¹ Po batete Yesus kekepali gandum lehe ba po hang ke te heke pa gandum na wu pa teta e. ² Teba Faris teka rete Yesus bapohang ke, bang tete pa, jano ing tere e te, te ni pate Yesus, Bahopa me ong tefako to.'' ³ Pa Yesus kelote teba Farisi, e fokana, po Daud jakeli po ke ka holake po teheka. ⁴ To na neko ke keti tata paike pa hao ke kan hao ing areli keka ka ka ana ing ra lakete ke, bamoa pepe teba Iman. ⁵ Pa ropo Hukum para nabi ilo pipe efo kanah pa batete teba imam tete ete tata paike ba tete ja areli tete, pe ing te te te vengka? ⁶ Ini lote e lulu, tata lupopo pake be pale mo eto wea ⁷ Pe anara tata ropoke we e hu ong tepa, anara ke pungli, peing jana pa hefe. ⁸ Ke ing bako pa Tuhan ke eti moli batete.

⁹ Po Yesus kena fo a to, ketejo lupu pu pate. ¹⁰ E kale ko bale ung no we pe koto, pa teje pa te Yesus, te jete ke ing bamu ang na, Yesus bang te te teba kele ko noha e eto, ung tata te na jiji. ¹¹ Pa ke long pate te ing, ''Eba ing ba Domba ke anara Domba memne bang tete pa keko heti I to, peing loma mejuko mebe eto nah? ¹² Penya bang tete jano pa he fe ele e. ¹³ Ka ing pa Yesus kelote keba ing a, ''No meme ka peto.'' Keba ing no ke welete pa ke lete hefe wo anara no ka ung. ¹⁴ Kaing pa teba-teba Farisi te jana pote pa pi tewa ko ke pa te pe pete, to na ne ke teka jaja tena.

Yesus Allah Ke Eti Bapo

¹⁵ Pa Yesus hu pala tete kefo pa kena poti teba keke nawo lato te keleko no ha efa ta. ¹⁶ Pa kelong fate teri no para nine wee eleko teririka. ¹⁷ Pifengwe te fute pa anara Nabi Yesaya longkoto. ¹⁸ E ka leto we, ke nike eti, bapo nini, pa pipa te nile, pa te hupa pung nini pewe roh nini nikefa hetiti nokeke pa. ¹⁹ Kewe ing pipo ra kebanglekale pa nara ke fafa kali, pa baungka ra pina keke loma-loma wera e lolo kali. ²⁰ Tang ho ing bale pe ing ke kita lulukale pa ra ing kata le uti tili, pa ing ke wung-wung kale wako te jano pa hefe kewe eteka. ²¹ Pa ito ing bati meme koto, teba papa hing, lo te jajito moto.

Pung Yesus tete ka Tata

²² Bang ing kebaung kebate he feng kehene, lutofu pa lepe, teretute yesus. Pa, yesus keleko hae peapa keba luto fu pa lepe ke ung pikele pa ke ung melihat. ²³ Teba nawo ing te eng tape pa tejeng e, kewe daud kuke? ²⁴ Peate, teba- teba farisi teri pateni, keba we tebate- tebate keka juju kale ke ing ana beelzebul pa keba rube tebate-tebate feng-feng. ²⁵ Yesus hu ke eng tepa teapa kelengte tea, peapa jeng tete pe wipate wang po-po te wowo pe teheke. Pa kota pa paa tete pewipa tewang popo te wowo pipo tela, pa teja peka. ²⁶ Pa, kebate ke kebate ung kekaju, ke teje wowo pipotela ne tete wowo, wakote, tunane jeng tete ing pe rorotu? ²⁷ Pa ana ing ni tebate-tebate feng nihajula beelzebul, wla teangku-teangku meme batekekaju? ana ing-angra, te ing me ari terojijite. ²⁸ Peanya, ana tata fengke, ni tebate-tebate feng-feng nihaju, jeng ete kotu tatake petu ete ea. ²⁹ Pe tunane keba tuho ung ke kenti keba nafeng paake pa jalelepa kele pe ing keba nafeng ke a kelele to? Peanya keba ing ja motu paa ing kefuti. ³⁰ Ba ing bame ni mepaka, mepi memami ni, paba me neja nellupa lunete nimepaka, me hehe nilelele. ³¹ Ana ing-angra, nilengkote ea neleng pa piti-piti neba lamotu pe kekufa, ana piti-piti mepamotu tata fengke kekufafa kale. ³² Pa ana ba ung ja ing piti mepa pake pimemami keba ku me keku fafale, anara baung ba me pime pe pa tata fengke tuwo pimemami me ing kekufata kale, wa bang wepa bang tututu.

