¹ Wakote lelepa ing, teba Yahudi bang tete pa Yesus keti eti Yerusalem. ² Yerusalem we, watupa Tilong Gerbang Domba pai aling mele pilang Ibrani teni ete Betesda, ing serambi pepe napang. ³ Serambi-serambi ing, Keing teba nawo ne e tepete e; teba lutofo, teba lengpe, teba fubangtu (tejeng teme pai ing lete. ⁴ Pea ana poing-poing pera kotu, peba fangpa Tatake perape hete pai ing pa paing pewelete. Keba lopanawo keti kengti paing ana keletempa, keing nehae wa toto hafa kewe kapa fi i). ⁵ Keweing, kebaung ne jawawo felangro jo 38. ⁶ Poteing Yesus kebaing kei ing kefu pa kele kebaing kejotafa totoing kekapa fi i, Yesus kengte ke, Meka pungle me ne hae e?'' ⁷ Keba ne eing keleng, ''Meba rube,niwe tebaka niteke faheti pai po pale tetele, anara penile e tebahing terape tohete pea ni.'' ⁸ Yesus lengte ke, ''Memaleng. Jeng meme luweng mepe pa mema.'' ⁹ Poing angra, kebaing hae, ke lukeweng ile kewe pa keme. Poing, bang ing tehe Minggu bang ¹⁰ Petehe ing, teba-teba Yahudi tenipate keba keleko hae ing, ''Bang we Minggu bang, meme lumeweng mepe mepepeka, ¹¹ Ana ing-angra, ke lengte, ''Keba niwe keleko hae, Kea niwe keleng, 'Jeng meme luweng mepe mepe pa mema.''' ¹² Tewra tejengte ke, ''Kebaing ba kelengte me, 'Jeng meme luwengmepe mepe pa leng mema'. 13Pea keba keleko nehae ing keleka Keing ba peanya Yesus kekapa hei teba nawo tete e jeng ing. ¹⁴ Kafate ing, Yesus ketifi keba ing Tata Paike pa kelengteke, ''Lekapate, mewe nehae. Neleng fangfang mepepeka ung ja fangfang feng me mepepeka.'' ¹⁵ Kebaing keka pa hoho kele teba-teba Yahudi Yesus kea keleko ke ne hae. ¹⁶ Petehe ing, teba-teba Yahudi Yesuswe ketetupa jano fengfeng tete e lelepa Kelei ing Sabat bang. ¹⁷ Ana ing-angra, Yesus lengte tea, ''Ai-Nine kejano kelefaile wakote ung-angwe, peanya Nira jano nilefaele.'' ¹⁸ Pina ing petute teba-teba Yahudi teena pongfeng ko Yesus tejajate, pefaka Yesus Sabat bang ujangre kele, petewala keleng Tata keing Ai-Kekewo,peing ana aha kelepate ne-Kekewo tena Tata. (Tata Pungke kole Yesus) ¹⁹ Kaimpa, Yesus lengte tewe, pi-Kele, ''Bamuangwo, bamuangwo, Niwe lengtete ewe, Kowe kerawo jano ung keleko ne-Kekewo, ana Ke Ai janoke kefoka; peanya janoha Ai kejano kele jano ing-angra ni Kowe peara janonile. ²⁰ Pea, Ai Kowe nokele pa jakenalung te Ko kekewo Ke janole, pa Ai kera jakenalung-Ke jano-jano bapale tafa ung ewera e engko tete. ²¹ Pea, peing anara Ai kelepa telefupate teja teba bing ete pa nokele temena ing-ang meme, anaing-angra Kowe kera nokele teba Ke pungle. ²² Ai kera tebara ari kelokiki kale lelepaing keleleng fatate Ko keke, ²³ Peanya epa neba nawo Kowe epa nepapa peta anara Ai kewora epa nepapa.Nebawe Kowe epa nepaka, Aira epa nepaka kea Kewe