PASAL 14
HERODES LE" KELATE YESUS PIFEKETE'
1
Po poa i, Herodes ke bate're', ke mo" je ia, pakekelatepife Yesus .
2
Pa pikelite bapoha kewe Yohanis teba pa kelempa teh'eete, pa laho"e"te'ba bi keing anara jalopa ing jeno keleile ilo.."
JALENGWA KEWA YOHANIS TEBA PAKELE-TEHEE
3
Peanya Herodes ke Yohanis kekeko, a kele pa te keri kente apa kaimpa Herodias, Filipus eke jupe Herodes.
4
Kampa Yohanes poi kelete keapa. keing jate Herodias mepepeka!
5
Herodes kepule keke kile, pake filipi anara teba teka reete keing Nabi.
6
Baung Herodes ba hefe keke, Herodias lape lipetee pana hoe tete pa hupapu keke pe wee herodes.
7
Kaimpa Herodes jan kefa pa jaan i we lele pa ja pewa mote i.
8
Kaimpa, anara pefawaka te pa pepeu i peumei penunawea ja mepepe ni.
9
Kei anara teba tete pueke fa kel jaa kefa ko koto pa peanya teba pa keloko jatetae felu pa, kerloko jano tere pa jai teweni.
10
Kelopo Yohanes rebi kekeketi ji teri a pa.
11
Pa Yohanes rebi kike tekefe jeupa teketute keni peume pa pewe pa pewe pu tewenu mape.
12
Kaimpa Yohanes teba poha keke teto, na keke tewe pa itete. kaimpa teme tepa hohotepe Yesus.
HANG ONG NA PANG PAME HITUNG KOTE TEBA MAMBIRE REREFA NAPANG
13
Pa Yesus pi i kele, pano keke kekanuna poti pa keeta kekana je hoe leti kewofa. pa teba nawo teripa, kaimpa teja jute ke, kaimpa teja tae te kota-kota.
14
Keimpa Yesus keketo, Yesus ke kalente teba nawo telu mete, pa pi pa te keli tete ba, pa teba nee keleko teneha.
15
Anara bawe watote rapa, pa teba pohake tete kaimpa tete Yesus pa teninawea pa jewe roropa pa bawe wakote rampa, me pengko teba nawo ing fetete bame tete pa jajo jeta tete wowo pa tetanta.
16
Kaimpa Yesus kelenawea te, teteja te"te"te, ere hapa jajo ealo lele te tata.
17
Teninawe pa tee, nekewe nejale lepa nene ka kewe hao nepa pa mee hitu.
18
Pa ke le nawea, pa ja ing ealewe, ele lele nia.
19
Kaimpa ke lengko teba nawo ing tetaju jara, pa kewe, hao napa pa mu hintu pa kaimpa kelepa kekale ete peta ke wa ete pa janawo keweleeta pa hao ke lepa ke jekangka pa. kaimpa ke lelente teba poha pa tereni teba nawo.
20
Kaimpa teba pa jatetangko hulang tafa. pa te japa hao riri pa jojo, pa te ja paheko haa hampa pita.
21
Pa teba jatae anara teba mabirerefa pa na pa teu me patea ke pa te keteka.
YESUS LEKEKAILE PARORA
22
Yesus ke kofa kefa teba pohake tekete pa eha hato re elere pa kaipa ni te ke teba pawe tememe.
23
Pa kaimpa Yesus keleko teme, ke ene pe kewofati me ro ropa pa lulopo jake. kaipa bai pewa kote rapa tata kewofa metea.
24
Kaipa kekelete tai pewakote lelepa kekalete, pa lepele pelente pa toto epa he, tiona nan ea.
25
Pa bawa tote raku nopo rapa ia, Yesus keka koti bapoha keke.
26
Kaimpa teba poha teka rebte Yesus lengke kai pa rora, teba poha ke tefepa tehiwae, kei keba tefa kampa teba poha teepa pa anara tefewo.
27
Pa kaipa, Yesus kelete bahake, eme fame, niwe efufuka.
28
Kaimpa Petrus kelepate pa kelepateke Tata, jateko me ing, mepeko nirerepa le nihaha para.
29
Yesus lenawe manawepe pa Petrus kerapeheta pa lekana na Yesus.
30
Peapa felete ne keetile kokeu Tata ni mebe.
31
Ko Yesus no Ke kelute no kewe pa kelente; He meba hupapung hefeng koka tuna neko pung ing hepae.
32
kaimpa te efa ta tetang feng una kongti.
33
Pa teba-teba teme tang te Ke tepa, teni pate; bamuang wo Me ing Tata Uke.
YESUS TEBA-TEBA KELE KO NE HAE
34
Teja kote ju jeng Genesaret.
35
Teba me ing Yesus tefijang, pi feng we kupa teri jeng ing.
36
Te wapate Ke pung tu ro Keke hope no telala, pa teba nawo no tela te hae.