¹ Kawe kebaung kebaleng-kebaleng kewe kene e,bati keke Lazarus keba Betania, bameing Maria pa jangpe, marta ² Maria wea peume pea minyak pejo tang e Yesuske minyak ing nupa efengwo pa tang e Keke pejola ta pepe, jote baleng-baleng Lazarus ke ne e. ³ Anate ing, janghake hingtungpi tewenite-Ke, teni, ''Tata, keba Me bekope kewe ne e.'' ⁴ Pea, peanya Yesus pifeng ing kelu, Ke lengte, toto ingpetuko kewawa kale, anara peing petuko Allah pewena hoete ung Allah Oke tekana eti wa keate.'' ⁵ Yesus kewe Marta, pa jangke peume pa Lazarus. ⁶ Pea, anara Yesus kewe kelu Lazarus ke ne e, Ke ana nenuka kelei bang hingtung jeng Ke lei. ⁷ Wakote ing, Yesus lengte teangku-teangku-Keke,''Elewe epa nera nene Yudea.'' ⁸ Teangkufa keke tenite-Ke, ''Koru, teba-teba Yahudi jokaung te ena Me wung terorote, jaungka kotu Me wera memepe. ⁹ Yesus lengte,''Peana motu rangku hampa ifu baang aling. Ana kebaung leng keka fea bang, kekita fifikale kewe kekalengte fitong fefewe kefo. ¹⁰ Pea anara, ana kebaung lengkeka rapang bang, kekitafi fefe kekoka.'' ¹¹ Kafate Yesus lengte nowea, Ke lengte tewe, ''Jo nene, Lazarus, keluweng, peanya Ni rere ko nijeko ke kaleng-leng.'' ¹² teangku-teangku tenite-Ke, ''Tata, pea ke luweng, ke nehae etu.'' ¹³ Yesus kebamuang pepe Lazarus kewanya pea Yesus pilei, anara teangku-teangku tehiengra Ke pilei keluweng ing keiko nehae ung. ¹⁴ Peana ing, Yesus kaimpa keleng peng-pengfa tewe Lazarus kewa, ¹⁵ pa Niwe pungle ana ewe nieng, Ni kefu nile eka ung ewe pung momoni. Pea elewe epane neneke.'' ¹⁶ Kaimpa, Tomas, keteni ete Didimus, kelengte teangku-teangku hing, ''Elewe epanera nene ung newung lupapa-Ke.'' ¹⁷ Peanya Yesus kakotiju, Ke kakoti Lazarus keheti i fulu bang nopong. ¹⁸ Peanya Betania peing ana weteko hampa papang napang stadia hamba pepe wa Yerusalem. ¹⁹ Teba nawo Yahudi tetee Maria tefie pa Marta, ungke hupalang teeng-engka jote ing-ang. ²⁰ Kaimpa le telate Yesus kete, Maria pete pa pete-Ke pewe, peanya Maria petue paa. ²¹ Marta penupate Yesus, ''Tata, anaing- angrapoing Me peme kewea,jonenine kewawa kale. ²² Pea anara, ung-angwe nilu jahaung Me wamepe Allah, Allah jaing kewelengte-Me.'' ²³ Yesus lengte tewe ''Joe e e kelefute.'' ²⁴ Marta penute Kea, ''Nile ke lefu tetele wakote bang telefu pate ete peing bangpe.'' ²⁵ Yesus lengte tewe, ''Niwe tefupate pa teme batoto; meba ing pung kole pamepakope Niwe, me me batoto wakote mewungra. ²⁶ pa meba tuho memepe pa pung kolemepakope-Ni mewung-wung rakape. jaingja mepa pung kole jawe.'' ²⁷ Marta pnute-Ke, ''Ea Tata, nilakole Me ing Kristus,Allah Oke, kehete fitong.'' Yesus Fukele ²⁸ Peanya jaing kelengte, Marta pete pa Maria prnu, jangpe, pa penu tena pewofa, ''Koru kemele wea pa Ke mea keleng ile.'' ²⁹ Jaing kelu, Maria pewaleng pa pete pefi Yesus. ³⁰ Pote ing, Yesus bame ing, anara jeng Marta pe-Ke tifi. ³¹ Teba-teba Yahud tepa telupa Maria paa ing, tewe pung pepe tewe e, tewe tekarengte pewaleng pa petepeng; tewera tela pea tehiengra pe tete fulu pete fu tutu kefua. ³² Kaimpa Maria pewa kote jeng Yesus lei, pe Yesus pefo pa pepa