Pasal 16
Teba Farisi pa Teba Saduki Yesus Teteri
1
Bang te ung teba-teba Farisi a Saduki tete Yesus teteri. Tete wa Yesus ja ung te fufu ja ing wa Surga.
2
Peapa, Yesus lente, ''Pe wana rampangte, e kaleng, rang ha we fefe pe ing petang petuko ule.'
3
Pa, wana fetang hapa bang, Ung-ang bang we feng nafeng kakale pa petang ing ule pa lupang. E luna tunane pae funane petang nerope, ana ing-angra hu ewe ta pepele nojeng- nojeng bang pe.
4
Ana teba mo ung te ing feng wo pa uta mute tewa nojeng pa nojeng aling kungra keteweni raka, pa kefa nojeng ke nabi yunus. peapa te ing teme pa ke ing keka.
Teba Saduki p Teba Farisi Yesus Teteri
5
Bang ing taengku- teangku teteju pato kang fua, tepeng hang ong tetuteka.
6
Pa yesus kulungkote tea, e eng takoko pa e tupi tata e eng momo ragi teba-teba farisi pa saduki.
7
Pea tewe pikeng tejaetete wowo pateniete, kewe ana ne hang ong natuka.
8
Pete ing yesus kelu ja ing pa kelunte, he eba hupa pung nafengka jatuko pieleele e wowo pa eleng ele ha hong weka?
9
Kewe ana ewe jaing eluka pa e eng moka ana hang ong napang e leleng teba mambi rerefa napang, pa na ing na na rang rang najong mu ele?
10
Pea, hang ong napang hentong e leleng teba mambirere fa pang nopong, pa jong pepe na narang rang mu ele?
11
Tuna nehu ewetepakana ni ewe pi nileka tehe hang ong? peapa hu e eng tata te momo ragi teba-teba farisi pa teba saduki.
12
Bang ung pa, tehu tewe pa ke piti kelaka peanya e eng tata hang ong ragi, e eng tamomo teba-teba farisi pa teba ja tena rung-rung te.
Yesus Ing Tata
13
Bang ing yesus kakoti kaisarea filipi, ke kente teangku-teangku keke, ana teba teni, ba ing keba nebaku?
14
Terateni, teka ung teni yohanis pembaptis, ana ing-angra tekani ke ing elia, pa teka ung terani yeremia, ana ke ung ke ing nabi.
15
Yesus kante te, peapa eka eng baweba niwe?
16
Simon petrus pina kewe keleng, me ing tata/mesias, tata uke.
17
Yesus lunte ke, mamakele, simon yunus kuke, papeing na pahi tenitekotume, pe ing ai nine mule surga.
18
Pa nira leng-leng me ing me petrus pawung rawe bapa ung niwe huhule pa tilong-tilong hades te wewe kate.
19
Ni ewe niwe leng- leng le long-long jeng tete surga. Pa, ja ing ja ing pememofa fitong pera a petutu surga.
20
Kimpa, yesus teangku-teangku tehekelu ung teba-teba teninika ke ing tata.
Yesus Kelengwefa ke waw le
21
Wakotu bang ing, yesus ana nepaja kenalung i lelepa kewekapa pei wateba huhu, imam-imam rube, wala teba-teba hoho ropu fujang, kokewa pa kele futu bang hengtong.
22
Kaimpa, petrus yesus ke kalo na netu, kehekelu pa kaleng, tata, ana tata ,mana pong me wana metetetu jawe ing mepele wang-wang katu.''
23
Peanya, yesus kapute pa keleng te petrus, mana pongme ho nine, hebatefa me ing wung tu nine pa me ing kofa koka hupalang meme wana tata.
24
wana ing- ang yesus lante teangku-teangku keke, anara baung pung le mpapa ni ang, mene para memeing mea olopopo salib mapepe mpapa ni ang.
25
Peanya nebawe ne me pungle lentung hefeng kewe pa lentung ing lenti,ana ing-ang ba ung lentung ing lenti, kole kea, meja mepepepe.
26
Jahefeng te ba ung fitong tupa we mepe, pa lentung ing lenti? anara jaleha ung kebatuho weleng lentung lele tete?
27
Anara kebaku ke tete le kekala hefeng ai keke teba fangpa telupa pa neba jafeng nate pea newe ja ne rere ana ja nete .
28
Kewe ing ni leng-leng ea teba narang-rang te rete wea te ing te bing-bing tewewe katu wakotu ketefifi ana keba ku kekala jeng kekeete kotu.