¹ Baing bapoha keke teto tete teje Yesus, nabawe bamelejeng, ete kote?'' ² Yesus'' ko kefu tebaho. ³ Kelopa launglakete, anara jahope efoka ana koha pewe jetipa emekererekale ba no peheto anara. ⁴ Ko hapa kea kea kaba tete mele jeng ete kote. ⁵ Bako hapa keke bati ninepa keing ara nia keke eti.''

⁶ Ba teako hapa hupala tetaku pe anara wung'' teweko atefa ketefaheti. ⁷ Fitong we jafefefa hemoto jafefe ing jafefe ing pemote peing teba ja fefe teate. ⁸ Nopa tang e meme jafe mepe. hefepeara neme efe ana keba nori anara nopa tang e tutufa nopa jange nopa tang kelejang te rabatoto. ⁹ Anara uto meme hupala petaku meleko pejate efeara luto leali pa memepa luto hitung mekeke rapa ho e'' ¹⁰ Me eng koko keba hapa mehuete pikale peanya nileteme tebafangpa tekarengte ai mele jeng etekote bamerang'' ¹¹ Kebako kete neba pipate kele.

Kewepekore Anara Jailer

¹² Hupalang memetenane kote? baung jako mabirere fa jako aling ung keha nahipang aung kelufate kemekete aling kejuile. ¹³ Nilepa teme anara kejuko keke king kepung ewo ana aling kefipa kekekamoto. anara hapapa aung kehura ke ong ka kelufate teme. ¹⁴ Ai memele je etekote hupalang kekekote baung ra letetika.

Teba Lengte Pinalung Ete

¹⁵ Anara keba leng to meme nele kele kehemepupu pina meme kebamamopopo. ¹⁶ Anara pimeme keloka king pa teba hitung na hetong ra pemapopo ana teba hitung ing hupalang leteka. ¹⁷ Ana kepitete keloka pina elote teba Jemaat pa, Jemaat rakeloka umpa ke efee anara tata kefelang ka pa anara teba japa taimbere ate. ¹⁸ Ni letame jaarokote fitong we anaingra arokote je etekoto. ¹⁹ Fangfara nileng teme ja arokoto fitong we ana ing ra roko te je etetekote jamefopa fitong we kekofa jeetekote. ²⁰ Laura nileteme lengtomeme hitung hupalang aling jatewa e mejatewate ing Ai tete mele je etekote keweleng.

Anara Jakewe Pete

²¹ Anara teba hitung na hetong lomete bati ninepa king'' nia mele. ²² Petrus keto Yesus pa kelong i tata lanarang ra nilong'' wakote anara balengte nele kelekote nonine wakote lanapa hepong. ²³ Jetete etekote keba tete taimbe kekakikile keba pona keke. ²⁴ Rangku jahele keka kikile keba jahelong mabi rerefa kamote. ²⁵ Pa keing hu ke etape keba tete keleng keing teume pa angko jata kelepa taimbe like lolo. ²⁶ Keba pohang kekebatete kekepa kelong i merukoung'' Jahelong ni lemote nielele. ²⁷ Keba tete ing hupalang keing pupatekele hupalang ing ketepi pakejo. ²⁸ Keba po ing keketing peng kepapo ungra kefi kebaing ing taimbe mabirerefa kelemo kekepake papa keldi, Jahelong nine mefu. ²⁹ Bang kekepa kepapa kewa merukuung koung jahelong meme ing janifufele. ³⁰ Peapa kewetafite pa kebaing keke ketiapa. ³¹ Teba hola tefopa hupalang fote jalewang hoho kele keba tete. ³² Keba tete kelong ko teniko keto bapome mebafeng'' Jahelong mepeng me anara mewako teni. ³³ Mera no ing me pepe keba leng te meme anara nijano nilo nememe? ³⁴ Keba tete ing kelopa kelong ko tekeniti teba fefe nola pa wakora tejahelong ketepi korapa. ³⁵ Ana ing ra Ai mele jeng etekote jano keloi no anara meba teho teba lengto efeng pipate.