Pasal 2
Hupala Hefe Me Papa Teba Nawo
1
Topa lala,hanara teba Tata tefija wa dea Yesus Kristus,tata nene hpa lain mepeko hanara pimepo nememe.
2
Poi teba kau telab noja tete,no kaka ro hefe pelele to,poi teba fefe rotete,talepa teto ing,
3
baing mepete ketete ing mepo momo fuje hefe we,pa merapete teba fafe ing,memale rurubo na mepeteke metamumu tae nine tukolo.
4
Pe hanara me teba ing mehina pe ko,meko pe,tewowo pa me keme hoo uwu pa koho peila hupala fefe.
5
Jopa lala,Tata bapa ke!Le elate hanara Tata(Allah)teba wawa teba japaka pafa,te hupala tete te bapa ing,Tata napolo keke Pai keke pe janji kelokote teba hanara telako Tata wapa?
6
Hanara teba wawa japaka,te ing teba nopa ing te a teba nopaka ing,lala teteko tepetuto arpa?
7
Hanara tea bati hefe meme,kehi na loko po mekeloing?
8
Hanara e piti keke ela hanara Rope ele maru ing ,"Hefe efe teta teba hela meme,hanara nepara meme ing,"ei janopa hefe mepe.
9
Hanara teba kau mehina pe ki ing ta hohoke,mehinape mepe piti keke mepa ko.
10
Peanya,piti lele pa ing me pe pa aling me pa ka ing mepete fe.
11
Tata lekota,"Utu mepaka,"Keru lote,tebu mebako kwu wu ka."Peanya mepaka,"utu mepaka pa teba mebako kewa ing,tata pitike mepaka.
12
Piti mepa melepaing hanara teba teretutete apate,teteropa no tehafa.
13
Apa ing teba epi pa ja koko tewa teba pa epi moka;epi hefe lewawa pite fefe.
Iman jano mepeka hanara perang
14
Jopa lala,hanara teba temi,teba beriman pa jano kelekang rane u?hefe ing toto ne keke?
15
Hanara jopa lala,teing rokah,hana jojo fepa papa.
16
Hana,eba fawe bau kelelele nemla hupapung meme hefefa ne meme hefe pa hulala pa,jaura mepepeka ,"Fatawo ja hefe tereko lala nopara tete?
17
Halalafa hana Iman naha iman ing,janopa pepe ing mepeka,kimpa fulo pepei,pepa.
18
Hanara teba kou tenito ,"Ebawe iman e e,motona pa jano elona."Ni leteteto,karawe ni jono pepe ni le la jana pepe.
19
Hupala e eing bamua nah Tata(Allah)ke ing Ali kei bamua.Relipa kebate tera tata keing bamua.Pa te notete.Tete jakoto.
20
Heba topo!Hipala e eing elokana,iman ing jano mepe ka ing pehanara pe rajoto?
21
Pe nahara Ai Abraham,po ing oke Ishak kekati,kete Tata kapake?
22
Mekape te iman tena perbuatan jano telepa re ete,peaya wa janopa ing iman ing pe nafe kokoto.
23
Peanya pite ka,tp o ele nokoto Ai Abraham pung keke koto Tata(Allah)peina ke kaki kote,hanara bamuapepa,ke bati tela "Tata bapoke."
24
Peanya eka lete fofo,wa janopa hefe tebaing hefe tata welote,hanara iman fofara ka.
25
Hanara,Rahab peba tokeweto,peing hefe pewe,tata wele hanara janopa hefe peto,pa i ng loma pejuku teba loloja Israel hema penuh tefute terapo loma ing?
26
Hanara Nepara meme ing letu kah,hanara pepang,peanya iman hanara jano mepeka ing pepa ing.