¹ Poing anara, Yesus kekana Heng Zaitun. ² Fetangpa-fetangpawo, Ke kana Allah Paake pa teba nawo te tepae-Ke. Kewe ketakung pa ja kenalung i tea. ³ Pea,teba-teba Taurat fojang pa teba Farisi tew peume ung tewe tute pewe tew uta petu, pa pe tewefo pero hou-hou, ⁴ tewe tenipate Yesus, ''Koru, weing pe newe no peuta petu. ⁵ Hukum Taurat Musa penu newe ko peumewe wungpa newe napa tang-tang. Japung-Meme lekole jawe? ⁶ Tewe ninaing-ang pate e ko Yesus teketupa ahate e ung tewe pi hope tewe-wete ung Ke tekariri. Peing anara, Yesus kepaheti eng e pa japo Kele hangto. ⁷ Kaimpa tewe Ke tejeng- tejeng peleng wae, Yesus kekaleng pa kelengte tea, ''Meba me neleng mepeka ebafaing mea meba aling lopana wung mepopo peume wea.'' ⁸ Pea, Yesus kera paheti pa japo kele hangto. ⁹ Kaimpa tewe teri jaing, tewe tejapa o ofa, teme wa teba huhu, pa Yesus kewofa kelei, tena peume pewofa pero langhou-hou. ¹⁰ Poing, Yesus keru pa keleng pate ing, ''He meume, tewe jana nete? Tebawe me jaungra teteka me tejaka pi terika? ¹¹ Peume ing penute, ''Teteka, Tata.'' Yesus lengte, Nira jaung nilelekale. Mema, ung-ang pa, neleng me pepeka.'' (Yesus Fitong Fefe) ¹² Kaima, Yesus keleng pate teba nawo ing, Pi-Kele, ''Niwe fitong fefe. Anara baing mepe Ni lopangfu leng memama kape, anara me fefe batoto mepepe pe.'' ¹³ Kaimpa, teba-teba Farisi tenipate e Yesus, ''Me mehemepe ne-Memewo, pea ja-Mepe mepe bamuangraka.'' ¹⁴ Yesus keleng pate tewe, Pi-Kelei, ''Peing anara Niwe pi nile ele ne-Ninewo ja-Ni pi le ele peing bamuang peanya Nile nihanele Nihana nererele,ewe leka Niha nele pa Nihana nererele. ¹⁵ Ewe ja eluele peing nero kangpe, anara Niwe baungra pi niluka. ¹⁶ Poing,anara Niwe kebaung pi Nilu, piniluing peing bamuang Niwofa baung piniluka peing ana Ai nelupa kea Niwe kekelengte. ¹⁷ Peapa, Ropo Taurat meme ifu pepo tukotu ana tefo teba hingtung teing bamuang. ¹⁸ Ni mele ne- Ninewo pa Ai kea Niwe kekelengte kemele Ni.'' ¹⁹ Pea, tewe tejeng pate-Ke, ''Ai-Meme kene?'' Yesus lengte, ''Ewe Ni efulangka anaing-angra Ai-Nine, ana ewe Ni efulang, anaing-angra ewe Ai-Ninera efulang.'' ²⁰ Piti weing Yesus keleng patei watupa perbendaharaan poing Ke jakenalung i Allah Paake, tebaungra Ke tekeka anara bang-Keke pete heka. (Yesus Pi kelei Ai neke) ²¹ Pea,Yesus kera lengte tewe, ''Niwe ewe nilejangte ele e pa ewera Niwe ejujule, peanya ewe ewung-wungle ehere mele neleng e e. Ni hana nenele, ewe elele kale.'' ²² Kaimpa, teba-teba Yahudi ing tenipate, ''Jaungka Ke pungle ne ketakukule peanya Ke leng ile, Ni hana nenele ewe elele kale'.'' ²³ Pea anara, Yesus lengpate tewe, ''Ewe pengri e e wa kong te peapa Niwe pengri wa ho. Ewe pengri e e wa fitong wea. ²⁴ Peana ing, Niwe lengte te ewe pea ewe wung-wungle ehere mele neleng e e peanya ana ewe Ni pung koka, ewe wung-wungle emele neleng-neleng e e.'' ²⁵ Pea, tewe teni pate-Ke, ''Mewe Meba?'' Yesus lengpate tewe, ''Niwe ewe ing nileng wa lopana ²⁶ Kawe ja nawo fata ewe tewe motu ewe Ni leng-leng pa pi nilele peanya Ni kekelengte peing bamuang pa ja ²⁷ Ni wele wa Kea, pea Niwe leng hete fitong.'' Tewe terika ana Yesus kepikele ile tewe pete hekotu Ai. ²⁸ Pewe tuna wea, Yesus lengpate, ''Anara ewe Keba Ko ekena hoeti, poing-ang ewe ele fatata Ni weing Kea pa jalele pafu jano Ni le e pewa ne-Nine woweka, anaig-angra Ni lengtete jaha Aike nalung motu-Ni. ²⁹ Pa, Kea Niwe kekelengte ana kepa Ni nelepa-lepa Ke Niwe kekeliti niwofaka Niwe jano nile ja lelepa- lelepa nile e peing Ke pungtuwo.'' ³⁰ Kaimpa Yesus lelepafu keleng fata, teba nawo tepungtu-Ke. (Teangku-teangku Abraham pa Teangku-teangku Kebate) ³¹ Kaimpa, Yesus