Pasal 20
Perumpamaan Tentang Para Pekerja Kebun Anggur
1
Pa anara jeng tete surga anara keba tete ung tekapa ne kapa jano keju ko anggur lehe.
2
Keba lehe ing pa teba jano reafe pi tete ko aling pi teri bang aling dinas, pa keleng ko tete anggur lehe.
3
Rangku nahipa pang aling fetung hapa ke kente teba kaum kefete teba kaung teafia me pa jeng jetaja.
4
Kelente te'', erere anggur lehe nine jana ha niwe lelehue, kaing patete.
5
Rangku hapa pa wakote rangku hente laung ra ke kente, anara uang kele.
6
Wako te'' rangku napau ranle'' ke kenti teba kaung raketi, kera lente te, te na neko e afia wepa mele bang tupa.
7
Tera pete ke jeng teba neja tefuka, ke kentete era re anggur lehe nine.
8
Wakote rapan pa keba rebeteba jano rebe, teba jano re ein mepen ko telele, taibe tete me fufu, wa teba pepape te kente wakora tete balo pana kente.
9
Kain pa teba jano rangle tekeng ing tete taimbe teba oofa dinar oofa.
10
Kaing pe tete keng lopana teka nira nawo tererete tera dinar oofa tere.
11
Pa taimbe tere patepone keba lehe ba.
12
Kelein; teba pepape tekeng terangku aling jano tere pa me aha mepe tepane,bang tupa rang neke.
13
Pa keba rebe ing keba ung keleng, jo jano feng nilete kote me. Kingpi nete ho kote dinar aling?
14
Jako me pepe pa me mama; ni jang leleng eba ke fangko aha nila ana e.
15
Jate ung jani we ni lepa lala anara hupalang nine, ana me hufenna, ni hupalang ni hefang?
16
Ana in ara teba fang tate heto, pa tebe to tejana fante.
Yesus Kewawale Pilau Kele
17
Po yesus keti yerusalem keti reangko keke hapa tera watopa ho kelei long hou;
18
Uang rangku we nene yerusalem pa teba ko takeni yerusalem imam- imam teba pa ahli taurat piteri ko tejati;
19
Teke ko tekeni, teke ko teke teba papa tata tefi jangka, pea kea tenaji pa tekele, pa bang hetong kele fute.
Yakobus Make Pa Yohanes Te Pitete Ka Pa Te Jano Keke Tere
20
Zebedeus eke teangko papete tet yesus, tepa ho keke jaung tewa kete.
21
Yesus long nawe, ja muhe ung mepe? Ke eng me pente ko hitung te meme bame rang jang tete ke baung meme nopa kung meme bo nalo.
22
Yesus pi kele, pa keleng, e lelanka ja e waele pa feng eka huhulena anara ni huhule? teni teke.
23
Yesus ke lente te, pa ja we e keko e huhule, anara e meme nopalo ninena pa nonalo nine ni welelenkale, pe ing niwelele teba, ai nine ketepi mote.
24
Teangko mabire keke pitete pa tenite teba lentu hitung.
25
Yesus te keleng, keleng nawea; ele tetang rebe pa teba papafa teba bame piteteate pi banpa teba tafa te nafeng tete pa jano tereati ne teti.
26
Noi ne ee moka ba pungle tete ke meme ne ele pe anya te bapo meme.
27
Bati heheto ele ingba, ke hehe bapo meme.
28
Anara keba ko kete jano kelele kale bamua ke jano kelele ne ke tupa ke weleng teba pa.''
Teba Hitu Lutufu Keleko Lutoa
29
Yesus pa teangko teja yerikho, teba nawo lalofa tete pa lae ke.
30
Teba luto ka hitung teme lenta letelae, yesus le,pa tehiwae; Tata, Daud, Oke,newe pipate mepe.
31
Teba nawo tete teme roropa, peapa tera laung malu tehiwae, re, tata, daud,oke newe pipate masker,
32
Yesus ke kilpa tekeleng e kelu; ja epung mote ja e kelui ja e pung mete e ja e leko tete ne ee.
33
Teni nawea, tata luto nene raja nefofo.
34
Yesus hupalang papate kela rangkun ia fara te lua pa tela ke.