hete tang e-Keke, pea penute-Ke, ''Tata, anaing-angra Mewe mepe kewea, jone nine kewawa kale.'' ³³ Kaimpa Yesus kalengte Maria fupetu kefo teba-teba Yahudi terapa futete lepae, Yesus kehetime Pung pa keana keba teterie. ³⁴ Yesus kengte, ''Lazarus kene ewe ke iele.'' Tewe nite Ke ''Tata, mepe mepa pa mekafu.'' ³⁵ Yesus kera fukele. ³⁶ Poing, teba-teba Yahudi tenipate, ''Eka keleng! Anara Ke noefeng kele Lazarus!'' ³⁷ Pea anara, teba narang-rang tewowo tenie, ''Peing tukana Kea keba lutofo keleko luto kea keara keleko Lazarus kewawa kale.'' (Lazarus keleko Kelefute keka neba Wung nete) ³⁸ Yesus, keana nepefawa nekeke-Ke kana fulu, Fulu ing wa, pa wungtu ung tewei pepe. ³⁹ Yesus lengte, ''Wung ing ewepena pongte!'' Marta, jope keba wa ing, penute-Ke, ''Tata, ung-angwe kewe o nupa newewete kewa kewe bang jo bang nopong.'' ⁴⁰ Yesus lengte pea, ''Peana Niwe ewe nileng kana pea ana pung e e motu nipa elakole ni jaing efofole Tata Jeng Tete-Ke ⁴¹ Pea, tewe wung ing tewe ete.Kaimpa, Yesus nefa kewepang e pa kelengte, ''Ai, Ni waete-Me peanya Me lemepa mepe Ni. ⁴² Niwelu pea Me anara lemepa mepe Ni, peapa anara teba-teba terete Niwe tepajo, jaing pe Ni leng ung tepung tutu pea Meang Ni mebepeng nile.'' ⁴³ Peanya pi kelekote ing, Yesus kewala pina nafeng,''Lazarus, mekengpe!'' ⁴⁴ Keba kewa ing kekengte, no pa tang e a tumo a kafan, pa tangha keke tepo ro kafan. Yesus lengte tew, ''Ro-ro ing ehofa fatne keke pa kekana nene.'' (Pitewa Yesus Tejaja te) ⁴⁵ Teba-teba Yahudi tete Maria, pa jaha Yesus jano kelele le, ung tepung tutu-Ke. ⁴⁶ Pea anara, tebafa ung tejate tete teba-teba Farisi pa tenite tewe janya Yesus ke jano kele. ⁴⁷ Poing, imam-imam rube pa teba-teba Farisi tete telu Sanhedrin pa pitete, ''Janya epane jano nererete? Pea, Keba weing jano lopafa nawo kelemotu. ⁴⁸ Ana epane Ke none hangfangte nowe ing, teba nawo tepung tutu Kea pa teba-teba Roma tete ko jengwe ing lolo tete- tete te pa nepa bapa nene,'' ⁴⁹ Pea anara, kebaung kekate kebati Kayafas, kewe poing imam bapale keme felangro ing, kelengte tewe, ''Ewe jaungra eleka-eleka, ⁵⁰ Peana ing huka ewe keba aling ung kewako bapa tupa keing efeng anara bapatupa takuku peing feng.'' ⁵¹ Keka lengka wa nekekewo, peanya ana Imam Bapale felangro ing, ke raleng nubuat kele Yesus kewawale ko bapa ing. ⁵² Pa, anara bapa Yahudi efaka,wakote ana lelepa kelu fatate aling Allah teangku-teangku temepu wowo. ⁵³ Pea, wa poing, tewe pitehe ko Yesus tejajate. ⁵⁴ Petehe ing, Yesus leng fea-fea keka ka tebafa Yahudi, anara Ke titile kekana jeng riung watupa ta belantara kota tiung bati Efraim; pa Ke lei fua kepa telupa teangku-teangku-Keke. ⁵⁵ Pote ing, Paskah teba Yahudi pete watu, pa teba nawo teja jeng ing tete te Yerusalem Paskah ung-angfa ko ne tete telote tete. ⁵⁶ Poing, tewe Yesus teju pa pi tete te kealing tepa wee tekaung tekengtere Allah paake, tewowo tejeng e, ''Tunane hupalang meme?jatuko Ke jengwe tete etewe? ⁵⁷ Peanya imam-imam rube pa teba-teba Farisi tewe pitiung tewekengte pea ana baung mepe Kewe leile wene, baing mepeng ung tewe-Ke tekeke.