Pasal 27
Yesus Ke Rule Keba Tete Pilatus
1
Anara bang wakote fetahapa teba pa teba rebe tafa pateba huhu bameia kaimpa pitewako aling pa teni Yesus tejati kewawa le.
2
Pa Yesus ketekepa tete kaimpa teketute pa tekeniti keba tete Pilatus keba tete jeinga.
Yudas Ne Ketaku
3
Baung Yudas ke Yesus kekelento kekale Yesus ketekepa janopa teteko kewawa huke e tefepa 30 keping Perak kelelete teba rebe tafateba huhu
4
Pa kelenawea janiletefe anara kebanikelenti hipa ana jakeletefe keing anara teba teni nawea pi hopeha mepe mene? Keing piho peha!''
5
Anara Yudas kelote keping-keping perak ia pa keketitatapaike pa keleimo ia pa keti nekeke le .
6
Teba rube tafa ta ingbe tekepa tenite jano ing eleleka taimbe ing ruto eheheka, kewe taimbe hi.
7
Anara pitete ko tehe te taimbe tekepa hatu jeta tefa pa jeing hantu i le jano kele ko fulu teteko teba papa terele.
8
Peanya anara Hantu wakote naweteniete hato hi.
9
Ana kelo nawea pife meme futepa pa teni kote Nabi Yeremia tewe napi re hento taimbe perak aha ke lekote kebau putepa ahatejajie poteba isra motete.
10
Kaimpa Taimbe taweni te pa teweko hanto jano periuk anra Tuhan lengkote.
Yesus Kemole Pilatus Hokeke
11
Pa Yesus kemole keba tete bamerike pa kekempate kemea keba tete teba Yahudi? Yesus keleng karamewo pemepe.
12
Kaimpa ke tenajie pa teni e teba rube tafa-tafa pa teba huhu tenie kea ke pinaung ke weletete raka.
13
Pa Pilatus kelewawea tete anara keleng nawe mepe kana teni teba nawo pitojie teba-teba lo hemete pate kea?
14
Pake pina ung kewelente ka , kaimpa keba keba tete jeinga ha hupala ke eli
15
Anara poing jaleng waeto keba tete jela kaimpa kelefe paba aling janopa kele pa anara ba tete pa teba ing tejiji.
16
Pa poing banging apa ung kebaung tefija janopate keleile bati keke Yesus Barabas.
17
Anara tete liete ketea Pilatus kelente teba inga baung epung lempa keni kefufuko nalenene, Yesus Barabas na Yesus ke teni Kristus?
18
Keingja kele, anara tea keni Yesus ketenaji.
19
Kaimpa Pilatus kefemo fuje pitete piete, eke penukotekea keing mepapaka keba to ing anara kea niwenoja pa tang epa nile.''
20
Kaimpa tefajako teba robe tafa pa teba huhuteba naulo tefaja en pa teni nawe ewako baraba ekefu pa Yesus ekako kewawa.
21
Keba tete kelonawea pa kelong natweate te.'' keba te jeing teni nawea pa elengte ana e teba huhu hitung mepe apa baa nekefufu te ? kele to teba ing Barabas!"
22
Pilatus kelenawea tete keimpa nowea ja ni leko lewang wa pa Yesus ing nelele Kristus teba pa ing tee pa pee keing eke leri ?
23
Keleng newea jano feha keleng ko te ? nara tehi wa kafa pina nafe tehiwa." ke ing ekelele ri !"
24
Ana Pilatus ke kalento jalelepa ele eha le pe lewawaraka te, anara tehe pilelewa ete, kaimpa paa kekeko nokeke kelolei teba pa ho pa kele teba ho pa keleng nawea kaimpa anara kei koteno ee
25
Pa bame tupa te nina wea kaimpa hi nepa teangke nene nerenu!
26
Pa baraba tekefi pa keti keni teba pa Yesus tekeni pa tera kenina teba ketekelele rite.
Yesus Tekepa Jano Fefe Tete
27
Teba taba Yesus teketute pa jeng pi tete ete, pa teni ko teba taba teni ko tete lufata pate pajo Yesus tekeheti hoe.
28
Ro kehemo ne keke te jufata pa ro ungu teweni kefa.
29
Pa kong teke tute jopu teji pa tekefe rube keke pa a kompa tekefe rube keke . pa e ri ung teweni keweko no pa lo, kaimpa lambi te jaju hanto paho keke pa ketenajie.'' mebabamua meba tete teba Yahudi!
