¹ Pa Yesus jano kekole teako fakekeh, pa temepute janorere jeteteh wowo.

² Poh Yohanes kekoh a papa loh kelate Kristus ke janokeloile, pa keloko teako keke teteh. ³ Pa keloko teakoh keke teje: Pa mea ne'' None te i ? nah, keba hiura ne nenote? ⁴ Yesus kelote teh, erepa elete Yohanes jah efo pa ekale, ⁵ Teba lutoh fo jatefo, bafubale lokeka, ba noeh nohae, ba wah kelefute pa teba japakafo janohefefa kel. ⁶ Meba mepopa niwe mebe tako kode,'' ⁷ Pa Yohanes teakofake i teteh, Pa Yesus ke Yohanes dikewe hoho kelena tebapa; '' mepe naneko makome jepe? ta fo fekeloile pea me fofope? ⁸ Pa jatoko memakome? baro poa mefofope? ba ropoka heatoi temete jeteteh ⁹ Jatoko erereleh? bapo efofole? bamua nilote me, kei keba tete etikole. ¹⁰ Pa keipotetekote, niloko keba ninei keka toti loma meme ketepipi. ¹¹ Niloko mepopoh: bamua pa baura hanara teume tetaha awei ku anara Yohanes Pembaptis, leika. ¹² Pawa Yohanes Pembaptis keto pa wakoto vawe, pa jetete etekote i tekehipoote pajei kewe tupapale. ¹³ Pa tebapo pa hoho ropo teniko kotea wakote Yohanes. ¹⁴ Peanya e pulepe hanara Elia totolewe. ¹⁵ Meba lopa upa lo mepapa! ¹⁶ Teba mo wea kinilolo hanara jah? tei hanara teako mete jejajeta pa hitewana teba hela teteh, ¹⁷ Honepenete pa ne eloka, pa ne jaramena teba bijalate pa te pipate neteka. ¹⁸ Pa Yohanes ketoh kejakekaka, para kekuka pa teni kei kebate heti kole. ¹⁹ Paba keba koi ketojatoh pa pata keku, pa te pitete ekale kewei keba fe pa nole, pa tata janokewe kele hete.''

Yesus Keti Bame Tutuh

²⁰ Bau Yesus kekana bame tutuh ke tefijaka, kefo janopa hete nawo kelemote. ²¹ Mepemapafime Khorazim! mepemapafine Betsaida! Pa hanara tirus pa Sidon teja kenaluko terimoto pa teheto lakete. ²² Pa menile, Poh bapei, Tirus pa Sidon teh leleka bofa pa eweh. ²³ Pa me Kapernaum, mei teke eti memomo peta pena? Me tekeheto memehju tebabi jeteh! pa hanara Sodom ja hefe lewaeto panahoe e''eh, pajei kekoniako teuawe. ²⁴ Pa menile bape pei jeti Sodom tei befafate. pa tene wenunute.

Nene Lala Janohefe

²⁵ Poh iYesus kelekote nileko me ai Tuhan peta pa, fito jalelepai mepe peti mote teba jari pa napumepe teba hapa kofa. ²⁶ Ya ai, kei me kefolath. ²⁷ Ja lelepai kekelefata teh ni wa ai nine pa baura niwe kefolalakale, Ai nine upa pa baura Ai nine kefolakale ki oke pa teao jano hefe tetemete. ²⁸ Emelo la ni, pa jah rere mote i nimu fafaleh pa jana hefe ni welele le ²⁹ Jano niwelei pemumu pa ja ninaluwe mepakoko mepakoko pa mehepo memo pa jana mepe. ³⁰ Jano niwelekoi hefe pa rerei befa.