¹ Wakote ing, Yesus kelepa Galilea, peapa paing Tiberias. ² Teba nawo tela Kea tewe jaja tefo jano Kele teba-teba ne e. ³ Peanara, Yesus ke eti hengra pa ketakung kefua kepa teangku-teangku-Keke. ⁴ Poteing,Paskah bang teba tete watu. ⁵ Ana tekareng wepi-Ke tutu pa teba tefe teba nawo tete e-Ke, Yesus lengte Filipus, ''Kewenera epene hang ong jata netete ko teba-teba ing ja tetangtang.'' ⁶ Yesus lengte ana jaing Filipuskekafu ana kewofa ja Kele kelu jaing ja Ke jano kele. ⁷ Filipus lengte, ''Hang ong taimbe pepe 200 dinar peing pana kote tewe,peteing tewowofa- tewowofa terere teing ri jatale lefa.'' ⁸ Kebaung teangku-Keke, keing Adreas, Simon Petrus joke, kelengte Yesus, ⁹ ''Kewe keangku ung hang ong keke napang pa me hingtung, anara jaing jatira waka ko teba nawo nowe.'' ¹⁰ Yesus lengte, ''Elengko teba nawoing tetajung.'' Jeng ing ja nawo, pea teba-teba ing tetajung aha-aha tete tebaleng- tebaleng nawo lima ribu nawo pepe. ¹¹ Kaimpa, Yesus hang ong ing kele pa kewa ete, Ke hang ong-hang ong ing kekole teba tetajung meing; anaing-angra kele me-me ing nawo tepungtu. ¹² Kaimpa teba nawo ing tehulang, Yesus lengte teangku-teangku-Keke, ''Me ele ri-ri jong pepe tejang teteka.'' ¹³ Anara ing, teangkufa keke jaing teleko pa teheko na hampa jong-jong pepe wa haong napang petere imo jeng teme ja tetangko kafate. ¹⁴ Peanya teba-teba ing tekarengte ja ana janolopa Yesus kele, tewe nipate, ''Kewe ana bamuang Nabi ana tenikotu fitongwe.'' ¹⁵ Peana teba nawo teri papitewa tete te pa tefaja Ke teke eti Bari kememe tewe, Yesus kepena heng futi kebatuho wofa. (Yesus Leng kekai Para) ¹⁶ Poteing bang pite lopang e, teangkufa keke terape hete tete pato ¹⁷ pa tete te e tang, tewe tete telena pato tejana tete te Kapernaum. Bang ing pite lopang, peapa Yesus kera kete tera kefila. ¹⁸ Pato ing takui feng nafengwo etekai. ¹⁹ Kaimpa, poing tewe tang ing na tejoe tete hambang aha ana 25 te 30 stadia, tewe karengte Yesus lengkai patora pa kekana tang tuti tewe tefe. ²⁰ Pea Yesus lengte tewe, ''Kewe Niang, e fufuka!" ²¹ Petehe keing, tewe pungtu Kewe teke eti hehe tangto pa peana telenghote tejakote teju tete te. (Teba Nawo Yesus Teju ete) ²² Wana febang, teba nawo teka tere pato kangfu tekarengte keing tang hing ungka keing fe eka,peig ana tang alingfa teangku-teangku teheme to. Pea, Yesus kelaka kehe tang to kepa telepa teangkufa-Keke tewe tera wofa teja. ²³ Tang hing-hing te tee tekaja Tiberias tete watupa jeng teba-teba ing hang ong tetangtang, peanya Tata kewako te ete. ²⁴ Kaimpa teba nawo ketefi Yesus pa teangkufa- Keke keing tewe temeka, tewe tee tang-tang ing pa tejana Kapernaum ko Yesus tejuju. Yesus keing (Hang ong Batoto) ²⁵ Wakote teba nawoing tetefi Yesus patokangfu, tewe tejengte-Ke, ''Rabi, rane Mepe Kewea.'' ²⁶ Yesus lengte tewe pa pikele, ''Bamuangwo, Niwe lengte te ewe, ewe Niwe ejuele ewe janolopa janolopa efo, keing anara ewe hang ong ewe eangko hulang. ²⁷ Jano eleko ja eang-angle jano eleleka jajong ing ewe petakukutu, peanara jajong ing eangko eme batoto meme, peing Keba Ko pekea weleng-leng ewe pewa Keba Ko ing-ang, Ai, keing Allah,kea welengte fatate-Ke.'' ²⁸ Ana, teba nawo ing tejengte Yesus, ''Jawe jaha newe netete ung janoing jano Allah kepungle.'' ²⁹ Yesus lengte pa pikelete tea, ''Kewe jano Allah kepungle; Ke wofa nekekoko kea Allah kelengte.'' ³⁰ Tewe tejengte-Ke, ''Noing-angpa, jalopaha ungka Me peko nefofo panelala-Me? Janoha ungka Me jano mepe? ³¹ Jobe nene mana tetang tahou eteing, anara po petukotu, 'Ke te hang ong keleleng wa surga ko tetang.''' ³² Yesus lengte tewe, ''Bamuang ing,Nileng tete ewe, keing anara Musa ewe keweleng hang ong wa surga, peing Ai-Nine kea hang ong etafa wa surga. ³³ Pea, Hang ong wa Allah peana Kea kerape surga pa efeng