Pasal 4

Nopara Mepe Pete "Tata"

1 Pewa nete,ekaki pa ebe hahoele,pe wa taa benana mota huto eeing hupala fefe lewa no meme. 2 Ja ung mepule pa,mepopo kape,hufepa,teba meba.Jana mepepe kape pa ena keking pa eba hahai le.Jana mepepe kape,hana mewaka. 3 Hona ra mewa pa,jana mepeka ing,robe pepeing,mewa fe.Peanya melawo,hupala noong meme,hupala fefe. 4 Hei,ebapha ja aele elona,elako le,fitoe koho efei,epa Tata.Peanya,ba?Jano hefe kelo fitowe,nokeke kele Tata kehokewei. 5 Piha me ong,hanara topo ele,Tata pinape,"Roh Tata kekewa nepara nene ing,ja kefa."? 6 Tata anugrah bepalo.Peanya ropo eko,nukote,Tata ke pulika,teba nenaroete.Pa,Anugrah kewele teba hupala hefe." 7 Peanya,nepara mepepe te Tata,ja fefe,kebatefa ke,memapung ura,keme futitile. 8 No,mepapa te Tata kera no kenawenala,nememe no melope kototo,hei eba nele,hupala mepeko toto,Teba hupala hitu. 9 Teba,pimepe hupala fela lu popa,hupa pung hefe te lewa hupala fefe. 10 Hupala mepeko hefefa mepepa Tata Ura  me kekeeti,ka hofea.

Teba menamimika
11 Jopalala teba menamimika,teba mepopa menami kimpame hoho pepe mepaka.Menafe meme menapo umpa mepa kope,teba Tata kehoke tetapi.Meba Tata pitike mepaing,mebahefe piti keke,metape ing mebafe. 12 Hanara,keba oling hefe ke keing Tata Yesus Kristus ,kea mekeleko hefe keara,ari kelokiki le,Eing banya teba elopa lafo ele?

Tata jelelepaing ke Medepe-ka na
13 Ua we,kelae eba piti elaele ua na fena epane nene bame tu fea na bame tu kewae,ne te nene falero tupa,ja jetanetepa janapepe nororo. 14 Hana ro,eloka jalewawa febafea.Tonane hupala meme?Hupala ing pehangra papang jole,atale pa pete lete. 15 E,bamua piti elala,"Hanara Tata pule umpa,newe netenene pa,jaing netete na jano nerero. 16 Ua ing ne elano peing ja fetata. 17 Peanya elo,janopa hefefa mepememe pai ja ing,mepeka ing,meba fe,meba nole.