30
Te i fata tete eKe pa eri te ke ko terojie robe keke.
31
Ana ma ki pa bako te fua Ke tete ro ing tewe telafo pa tewe pete-pete tete e kaimpa kete ketute teketuja na peng te pa teketute kelele rang ri.
Yesus Tekele Rang ri
32
Anara tete lele jae kota tete tefi ke baung ke ka Kirene pa bati keke Simon. teba ing tefa jako Yesus rangri kewewekuku.
33
Kaimpa tejako tete jeung pe bati pepe Golgota anara "jeing Tengkorak".
34
Kaimpa te Anggur telam pela tangpa te keni kekung. anara Ke tekeni pa Ke kung ku ongke,
35
anara Ke te kele pa te ro ing teko tie- tekote paunti teweri.
36
Kaimpa teme ing a pa Ke tefie.
37
Pa rube hete ho ing ja po te te ko te we le pate ni nawea.
Teteri Jafuku Ke elong kebafe keteba Yahudi keba tete tete
38
Anara ke te le pa teba fe ing hing tura terele kebaung teke le nonalo pa ke baung tekele nopalo.
39
teba lepateing ke tenajie pa re bete re lee.
40
Teni nawea he me pe Tata pa ke meta pepe ba mera pe ete pe mumu wakote bang hento me Tata oke umpa ne me peko nera ba pa merapu rari hepe!
41
Ke ing anara teba pileng ja eta pa teba huhu pa teba rebe rebe Tata pa teni nawea.
42
Teba kau mepe temepepa nomemel me pepe kape Ke ba tete Israel mera pehe rari hepe hefe pa ke nete bamua wo.
43
Ke lele pa ing ke lelete Allah hefeng pa Allah me pefe mepe Ke anara Allah keleng nawete! anara Yesus kele naweate niwe ing Allah oke.
44
Kaimpa teba jeta jano pafe pa tera terele rang ri telepa kaimpa Ke tejani pa telakere.
Yesus kewa
45
Wa raku hampa pa lopa wakote jeing pewe tupa wakote raku hento.
46
Anara ku heto pa Yesus ke hiwa eli-eli lama sabt tani pina pepaing Allahku-Allahku ja te ung nimepu fate nira wota.
47
Ke le naing a teba na rara re ing tenie, Elia keleli.
48
Teba me ing ke kokofa te wo hepang ukewe kepo anggur tang ile keweko keku pung pa kekele Yesus keku.
49
Pa teba kau ni pa tee elilika neka karengko ung paya Elia te keko fafa lena.
50
Yesus laling ra kele pane keke keweleng.
51
Pa eka lee roko Tata paike witaje kaintu wa ho fea wa ko he toko pa petang hepa tepu pa tepu ing wuwi tajee.
52
Pa fuui mo ing fita jee pa teba toe ing jejapale.
53
Kekaleng pa teba efulu ko tera jale pa te kente kota Kudus pa nete naru te bapa.
54
Keba taba rubi pa prajurit- prajurit keke tab Yesus jaga tee maki tefe tekarente matete pa jaleng wa i tefo kaimpa teni bamua wo kewe tata uke.
55
Pa teba mei teume nawo fata tekaree hamba patee teba lake Yesusnya teja Galilea no keke tete pipi te.
56
Teba fa ing ku Maria Magdalena pa Maria ani Yakobus pa Yusuf pa ani teang Zebedeus.
Yesus I tete
57
Rapa pa keba janawo kete Yusuf keba Arimatea pa Yesus bapuke.
58
Ketiku Pilatus ho Yesus ehangke kewa Pilatus era kelete Yusuf.
59
Pa Yusuf eha ing kewa, Pilatus kain lenan pa kerape.
60
Pa kefa eti fulu nati pawu bapali kefulu tilong kepe pa keme.
61
Pa Maria Magdalena pa Maria peba ung te me ikora
Yesus fulu ke tehetume
62
Febang pa keing baja tete pie, Iman-Iman rebe tete pa teba Farisi telepa tete pilatus.
63
Pa teni tuan ne e mote keba fe kele po kekefu keleng bang hento pa kelefute tele.
64
Peanya teleko fuluing tehetu meko bang hento ,'' anara ele ka teang ke tete kejeta tete, pa tenini teba pa kelefute teba bilote , anara teba fefewo lewawate anara lopana lewa.
65
Pilatus ke lentote," kewe teba meme hemeti ere fulu ing ehuhuhu fa ameme.
66
Kaimpa tete teba heme ing te pate jano aling teree nojetetepa tehetume.