Ritu ke Tefijang wa Na/To keke

³³ Ana ritu ing hefeng, to kekera hefeng, ana ritu ing feng, to kekera feng pa ritu tefijang watokeke. ³⁴ He me ing iwung leke tunane me ing meba feng piti hefeng mepepe? ke ing ana pi pangka lang v pepitu. ³⁵ Keba hefeng ja lelepa hefeng kelekentu waja kewoi kepa keba feng ja lelepa feng kelekentuwa jakewo ke ing ja feng. ³⁶ Peanya, ni lente ea piti afia-afia, teba te ete pe e le huhu le papi e lele bang pe ari keloki kile. ³⁷ Wakotu piti meme, me hefeng kele pa wa piti memera me.

Teba Farisi pa Teba Ropu Taurat No Jeng Te Wa

³⁸ Bang ung pa teba ropu Taurat fujang pa teba Farisi tenite Yesus, ''Koru, ne pung tu ja ung ka Me pe nefu.'' ³⁹ Peapa, Yesus leng pa pi kele te tea, Fe mo ung ang we ing feng pa uta mete we e waja ung na pa ja ung ra keleka koo kewe lente te, Pa ja ung-ang te Nabi Yunus. ⁴⁰ Pea ana Yunus ke hetime me bapale hujo bang hen tong pa bang hentong rapang, ana ing-angra keba ku'' kera bang hentong pa bang hentung rapang ke i ito hu fioong pe. ⁴¹ Teba- teba Niniwe tere lupa rere tepa teba mo ung-ang po ari kelo kikile pa te keng tijiji pa lete late Yunus pi hefeng kele,Pa e kaleng ke ing tete wo ke eti mele Yunus. ⁴² Po ing peba wa lope pe waleng pera telupa teba mo ung-ing bang ari kelokiki pa kete we keka fitong hupe le kela pi hefeng wa Salomo. Pa e ka leng ke ing tetewo ke eti mule ana Salomo kemule wea.

Jang Feng Wa Nebe

⁴³ Po ing feng feng wo kemenapengti keba, ke me pale jeng-jeng pa heka ko kemepa feng kei, pa kefika. ⁴⁴ Pea ke pi kele, niwe nimepuna paa nine, jeng ni hana peng re, Pa ni reju, nire paa ing be, ja tefitu pa te tupi. ⁴⁵ Pa bang ing feng feng ing keka pa keti feng napang hentong te ing feng-feng wo tekaung pa te tekeng te pa te te e ketua. Bang pe teba nepa ra tete peing feng wo wa lopana. Ana ing-angra teba mo ung-ang tera feng fata.

Yesus Lentuke Bamuang

⁴⁶ Ung-ang wea Yesus we pi kelela teba nawo, E kaleng, make pa lentuke-lentuke tara rete peng, te ena kepate pi tete. ⁴⁷ Keba keba ung kelunte ke, Ekaleng maka pa lentu-lentu meme te reti peng, te ena pi teteteMe. ⁴⁸ Peapa Yesus kelunte ba ung ke kelung pa pikele, ''Ba ing ba ani nine tera teba lentu-lentu ne nine. ⁴⁹ Pa no keluja te teangku-teangku keke pa Yesus pi kel, ''Kewe ani nine pa lentune lentune nine. ⁵⁰ Meba ing ba jano mepe wa Ai nine kemele Surg, me ing june baleng nine, lentune pe ume nine oa ani nine.