kekelengte. ²⁴ Bamangwo Ni lengte kotu ewe, baing mepiti-Ninewe mepe pa pung kole Kea Niwe kekelengte meme batoto, pa me mekeng meme kapepo ari kelokiki kale mewe mepe teba bing ete jeng batoto. ²⁵ Bamuangwo Niwe lengtete ewe, bang pepe pete pa ung-angwe pete, peapa teba-teba bing le telate pina Tata Oke pa tewe pina ing teri teme batoto. ²⁶ Anara petunawe Ai pung keke kekole ne-Kekewo, anaing-angra Ke kelengti kole Oke tekotu ne-Kekewo, ²⁷ pa Ai makeke kekeleng Oke ko jano lengwawa po ari kelo kikile petehe Kewe keing Keba Ko. ²⁸ E eng tapepeka tehe jawe bang pepe tetetu teba nawo te ete fulu tewe pina Keke teririte ²⁹ pa tewe tekengtete te, peana jano hehefa tete tewe tejana jeng telefu pate ete pe batoto. Anara tewe jano feng tete, tejana jeng tele fupate aripe kelo kikile. ³⁰ Niwe jale ungra nileleka wane-Ninewo. Niwe ari nilohihile pera le nila pa ari-Ninewe efeng Niwe jaungra nijuka-Nine ninewo, petehe kotu Kea Niwe kekelengte.'' (Tetute tefo Yesus Kete keka wa Ai Tata) ³¹ ''Ana Niwe aha nila kote ne-Ninewo, aha-Nine we bamuangraka. ³² Anaing-angra, tekaung tera aha tete Niwe, pa Niwe le ja aha tete Keing te Niwe peing bamuangwo. ³³ Ewe Yohanis ekeleng keka pa ja kefo peing ja bamuang. ³⁴ Anaing-angra, ja kefo ingpe Niwe pewa neba teka. Ni lengtete jaweing ung ewe jeng efeng ewewe. ³⁵ Yohanis keing anara ra eha pa fefe keja, pa ewe pungtu ewena kakale poing ekengre i fefe keke. ³⁶ Anaing-angra, jakefo kotu Niwe peing bapale pate jakotu Yohaniske. Ana, jano-jano Ai weleng kotu Ni pe Ni lekorakaka, peing jano-jano peka ung-ang jano Ni leele, janowe kewelengte pekefo petehe kotu Niwe peing Ai kea Niwe kekelengte. ³⁷ Pa, Ai kewo kea Ni kekelengte ja motu Niwe kefo. Anaing-angra, ewe pina Ke kera eleka anaing-angra nepara-Ke kera efuka. ³⁸ Pa, pina-Ke kera pung nene hete moka epanewe pung nene Ke nekeka Kea Kewe kekelengte. ³⁹ Ewe Ropo Towe efolang peana ewe huengte Ropo To ipepe emeta meme eme batoto; pa Ropo To ing pera penute kotu ja pefote kotu Niwe, ⁴⁰ Kaimpa ewe Ni elele kale ung ewera eme batoto. ⁴¹ Niwe ja efeng wa ebawe niweka. ⁴² Pea, Niwe ewe nifelang, ana ewe jaefeng ele Tata raka kotu ne nene. ⁴³ Ni lewe nihala Ai-Nine batike,peanya ewe Niwe ekeka. ana teba hingte tejala bati tetewo, ewe te elele le. ⁴⁴ Tunakotu ewe elala pung tete, peing ewe ke eke pieleng kebaing pate kebaung pa newe nejuka pineteng wa Tata Kewofa. ⁴⁵ Hu ewe teteka Niwe ewe nile pepekale Ai ho; newe nekele pepele keing Musa, keing epa newe kefa nene nete. ⁴⁶ Pea, ana epane pung motu Musa, pe bamuang epane pung momo-Ke peana Musa kera japo kele motu Niang. ⁴⁷ Anaing-angra, ewera jaja Musa kepole motu ewe pungtuka, tunaung ewe piti-Nine elalale.''