¹ Poi Yesus pa tekokeke jakote Yerusalem wato pa teju Betfage eteko Bukit Zaitun, Yesus leko teako keke hitu'u. ² Pa kelote ererer bame kotutoi pa kei jahau umeu eviti pehebakoto pa lape roto tunya jakoi ekulolo pa hitulolo ealoloni. ³ Pa anara ba eku elolo, Tata pule kekelele'le. ⁴ Jai lewau tata ropukewe vutewiwi anara teba pohake: ⁵ ''Mepote Sion ume, Mekape, keba tete tome,kei ekujojo pa kemote jahora, jako autafa, ⁶ Kaipa teakokeke te tete anara Yesus lokote. ⁷ Jako umei tena lape tetuto kaipa ro tete tefe pa Yesus eti mora. ⁸ Teba pa nawotafa ro tupa ree loma, teka rine tejapa vue, teka ri japa repee loma. ⁹ Pa teba nawo jae Yesus to pa telake ke koe tehiwae tenie, ''Hosana Daud oke! notewefe kea ka tata batiketo Hosana waje etekoto.'' ¹⁰ Pa po ke keti Yerusalem nowe tupai tewejo pa teba nie kebai ba?'' ¹¹ Pa teba pai hiwae, ''Kewe bapo Yesus ka Nazaret ti Galilea.

¹² Kaipa Yesus keti tata pake pa ja jeta kari tata pakei kelo kaju, Tari taimbe lele teteei kelopali pa fujei ta jetate ei. ¹³ Pa kelote, ''Po tukoto pa ninei tenini lupopopa pa eloko telewawaw teba te pate. ¹⁴ Kaipo teba lutofo pa teba vubatupateto ke paike. ¹⁵ Keipa teba janorea tata pake pa teba ropujaeti ja lelepa keki i tevo pa teako hiwae Bait Allah, ''Hosana te Daud oke,'' Te huve tafa. ¹⁶ Pa tenite ke lo mepatepuna teako ja eniate?'' Yesus lotete nilu ropu ejukano kohapa laute pa teako no juete jaramena ketopi? ¹⁷ Te keluvate tete eia pa keti nove Betania pevua pa kei keia.

Yesus Aratu Jakewva

¹⁸ Pa vetahapai kemotitinovele, Yesus ke huki. ¹⁹ Lomatui kekalete aratuu ruia pa keti, pa janaura keweka pakei rihafa kelote ritui, '' Menatutukakora vito hupe! pa baiva aratui kea. ²⁰ Ja ki tevoka teako keke tealova, pa teni, ''Tunaneko aratui ke woa. ²¹ Yesus lotete, ni lotete, anara bamuawo keeli pa evuka, ejau anara nile aratuika, pa elote pei me ome pupu javua, ja lewawato. ²² Pa ja lelepa ewala lupopopa ke ehipa, elolole.''

Yesus Naveke Tehowe

²³ Kaipa Yesus keti tata pake, pa po jaa kenalui teba jano riete tata pake pa teba huhu Yahudi pa teto ke patehowe , ''Navehapa jalelepai mepeme? Pa ba navei wele me? ²⁴ Yesus lote te, ''Nira pui nihowewele pa anara pina ewetoni nira lolole navehapa nile. ²⁵ Yohanes teba pake keletehe ei waneto? Peta na vito te jete-jete tewowo pa tei, ''Anara neto kapeta, kelotetele tunai tumaneko jai ke ehika? ²⁶ Pa anara neto wa nebato, nevumete tebapa, Yohanes teniete tata bapa. ²⁷ Kaipa pina tewenite Yesus, ''Neroka.''Pa Yesus lotete anaipa nira e nilololeale tunaneko jalelepai nile.''

Teako Hitu Kewepeile Lelepa

²⁸ Pa, me huenane lelepawe kebau kokeke bakhitu. keti oke kebahu pa kelo, ''One vawe jano mepopo Anggur lehe. ²⁹ Oke kelote, have ai pa ketila. ³⁰ Pa kebai keti oke u pa pera kelonaia, pa oke kelo ni one pa kehuotapi pa keti. ³¹ Ko hitui ba rete pike kela? tenite kebava yesus lotete, ''Nilote me bmuawo, tebataimbe moteate pa teume lolojaete tejalote ketete tata paikete. ³² Pa Yohanes to lupa bamua kanalulu me pake kehilika pa teba taimbe moteate pa teume lolojaete ke keteji pa jai efu pa hupala ra eeoka kerailika.

Teba Janore Anggur Lehe Kewepoile

³³ ''Kewehalala uwe kelala. keba hatuba Anggur lehe kele a kokelatupa. lou kekuko Anggur ke pui pa kavu keku hou. Kaipa jelakele teba janoree pa keti hatopelo. ³⁴ Po jana tewuwute kuto, keloko teba pohate teba lehe tutei jana kokete tererete. ³⁵ Pa teba lehe janoreei bapohakeitere, kou tekelupaja, tekau tejiko tebi pa tekau wupa tero. ³⁶ Kaipa keba teheba loko tebapoha kaute teba jalote jetale lawe kelelotei nawo pa tera tete anara teba lopana tei. ³⁷ Kaipa keloko okewoti'te kelo koninei te pule. ³⁸ Po teba lehe janorie ketevi, tenite nite kei pipafe, elo kenekoko kewawa, ura pipafei ne keke. ³⁹ Ketekepa teroketi Anggur lehepefua, pa tejako kewa. ⁴⁰ Pa anara keba Anggur lehebato, jakelele teba lehe janorei?'' ⁴¹ Tenite ke teba fefei kevovopa Anggur lehei kekelele leba kau u jana tere riri ke pu bai. ⁴² Yesus lote te, ''Ropu tu evukana teba janoriete wu terejate kelele wu tu jadi lewa tata loke ja lomaka lewa honene ⁴³ Peanya, ni lote e tata paile tewewe me pa tewenini teba bametuu tea rito tata paile telejate. ⁴⁴ Pa ba koheti ve wuira, ketakukule pa wui hetove ke takukule. ⁴⁵ Pu teba janoriete tata pake pa teba Farisi teri Yesus jakewepei tehitepa tea pi keleile. ⁴⁶ Pa teena ke tekekete pa tevee teba pa te bapai teri kei tata bapuke.