pasal 10
Yesus Hampa 12 Yesus Keleng Ko Tete
1
Teba hampa Yesus lengko teteke pa pung nafeng kekeleng tea ko tebate feng-feng tetuju pa toto ko ing tejo fata pa teba ekung.
2
Kewe teba ti lopana teba hampa 12 Rasul ke: Simon ke teni eti Petrus pa Andreas joke ke, Yakobus Zebedeus oke pa Yohanes kejoke.
3
Filipus pa Bartolomeus, Tomas pa Matius ja henglo le ile, Yakobus Alfeus oke, pa Tadeus,
4
Simon keba Zelot pa Yudas Iskariot ke kakate.
5
Teba Hampa 12 Yesus Kelufe Teba hampa bapohangke Yesus kelufe pa keleng tea ''Penya ewe e pepeka lengma tete teba pa hing pera ana ekengre kota kota teba Samaria,
6
Ana ing angra ehana jaku-jaku telente te ing Bapa Israel.
7
Erere pa leleng wefafa jeng ete kotu Surga pe te tu.
8
Te ne e eleko hae, teba bing eleko telajeng, teba kusta eleko ne nape tafa, Tebate-tebate ehaju. Jawe ing pera ewe we afia pa ewe, era welengra Afia pa e welengleng.
9
Ana jang ing emas na perak pa tembaga mepe pe kotu ongpu pera mepepeka.
10
Ana ing angra hangja lengmara mama maraka, Ana ing angra ro hitungtungna, langhepa wala ari, pe ing keba jano leile kejakewewele.
11
Anara ekeng kota pa bame, keba unge juju ing-ang pa ele e ing-ang wakutu bang ehaha.
12
Anara ekeng tebapate tabengja eleletea.
13
Peing anara e tere huhufa, tabengja ee tera tewe, ana e tereka, tabengja ee pera mona ewo.
14
Pa peing ana teba e tareka, pa pi ele ele teriri ongte, eme kangkre pa ing pakota patu pemotu tangee efufafate.
15
Niwa lengkotu ea; bamuangwo bang ing-ang ari kelokikile hangtu Sodom pa Gomora peing bengfatafa anara petu tuko ana kota ing-ang.
Ja E Peta Kukutu Pewako Tete Te Pa E a Mena Kewo Yesus
16
'' Ekaleng, niwe ea nilefe erere ana jakunya enilehe nake hampeng lang hoe, peanya ne eleko ana ii pa pung ee ing eceko ana tampeng.
17
Ea eeng nafeng kukuteba nawo; teka ung teba ing-ang e tereko terenini teba huhu ropu fo ete agama te e teretute ong tehehe paa lupong-pong.
18
Pa tehe ke, ewe tetu japa ehapa teba rube-rube pa raja-raja e ing ana ja tewofu lui tete pa teteba tata(Allah) tefijangka.
19
Anara ewe tere tute hupalang ee rowowoka, janoha lewang-wang wakote ja eleng-leng le pe kewo lehe bang ing-ang.
20
Ja ing era luka piti era lala kale, Feng Ainene kewo
pilei neniee.
21
Baung ana joke kekeleng tejako kewa, ana ing-ang ra ai kebatuho kele okewo. Pa teangku-teangku tera teba huhu tetupaji kora tebing.
22
Pa era te enahi bapa tupa we keing elu keing bati nine; anara epaneba nene pekotu wakote bangpe epane hefeng newewete.
23
Pe ing ana ewe tetu japa jalelepa tete ete kota ing-ang aling, ehana kota hing rere; pewe nilengna wea kotu ea; bamuangwo ewe leng eha kapa kota-kota motu israel kokotafa, keba ku teju.
24
Teangkuwe kebatuho ung ke leleka fata, ne kewe ete ana koru keke
25
Pawo teangku keba tuho ung keleko kera ana koru keke pa kebaung ke ing bapo kera keleko aha ana keba rubekeke. Ana kebarube paba titelaete Beelzebul, ana ing-angra paitupa.''
Tata Evuee Teba Evuvuka
26
Peanya e fufuka anara tei tea, pe ing ja ung ra wengkoka/tepoka pabete jejaka paja ungra tewerengka pera teririka.
27
Ja ing nileng kotu teme ilofu lupang pemengna ing-ang te ilofu fefe; pa jaung mapenghe le meme, mapengfa wa paho.
28
Pa peanya e fufuka tehi tea ana netete teta kikite, ana ing-angra hefeng tete meme raka lengtu meta kuku pe; lupana mefufu kea hefeng tetewo lentu panero keta kuku kelo kengti rapai.
29
Peraka tang jaja tetute jata tete tang hingtung taimbe ha aling? Ana tang ing alingna alingra wa ing-ang tu fitong wera kohetete raka fata peing wa aimeme.
30
Pa era ta motu rube meme peing ke kaki fata.
31
Peanya e fufuka, ewe ne ee pe ete kotu ana tangjaja nawo.''
Yesus Keteji Teba Ho
32
Epanebawe neru tata ke teke tute teba pato.
33
Kera me kealolu ai keke mele surga. Ana eba ing ba ke mealopo teeba paho, Nira me nialolulu ai nine mele surga.
Yesus Hehe Kewe Kate Pe Tunane Telala Yesus
34
E engra, nilewe pepe niwale fitong; nilewe pepe niwaleka, pa anabe niwale.
35
Pa nilewe ing teba nihekekeleketena reke, peangku peume tena mape pepe, lape peume tena lape baufa.
36
Pa teba peho fe ing teba pai tupa pepe.
37
Meba ing ba jano hefeng mepe ai tena ani pa makiwo mepeni, me ni pung leka; paba ingba jano hefeng mepe ku baleng paku ume maki wopate ni me pungleka.
38
Meba ingba me salib mepeka pa ni mapeka mera nipungleka.
39
Meba ingba melentung meme memape kotu, pa lentung meme lenti, pa meba ingba lentung lenti koleni, meja mepepepe.
Teba Hitu Lutufu Keleko Lutoa
40
Meba ingba keba ing mebe mera pa niba mebe pa meba ingbe niwe mebe mera keba nikekentu mebe.
41
Meba ingba kebe ung mebe ana ke nabi mera jana ana nabi, pa meba ingba keba ung mebe keba bamuang, ke jana kewewele keba bamuang.
42
Pa meba ingba pa lelang tafa jatupa mebe pengna keba hapa wea, ke ing keangku nine, nilenteme; bamuangwo ke jana kekelenteka,''