keweleng tehe fitong.'' ³⁴ Tewe tenite Kewe, ''Tata, newera hang ong ingraka mepepeng.'' ³⁵ Yesus pikelete tewe, ''Niwe hang ong batoto; ba memana-Niwe mepe me hukiki rakawo, pa ba mepakope-Ni me ketira upepe katu. ³⁶ Anaing-angra, Ni lengtekotu ewe Ni kara efu, ewe pung e e mota momo. ³⁷ Lele pafu Ai leleng fatate-Ni pera tete-Ni pa peana tetetu pera tete-Ni pera Ni hajuju kale. ³⁸ Pea, Ni rape surga hele pung leko jano-Ninewo nileka, pekotu Kea Niwe kekelengte. ³⁹ Pa, keweing pekotu Kea Ni kekelengte: ung lele pafu-Ke leleng-Ni ungpe lengte teka, pe-Ni lefata ete u ang fata po bangpe. ⁴⁰ Pea, kewe Ai-Ninkepungle, epa nebawe Kowe nefu pa nela-Ke mejeng batoto mepepe pe, pa Ke newe keleko nelefu tete bangpe.'' ⁴¹ Wanate ing, teba Yahudi narang-rang ung ulepa tete e Kea anara Ke leng i, ''Niwe hang ong wa surga hete.'' ⁴² Tewe nipate,''Ke weing Yesus kana Yusuf oke, ai pa anni keke nefetang. Tunako Ke piti kelakotu, 'Niwe rape surga hele,''' ⁴³ Yesus lengte tewe pa pikele,''Ulepa eleleka ewo-wo. ⁴⁴ Ewe baungra-Ni me pepe kape, peana Aike Ni kekelengtu Nia ewenihalo ale, pa Nia ewe nileko elefule po bangpe. ⁴⁵ Pe potukotu ropo teba nabi. 'Pa, newe nalungpawo Allahke neja kenalung.' Epaneba tuho mepe pa jaing mepe wa Ai memana-Ke memepe. ⁴⁶ Ja ing peana bame Aika mefuna, peing Kea keka Allah kete; Kewo keing Ai kefu. ⁴⁷ Ni lengtete ewe, 'Bamuangwo, neba tuho punglepa mepa memu batoto memepe.' ⁴⁸ Niwe hang ong batoto. ⁴⁹ Jobe mememana tetang ta houbelantara tewe tebing. ⁵⁰ Kew hang ong wa surga hete, ung epaneba mema pa mewung-wung kape. ⁵¹ Niwe hang ong batoto wa surga hete. Ana ba hang ongwe mema, meme batoto memepe; pa Hang ong Ni welengte fitongwe pe we ne-Ninewo.'' ⁵² Teba-teba Yahudi tewowo pipo telae keung lengte keung, tewe tenie, ''Tunanekotu Keba weing ne-Ke weleng tetang-tang?'' ⁵³ Yesus lengte tewe, ''Niwe lengte ewe, bamuangwo ana ewe ne Keba Ko eangka pa hi-Keke ehungka, ewe eme batoto pewe ne i e e ewewe kale. ⁵⁴ Meba tuho na-Keke mema pa hi-Keke memu meme batoto memepe, pa Ni leko elefufa talele po bangpe. ⁵⁵ Pea, na-Ninewe jajong ewo pa hi-Ninewe paewo. ⁵⁶ Ba na-Nine we mema pa hi-Nine memu memupe Ni pa Ni here mele me. ⁵⁷ Peana Aike batoto Niwe kea kelengte pa Ni wera batoto kotu Ai, peanara mera Ke mema, enake eme batoto pekotu Ke. ⁵⁸ Kewe ing hang ong wa surga hete, hang ong weing jobe meme tetangka pa tebing, meba hang ongwe mema memena ing-ang memepe.'' ⁵⁹ Yesus lelepa weing keleng fata Kapernaum poing Ke ja kenalung i sinagoge. (Teba Telake Yesus ke tekeriti) ⁶⁰ Kaimpa teangku-teangku nawo teri jaing, tenipate, ''Jalengma weing penafengwo. Ba meba mepepe pe.'' ⁶¹ Anara terari tebafa lake-Ke tera ulepa tete jaing, Yesus lengte tea, ''Jaha ungka Ni piti nine nilengte ewe ewka. ⁶² Anara noing, tunane ewe efofole Keba Ko kera mepena jeng pengri-Keke. ⁶³ Pungwe kekeleng ni mele, peapa nawe pe jaungra pewe nuka fata. Piti-piti Ni laele ewe peing pung pa batoto. ⁶⁴ Pea anara, keing ewe eba narang-rang elaka.'' Peing, wa tofu, Yesus kele meba mepung tuka pa meba me Ke mena mimipe. ⁶⁵ Yesus lengte, ''Kaing peanya Ni leng-leng ewe ebawe baungra-Niwe elele kale, jaing pekotuke pewa Aikewo .'' ⁶⁶ Pea pote ing, teba nawo tela-Ke ne tete temena fangte pa Ke telaka. ⁶⁷ Pewana ing, Yesus kelengte teba hampa teangku-Keke, ''Jaleha kotu ewera pungtu erere?'' ⁶⁸ Simon Petrus lengte Kea, ''Tata, keing keba newe nene ne. Me ang piti neme batoto mebekole. ⁶⁹ Newe pungtu pa Mewe nefutang, pea Mewofa ing To ka Allah.'' ⁷⁰ Yesus kelengte tewe, ''Anara Niwo weka ewe nilena,eba hampa wea? Peteing ana, ewe ba aling ung keing bate.'' ⁷¹ Pe Ke hueng kotu keingYudas, Simon Iskariot, pea Yudas keing keba aling keka tebafa hampa ing-ang peanya kea Yesus kenaki.