¹ Po ing Yesus ke keng pa te pa ke me pato arong. ² Pa teba nawo tepa ke tepa jee, ke kaleng ke ti e tang pa Keme, teba Nawo ing tere bang. ³ Pi Nawo kalepatei ke halai pa tei te ke leing, anara keba ung jato jato kati pupule. ⁴ Bang jato ke pui, kaung ihite lenfa, kaing pa tang tetei te tang koka. ⁵ kaung ihite wung va, pa hato katele, pa jato ing ko ko tae peanya hato katale. ⁶ Rang ete etiko, pe ko nga peanya hali heka. ⁷ Kaung ihe kong pa hoe, kong ing pe eko tefa pa ja le ing pe wa peko a. ⁸ Kaung ihe re ato hefeng pa nate kaung mabirerefa pa kaung mabire napangi, kaung mabire hentung. ⁹ Ba lepa ung pa pi we me pe pe. ¹⁰ Keing pa bapohang ke tetu: pa tejang jafe ko pi ke we pei?" ¹¹ Yesus pina keke hupalang keweleng me, ja weng mote jeng tete ete koto surga mefofo, anara te, teriri kate. ¹² Anara ba jake mote, laungra kewelele ko nawo, pa anara teba moka, ja hafa, ke lufata tale. ¹³ Peanya pini leele pa ni we peele tepe ete te anara nie peele, ja ing teto pa anara teto ka teripa anara terika. ¹⁴ Peanya Yesaya pieke, ne wana weate ele le pa anara eluka peanya upalan ra heka efoele pa anara efoka peanya hupalang heka. ¹⁵ Anara teba pawe hupalang tete nafeng pi teririte pale tete rampa pi, luto tete ra pommote, peanya luto tete pa tefofoka, pa le tete pa teriri hupalang te ekete ung ra temepe na ni te pa ni leko Nehae.' Yesaya 6:9-10 ¹⁶ Efeng pe pe luto me me poe fome pe pa le meme mepe mepe. ¹⁷ Peanya ni aleng pate ete me, bamua Nabi nawo, pa teba bamua, pungte tefofote, ja efo elenya pate fofo kate, pung te teririte ja ele ele, pa terika.