lengpatei teba-teba Yahudi tew pungtumo-Ke, Ana ewe lakole hoho i-Nine, ewe bamuang-bamuang eangku- eangku-Nine, ³² pa ewe bamuang, pa bamuang ing ewe pewo fafatu.'' ³³ Tewe tenipate, ''Newe neing bale Abraham pa newe baungra bapo neteka fata.pewe tunane Mewe pengmepe, 'Ewe niho fafale.''' ³⁴ Yesus lengte tewe ''Bamuang ing Niwe leng-leng ewe, eba tuho neleng mepe meing neleng bape. ³⁵ Kebaung bapo kelei teba paaite kelei jo fatata kale, anara kebaung keangku kele jo i ile. ³⁶ Pea, anara Ko ing ewe kekofa, ewe bamuang- bamuang kekofa fata. ³⁷ Niwe nilu ewe ing bale Abraham, peanya ewe epungtu-Ni ekako niwung-wung peing ana ja-Ni nalung jeng ung ifu e e peweka. ³⁸ Niwe lengpate jaing-jaing peweing Ni wefo ana Ai nelupa, pera ew jano ele ja-jaing pe ele wa ai e e.'' ³⁹ Tewe tenipate pa pi tete e-Ke, ''Abraham ke ai nene.'' Yesus lengpatei, ''Anara ewe Abraham baleke, ewe jano elele le pera ana Abraham kejano kele. ⁴⁰ Peing anara, ewe e enako Niwe ekako niwung, teba tenite ewe pe bamuang,Nirale ele wa Allah. Abraham kejaing jano keleka. ⁴¹ Pea, ewe jaing jano ele pea ai e e tewo jano tere.'' Tewe tenipate-Ke, ''Newe tetanghaa uta teteka. Newe Ai aling nekekote, kewofa Allah.'' ⁴² Yesus lengpate tewe, ''Ana Allah keing Ai e e, ewera Niwera jano ele peanya Nira nile pa nile we niraha Allah. Pa, Ni lewe pung ninewo leko Ni leka, pewa Kea Niwe kekelengte. ⁴³ Jaungka tukotu ewe hu ewete paka ja Ni pile ele? Kaing peanya ewe hoho Ni le ele eluka. ⁴⁴ Ewe pengri e e wa ai e e, teing bate pa ewe pungtu jano elele ana ai e e tepungtu- tepungtu motu. Ke teba keji ile pewa tofa pa teja tewekotu bamuang peraka ne tete wora bamuang neifu peraka. Pea ke leng-lengle ong, ke leng-lengle wane kekewo anara keing ong pa ai kera ong. ⁴⁵ Pea anara, Niwe pi nile elewe bamuang, te ewe, ewe-Ni epungtu elala kale. ⁴⁶ Ebawe wa eba fawe meung kapeng Niwe neleng? Ana Niwe bamuang nileng-leng, tunaneko ewe ni pungtu elaka? ⁴⁷ Keba ing keka pengri Allah, ke hoho Allah ke lulule; kaing peanya ewe elulura kale peing ewe eha pengri Allah kekeka. (Yesus pi kele tehe Ne-Keke pa Abraham) ⁴⁸ Teba-teba Yahudi tenipate Yesus pa pi tete e-Ke, ''Bamuang newera netengka pea Me ing meba Samaria pa Me feng-feng hemele.'' ⁴⁹ Yesus lengte, ''Ni feng-feng heti meka, peanya Niwe Ni pamele Ai-Nine anara ewe Niwera epaka. ⁵⁰ Pea anara, Niwe nijuko jeng etekotu ko ne-Nine woka; kaing ke Aling pe kejuile pa pi hope kelulule. ⁵¹ Ana bamuang Ni leng-leng ewe, eba tuho mepa hoho-Nine, me tebing ete me fofo kape.'' ⁵² Teba-teba Yahudi ing tenipate te e Yesus, ''Ung-angwe newe nere Mewe feng-feng hetimele! Pea, Abraham pa tebafa nabi tera tebing. Pea, Me pengkotu, epaneba tuho hoho-Nine mepeta, me ana tebing ete petutu katu ne meme.' ⁵³ Peapa Mewe bapalewo anateke Abraham koheti, ai nene, kewa. Tebafa nabi tera tebing; ena ba Mewe aha mepe-mepe ne-Meme. ⁵⁴ Yesus lengpate, ''Ana Niwe ne-Ninewo niwe ete, nenine Ni we ete pe jaungra pewenunu katu; Ai-Nine kea Ni keke eti, peana-Ke piefie ewe leng e, 'Kea keing Allah nene.''' ⁵⁵ Pea, ewe Ke efulangka, ana Niwe Ke nifulang; pea Ni leng tete ana Niwe Ke nifulangka, Niwe ana niba ong he ele,aha ana ewe, anara Ni Ke nifulang pa Nila hoho Keke. ⁵⁶ Aimeme, Abraham, kekalengte kefonya bang Keke kewena kapai. Ke kengte kefo pa kewenakai.'' ⁵⁷ Pea, teba-teba Yahudi ing tenipate-Ke, ''Aha-Meme pewe felangro 50ra heka, anara mewe Abraham kewe mefu ⁵⁸ Yesuslengpate tewe, ''Bamuangwo Niwe leng- lengle ewe, Abraham ketekapa, Niwe nile.'' ⁵⁹ Anate ing, tewe wung tereko teroro Ke, peapa Yesus ne keweleng pa Allah Paake kewe lite.