba nabi pa eleko ju jaleng-jaleng teba-teba, saleh. ³⁰ Pa tenipate, po ing nera nekuku po jube kamati nene, pa nera ne rere jakowa te hi tete nabi. ³¹ Wa ing-ang e he mele ne e ewo pae ing teangku-teangku tete tea teba nabi ejiko tebing. ³² Pa wa kotu aha pa jube kamati nene. ³³ Newe ii, nebale ii feng wo, tuneko ne meme memofa mememu na naraka kengpe? ³⁴ Peanya meka peng tu Ni we nabi-nabi nilengko tete, teba-teba ja tewo tuetu pa teba-teba taurat tetete me. etele ri,teba narang-rang ung e apa ji lu pompong pate e apa ja lelepa ere kota ing pa ere kota keung. ³⁵ pa hi teba-teba bamuang ta ju he pe tu tu mea, wa hi Habel, keba bamuang kokoti hi Zakaria kuke berekke eka lupompong Tata ke pa altar. ³⁶ Pe bamuang wo ni lente ea pa lele ing pe tututu tehi teba ma ung-ang.