¹ Yesus lengte, ana bamuang pepe, Ni leng tete ewe, keba ing kekengti jako ke ing tilong kekengka, ana ke eko keka lengma hing, keba ing keba jata leile pa ja tete keleile. ² Peing anara, keba ke kekeng tilong, keing ana keba domba lemotu. ³ Peanya, keba tilong be jeile,domba-domba le telate pina keke, pa ke domba-domba keke tewobati tete, pa kele kakanapeng. ⁴ Kaimpa domba keke nalungpa, ke kaito tete pa dombs-domba kekeing telake kea te ke tefijang pina keke . ⁵ Keba papate kera telala kate, anara tewe teke ing teme jatatate ke tefijangka pinara keba-keba papate.'' ⁶ Aha ana jalopa pea pi kelei tewe, peanya tewe hu tewe paka ja ung-ang Yesus keleng i tewe. ⁷ Petehe ing, Yesus fang-fangra kelengte tewe, ''Bamuangwo, Ni lengte te ewe, Ni we tilong domba- domba ing. ⁸ Neba nawo ehafatale elekapa Niwe jata leele pa ja lolole ele, anara domba- domba le telala kate. ⁹ Niwe tilong, ana mebaung mekeng mepe Niwe, me efeng mepepe pe, pa mekengme kengpe, peapa ta mefifipe. ¹⁰ Keba jata leile kete jata lele le, teba kejiko tebing-bingte pa ketakukule; Niwe nile ewe efeng ewewele, pa janawo kelepa fufule. ¹¹ Niwe jako rube tete efeng; jako rube efeng lengtung-Keke kekelengti domba-domba. ¹² Keba jawaile, keba jako kakaileka, keba jaba domba-domba ingka, kekalengte nake hangpeng tete, ke domba-domba ing kelejangte pa kemekata; nake hangpeng ing te tetang pa telepa wowo. ¹³ Ke kemekata kewe keba jawaile pa ke domba-domba ingte ke engka. ¹⁴ Nwe jako ruba efeng. Niwe ni domba- domba-Nine nifelang pa domba-domba-Nine te Ni tefijang ¹⁵ Anaing- angra Ai ke Ni kefelang pa Ni Ai nifelang; pa Ni lengtung Ni kelengti domba-domba ing. ¹⁶ Ni wera domba-domba hing-hing ninera teja keweka; Ni tera niahaha, pa tera pina Nine teriri; pa tewe teleti aling tewefa nana rube aling. ¹⁷ Peanya kawe Ai Niwe no kele, ana Niwe lengtung Ni kelengti ung Ni rapule nikekele. ¹⁸ Meba ungra mebebe Niwe kape, anaing-angra Niwe nikelengti kapung-Ni newo. Nia lelepa wekotu ko lengtung Ni kelengkole pa Ni wera jaing nira pute niwewele. Kawe pea kelekote Niwa Ai-Nine.'' ¹⁹ Fang-fangra, teba-teba Yahudi teje wowo peana piti Yesus lakotu. ²⁰ Tewe nawo tenie, ''Kefeng-fenghe pa tanghatu. Jatu ewe le laele Ke?'' ²¹ Tekaung tenipate, ''Kaing keing piti keba feng-feng heka. Anara feng-feng keba lutofo kejejele.'' (Yesus pa Ai tenakeing Aling) ²² Ana bang ing, bang tete Penahbisan lengwae Yerusalem. Po ing nele langfeng, ²³ pa Yesus keleng kai Allah Paake, anara Salomo paatopo. ²⁴ Pea teba-teba Yahudi telu tepajo Kea pa tepajo tenipate-Ke, ''Jo bang narang-rang Mewe mepeko newe pung hepae. Ana Me Kristus, mepeng- pengho newe.'' ²⁵ Yesus lengte tewe, ''Niwe ewe nileng, anara ewe pung tuka. Jano-jano Nile e ifu Ai batike, pea pewenu Ni jaing nile. ²⁶ Pea anara ewe pungtuka ewe ekengre domba- domba-Nineka. ²⁷ Domba-domba-Nine, pina-Nine teri, Ni tewe nifelang pa tewe lake Ni. ²⁸ Ni tewe teme batoto pea niwelengte tewe, pa tewe takuku katu; pa tewe baungra te kelele kale wa no-Nine. ²⁹ Ai-Nine ke tewe kelelengte-Ni, pe bapale wa lelepa nalungpa, pa tewe baungra tewe kelelewa Ai noke. ³⁰ Ni ana Ai newe aling.'' ³¹ Fang-fangra,teba-teba Yahudi wung tereko teroro Yesus. ³² Pea anara, Yesus kelengte tewe, ''Niwe ewe ja nawo ninalung ewe jano efeng wa Ai,janoha peing nileka pea tuko ewe Niwe wung elolole? ³³ Teba-teba Yahudi ing tenite Kea, peing jano raka newe efeng nene Me wung neroro,peing anara piti feng mepe motu; pa Mea peko, pera meba tuho ne-Meme mepeko anara Allah.'' ³⁴ Yesus lengte tewe, ''Peana Ropo Taurat e e pepo tukoka, 'Ni hohowe nile, ewe ing Allah? ³⁵ Ana Allah pea ewe tikela ea hoho ing ewe ing allah, peapa Rop To peing eha huhu kale. ³⁶ Jaha ewe eleng kote Ke ana Ai ne keleko to pa kekelengtu fitong, 'Me maki tete, peanya Nilengte ewe, Niwe ing Allah Oke. ³⁷ Ana Niwe jano-jano Ai-nine,jano nileka Niwe ewe pung tutuka. ³⁸ Pea anara Niwe jano- jano ing, nile peana ewe-Ni epung tuka, ewe pung tumomo jano-jano ing ung elele efolanglang pea Ai kemele Ni, pa Ni mele Ai.'' ³⁹ Peanya, tewe te ena Yesus, peapa tewe kepe. ⁴⁰ Pea, Yesus fang-fangra kele pa Yordankekana jeng Yohanes lopana teba pakeleng tehe totofu pa Yesus kelei kefua. ⁴¹ Teba nawo tete e-Ke pa pikelei, ''Kaimpa Yohanes keja aling ungra janolopa, peanya lelepa Yohanes leng i kewe bamuang.'' ⁴² Pa,teba nawo tepungtu-Ke kefua.