¹ Jopa lala,eba nawo kuru elele ka elomo mot neba janenaru ing ning kehotewi ing rerefatawo. ² Neba we,ja nete pa te fee hanara teba ja fefe piti tela kai keba ing keba hefe fafa. Ke ing nepara keke kelete hefafa. ³ Aa nefa kuda lao ura telakeke nr,mra ai nemaro netupa tepo toto. ⁴ Eka fofo tuu ja ete tui,bapalewo fee kekati kati ja ing ke lekaile,nahoho apawo kekana ne lele,kelakoko kebarobe. ⁵ Peanya pe kera jale hapa wah nenere pepe jalelepa penaru bapale wo,mekape hape tuja ing ra eho luhona hapawo. ⁶ Peing keana rah jafe moto fito,weke tekei,nonene pa peanya nenene ing,pelewa.Nepara neneing ra pewa,nepara nene rae ko luha. ⁷ Jalelepa kelela,ta'tejipa ete kopa tetieti tifea pa,hau tefeete tekau natoto tajaeta. ⁸ Hanara baura peewe natoto mepapa kape.Peing keba feng,keing ra ropaka,kehanara tang teba tehite tebi. ⁹ Hana pee pa Tata pinoto lah pee wera,tebanaropa lomo nete,teba kelela nepara hana Tata. ¹⁰ Wa lao halalafa piti hefepa piti fefe ke.Lao hala fa,jopa lala peanya janopa ing,epane tete ka. ¹¹ Hanara pa loo ali pe pa koile ing pa lapi pa pa taa kelepa koile? ¹² Topa lala haara ri too ara napepe ing zairun too na?Pe kampa ri too anggur too pepe ing lewa ara?kampa pa lo pa titipe pa lepa koko kale. Hikmat Hitu ¹³ Me ing ba hikmat pa pengertian me pela hupala hefe,janopa hefe mapapala,pepe ba pa hikmat. ¹⁴ Hanara,hupala meme ing lomo pa hupala tamo mene memapo,nepara bamua no meme pimepa ki hanara ja hefe mehinape. ¹⁵ Hikmat hanai pe hope hato ka,pe wa,ko,fito we,fefe ka pa peja fefe. ¹⁶ Hanara hupala fe pa,hupala ta benana,ke i ng ta ja fefe pelewawa to. ¹⁷ Hikmat pe wa ho,heto ing,pe fefe to,pa pepe ba,hupa hefe jalelepa hefefa rito pepe hefe teba,keho keleka ong kefalea. ¹⁸ Rito hefeing pe teropi la jelelepa pepe hake teba hefefa.