Pasal 19
Pengajaran Tentang Perceraian
1
Yesus ja kenalung ko kapa, keka galilea pake tiju yudea yordan pakan ung.
2
Teba nawo tepae lae ke, kelepate te nehae.
3
Teba farisi tera te kea, tete ke teterite tejeng ke; kebe ung eke kewe tafitele kingka penukotena.
4
Yesus kelung ropo we eka lafokana, elukana tata tebe lopa na kelelan ing kung baleng pa kung ume.
5
Pa hoho keke peanya kebalen ke mapa rehake kelufa pa kete tena eke telupa telutialing.
6
Anara tenake uang we hitung , pa ung ena keleti aling, ja tata a kele, eba e hofafaka,
7
Tenite ke, tenanekko musa pi keleko ropo keleko tepai jatu ko peleme no me hafang.
8
Yesus ke lengtete, hupalang ee nafengnya musa ropo kelekote pai ing tapepe- lopana noing tuka.
9
Nilengte, be eme petafi anara jano feng petu ke peti peume hing kewe, janofeng kele.
10
Bapohan ke teteng ke, anara noi tena kete umpa ipon tena keteteka.
11
Kera kengko tete, teba nawo hupalang we heka, teba ofa hupalang keke teri.
12
Teba kaung ipong teteka, ketanghae noiang wa ,make hupe teba kau pitena iang mote, teba kaung ne tete pa hupalang tete ko anara jeng tete kote, bahupalang he king kara mepe.
Yesus No Ke wefe Teangko
13
Pa teba kohapa te tute yesus, ung no kewefefe pa lopon-pong kelele te, kaingpa bapohan ke ing teba ing tete.
14
Yesus pi kele, teangku ing heluluha, teteteni, peanya teba ne iang jeng tete ing jeng tete.
15
Pa no ke wefete, pa keleng ke ka.
Kealeng Ung Ja Pa
16
Kebaung kete yesus pa kekeng kuru jano no paha ni leung nine bafato.
17
Yesus keeng jateko mepe meme peni japa hefeng? Pe alingfa efeng. pa ana me pungle meme keng nepara, tata pinake.
18
Kebaing ke keing; janoha? yesus ke howe me jijika, utaa mepepeka, jeta me pepeka pio mefafaka.
19
Ai pa ani me ing keng mepa meme, pa neba neba papate mpe mepe kunara mepemepe nememe.
20
Ke aleng ung ke howefeke, lelepa ing nilaleng jaung ra paka.
21
Yesus ke keteke, anara me japapa te umpa, meme jameme jeta mepepe, pame kopepe tebaja paka, kingpa jahelung moto surga mepepe, pe mepe papa ni.
22
Ke alung ing ketelate pi ing kelu ka kala hupalang feng ke huang te jang helung hawa.
23
Yesus ke lente bapoke, ni lente pame. ki banua tanle fe kotu, teba jano wo surga teme kente te kate.
24
Laungra nilempate ine efeng pepe anara unta pe kente taleha lo anara kba japa keme kenti jeng tete sorga.
25
Teba poha letelateri, tewe fiompateni, tens ian hu ung pa hefang kewe leleli?
26
Yesus ke kaleng tete, pa kelente epa neba ing hu neung tapepetu, anara tata ing hu nehe tu.
27
Pa Petrus ke eng pa ke leufe Yesus,newe jalelepa ne rei pa nelala Me Fa mepepeng ne,
28
Yesus kera lete ce, ni lente e bamua bang ja klelan, anar tafa oke keti takung reke fujengke, eba hapa mofe Israel.
29
Pa teba teho batine pa tereja ite, teba lentu, Aipa ani, teangko pa lehe, Fa na feng tererete nawo pe pe mabire pang aling pa, me mu naiang me mane.
30
Teba jang toete, te jana fangte, pa teba fang te jana note.