Pasal 22
Jawe Ana Tela Ana Keba Teni Ko Keti Kela Teba U pong Tete
1
Yesus pi kele ko te ti pe ing ana kele-ana kele, Ke keleng.
2
Jeng Tete Ete Kotu Surga pe ing ana kele ana keba raja jaung kewe pele teba upong tete ko ku keke.
3
Pa ke keleng ko teba pohang keke teni ko teba teba te kewako tetu tela ku keke ja kele, pa tewe tetete ong te.
4
Pa raja kera lente bapo-bapo hing, keleng mepeng fafa teba-teba te nileng ko tetu, E kaleng ni ja nitupi jajong nine. jaku-jaku baleng pa jaku jaku ne tupi nawo ne tepung, pa lelepa ni tupi Elewe ela teba upong tete.
5
Jawe pe te pung tu ka pa teja, keung keba aling keti hele keke, te kaung tete jano tete.
6
Pa teka ung te raja bapo-bapo keke tere, tetu jalelepa tete pa teka ung te jite bing.
7
Kaimpa raja hufeng, pa taba-taba keleleng teja, tete teba-teba tejite bing tera teji pa kota tete rs tefa.
8
Peapa, ke kelente bapo-bapo keke, Jawe teba upong tete nitupi ko pa, teba-teba ni lengko tetu kewe te ni lelekale.
9
Peanya ere ha lengma-lengma pa eleng ko teba nawo narang-rang te efi te tutu teba upong tete ja nile.
10
Peapa bapo-bapo terapu hete lengma-lengma pa teba nawo tefi teni ko telu, teka teba hefeng pa teka teba feng. pa jeng upong tete teba te e ko pi.
11
kaimpa raja kenti pa keti fi teba ke lengko teba tu me ing, ke kalente kebaung me fua kefu,keba ruhu hufa kefa ka ketila teba upong tete.
12
Ke keleng te kea, Joke, tuna neko mepe me kenhpu jng wea ro huhu fa meheka mepe teba upong tete? pa keba ing keleka.
13
Kaimpa raja ing keleng te bapa-bapo keke, Aa ele no pa tang e keke pa eloheti jenglupang kotu peng. kefu motu fupa ja keng tata.
14
Pe ing, nawo kelulule pa jata lele keleleli.
Teba Rube te Ena Yesus Tekeriri
15
Teanya teba-teba Farisi tete pa telu ko Yesus a tepe pe te wa piti Kelai.
16
Pa, te teni ko teangku-teangku tete tefi Yesus, kepa telupa teba-teba Herodian Te pi tete,'' Koru, neru Me bamuang pa ja menapung lengma Tata pe ing bamuang. Me fuka te baung na pa Me nero mefuka.
17
No impa meka peng ja Me pu me peng-peng ne Ja ing ja pe ing bamuang nane fufu pajak tete kaisar na neteteka?"
18
Peing Yesus kelu hupalang feng tete pa keleng Ni9 we ele lulu ka, he.
19
Ja ing ka e nalung Ni taimbe efufu pajak pa te taimbe keng ung teweni Ke.
20
Pa Ke leng te tea. ''Baleng pa ja po bake jawe?
21
Te ni, "Kaisar." Yesus lente tea peanya ja ing are fufu kaisar jake pa Tata ke are le leng leng Tata jake.
22
Kaimpa teri te eng tape pa Ke me pa teja.
Teba Saduki te ena Yesus Te keriri
23
Bang ing wakotu aha pa, teba-teba Saduki, teni ana tele fupate peka, te te Yesus pa tejeng Kea.
24
Tejeng pateni," Koru, Musa keleng ana kebaung kebaleng ke wa pa ke ku ka, joke kebaleng pe keweko eke keke pa ku tena kete ko joke pe pipa fe joke ing ke wa.
25
Ung-ang we, teba te tu johan te napang hentong ta mete ne we. Keba lopana ke upong kele, pa kewa ke ku ka, pa eke pemo pete wa joke ung.
26
Ana ing ang ra keba hitung, ke hentong wakote keba napang hentong.
27
Pa wakote pe te ume tera bing fata.
28
Ana ra bang tele fute te ume ing teba ehangte wa teba napang hentonng ing? Peapa tera upong te te leng.
29
Tuna wea Yesus lente pa pi kele te tea," Ewe e pe, e lu lang ka Ropu Tu we hefeng Tata ke.
30
Ana wa ko bang tele fute upong we ka pa tereko ehang te raka, te ing ana teba fangpa te eti Surga.
31
Ana epane nefutang tele fu pate teba teba tebing, epane ruka pa nefuka kalengko te ne ta Tata.
32
Niwe Tata Abraham,l Tata Ishak pa Tata Yakub? Ke we Tata teba bingka, opa Tata neba meti.''
33
Peapa teba na wo teri ja we, te eng eng tape wako ja Kena lung ing.
Kewene Bamuang Pi we teri
34
peanya teba teba Farisi teri Yesus keleko teba teba Saduki teme rinaka, tete telu.
35
Ana ing ang keba aling keka tea, keba ing ke teba piri jang Taurat, te jeng Yesus ko Ke ana tete.
36
Koru, ho ho ne hefeng wo wa piri tejang etu Taurat?''
37
Pa Yesus ke leng te tea, E Tata ee, nija e le wa ne to ee, pa wa lentung ee pa pung ee.
38
Kewe hoho tete wo pa pewa to tu.
39
Ke we la hintung tuna wea e we e wowo noja e le le ana noja ele ne e wo wo.
40
Wa la hintung ho ho piri we pe motu Piri Taurat pa ropu teba nabi
Anara Tata Tejeng e
41
Ung-ang we teba-teba Farisi telupa lu eti, Yesus kente tea.
42
tunane hupalang meme te Tata Ku bake Kea? te tejang te Kea, Daud Ku ke."
43
Ke lente tea, "Tuna wea, pe tunane ing Daud, wa Feng Tatake Ke tu Tuan pitikela.
44
Tata keleng hoho ropu te Tuan nine, " Meta mumu nopalo Nine wakotu ni teba feng-feng Meme jeng te memete ni weleng te memetang e Meme.? Mazmur 110:1
46
Ba ung ra pina keweka piti ra Ke laka pa wa bang ing-ang, ba ung ra pi kekaki ko ke keng ja ke keng pate te.