Pasal 17
1
Bang napang hing tewe, yesus poki petrus, yakobus, pa yohanis joke yakobus, paate kakana pe patete e nahote ete pe teja wowo.
2
Pea, yesus nero ke wepu te ho kangha keke ing peja ana rangpa rokeke ing petutu peja.
3
Pa ekaleng, neke ang na musa pa elia, tewe pitete naa yesus.
4
Petrus keleng na yesus, Tuhan pe ing hefeng tene nete nene wea, niwe fate hengtong ni lehu aling ing meme, aling ung musa ke, aling ung elia ke.
5
Bang ing petrus pikelel, atu fefe ing te pewape tupa, pa ekeleng pina ung wa atu penuna wea, kewe ing ku nine ninonile, pete ke ninonile, leale na kea.
6
Ana teangku-teangku teweri, tewe te inete tangha tewa hantu pe tefe.
7
Pea, yesus ketu kekapa nalang tea, keleng wea, maleng pa me fufuka.
8
Tewe luto tete we tere naho ete, ba ung ka tefika pa keing yesusu kefa.
9
Bng ing te rapu pe hetu, yesus pinafeng kele tea, keleng na wea, ja ing teba eleng-lengka ja ing efu hohora teba eleleka wako kebaku ke lefute keka teba tebing.
10
Pa, teangku- teangku te jengte kea paja teba-teba hoho ropu fuete teni elia kato tutu?
11
Yesus pina kewe, elia ketutu tole pa jalelepa ketupipi.
12
Pea ni luntete ea elia ketu, pa ketefi jangka pa keteketupa tete wa pung tete. ana ing-angra keba ku teketute lelepatete teke no tete.
13
Bang ung pa teangku hu tieng tepa pa kepi kele tea wakote yohanis pa keleng patehe.
Seorang Anak di Bebas kan dari roh jahat.
14
Kewe Yesus pa teangku- teangku temepuna teba nawo, keba kebaleng ung kekana Yesus lambi pa kekana ho keke pa kelente.
15
Tata nojaka mepe kinine kene e pa kewe kapafi feng wo, kaumpa ke kupa heti rato pa kekupa heti pa.
16
Nikaha na teangku-teangku meme, tera kewe teteko nehae raka.
17
Yesus pina kewe, he e angku mo ung-ang hu palang hefeng ewe kapa epe! Bang jo narang- rang epane pa ni netene? Ekahana nile ku ing-ang
18
Pa yesus hengkeku bate feng ing kekengtu raku baleng ing pa ku ing nehai bang ing -angra.
19
Bang ung pa teangku tetefi yesus, po ing te wofa kepatea pa tejeng, tunane newe tebate najuju kate?
20
Keleng na tea, pung kole ne ihapa, nileng bamueng tafa teme, anara epung kole ne ing ana sawito, pa eleng na pefea, mana jeng hing me memefua! pape we keka na pongti. Jaing niweja lopa raka.
21
Japa ing ana tebate feng-fenfg e hajulan lupong- pong pa emela hupa.
Yesus Pikele Bang Kewawale
22
Yesus pa teangku-teangku keke te upa fume galilea, ke lente tea, kebaku teketute tekenini teba no ongte.
23
Pate ke tejajate, pa ke kekaleng bang hentong pa teangku keke hupa lang futu.
Ana Ja Nenarung Pajak Ja Nenufu
24
Teja kotu teju kapernaum, teba jahenglong metieti, hintung dirham tete petrus pa tejeng, jatuko koru memeja henglong hingtung dirham kefuka.
25
Petrus pina kewe keleng , ea pa kekeng na pai, yesus pi kele totete, pina ee tunane, simon? Wa batu bari- bari fitong ja henglong metieti bea pa pajak? Wa teangku-teangku pa wa teba hing?
26
Pa petrus keleng wa tebahing yesus keleng na keate, ana no ing teangku- teangku wete ehufafa.
27
Pete ing ana newete pompong neteteka, erefu ehana pato pa gumala elo. Me lopana kejuete pa ekelangu keke eje, ewe stater kang ung efi, taimbe ing ewe pa ewelengna tea kewe nine pa kewe meme.